Morgunblaðið - 09.08.2000, Blaðsíða 10

10 MIÐVIKUDAGUR 9. ÁGÚST 2000
FRETTIR
MORGUNBLAÐIÐ
Skaftárhlaup hófst á laugardag og náði hámarki á mánudag
Morgunblaðið/Jónas
Skaftárhlaup náði hámarki eftir hádegi á mánudag og var myndin þá tekin í átt að Skaftárdal, þar sem vegurinn for í sundur.
Hlaupið var
með minna móti
HLAUP hófst í Skaftá á laugar-
dagskvöld. Pað náði hámarki
aðfaranótt mánudags eða á mánu-
dagsmorgun þegar rennslið mæld-
ist um 700 rúmmetrar á sekúndu
og hafði hlaupið þá vaxið hægt frá
því að þess varð fyrst vart. I gær-
morgun hafði minnkað mikið í ánni
og var rennsli komið niður í um 500
rúmmetra á sekúndu samkvæmt
Vatnamælingum Orkustofnunar.
Hlaupið í Skaftá er ekki talið
vera stórt og telja vísindamenn það
koma úr vestri sigkatli Skaftárjök-
uls. Hann er minni en eystri sig-
ketillinn en hlaup sem koma þaðan
verða að jafnaði stærri en hlaupið í
ár. I júlímánuði árið 1995 kom stórt
hlaup úr þeim katli og náði rennslið
mest 1.400 rúmmetrum á sekúndu.
Fjölskyldur innlyksa
í Skaftárdal
Nokkrar fjölskyldur sem dvelja í
sumarhúsi í Skaftárdal hafa orðið
innlyksa vegna hlaupsins en vegur-
inn þangað fer venjulega í sundur í
hlaupum. í gærkvöldi var enn
ófært um veginn og vonaðist fólkið
til að komast leiðar sinnar í dag.
„Þeir sem eru á fólksbílum sitja
hér fastir en Vegagerðin ætlar að
athuga aðstæður á morgun [í dag].
Við vonumst til þess að það gangi
upp en það er aðeins farið að sjatna
í ánni,“ segir Sigurbjörg Þorsteins-
dóttir, en hún segir fólk annars
hafa það gott enda veðrið yndislegt
og enginn skortur á neinu.
Tólf fslendingar taka þátt í alþjóðlegri ráðstefnu um baráttuna gegn tóbaki
Fjórar milljónir deyja ár-
lega vegna tóbaksnotkunar
Chicago. Morgunbladiö.
ELLEFTA alþjóðlega ráðstefnan
um baráttuna gegn tóbaksnotkun
og afleiðingum hennar var form-
lega sett laugardaginn 6. ágúst sl.
í Chieago. Ráðstefnan er sú fjöl-
mennasta frá upphafi og er fjöl-
mennari en þrjár síðustu ráð-
stefnur samtals. Um 4.500
þátttakendur mættu á
ráðstefnuna frá um 140 þjóð-
löndum og þar verða flutt 2.500
erindi varðandi tóbak og heilsu,
auk þess sem haldnir verða um
500 samkomur.
Flestir þátttakendanna eru frá
Bandaríkjunum, um þrír fjórðu,
og kostnaðurinn við ráðstefnuna
nemur um 800 milljónum króna.
íslenskir þátttakendur á ráð-
stefnunni eru tólf talsins, en ráð-
stefnan stendur til 11. ágúst.
„Rjúfum þögnina“
Við opnunarathöfnina ílutti Gro
Harlem Brundtland, aðalfram-
kvæmdastjóri Alþjóða heilbrigðis-
stofnunarinnar, WHO, erindi og
var henni vel fagnað af ráðstefnu-
gestum. Hún minntist á nýlegar
ráðstefnur varðandi alnæmi, þar
sem yfirskriftin var „Rjúfum
þögnina", og hvatti hún til þess að
þögnin yrði einnig rofin varðandi
hörmulegar afleiðingar tóbaks-
notkunar í heiminum.
„Við getum ekki lengur staðið
þögul hjá og horft á þennan far-
aldur breiðast út, sem nú þegar
drepur fjórar milljónir manna ár-
lega og stefnir í að verða tíu millj-
ónum manna að fjörtjóni á hverju
ári eftir 2030.“
Yfirskrift ráðstefnunnar er sú
að fólk verði að velja á milli tób-
aks og heilbrigði, það sé ekki
mögulegt að þetta tvennt geti far-
ið saman.
Timi til kominn að
herða baráttuna
Brundtland taldi að nú væri
tími til kominn að herða barátt-
una gagnvart þeim sem afneita
tóbaksnotkun sem faraldri og að
leitað yrði fleiri leiða til að hjálpa
fólki til að breyta viðhorfi sínu á
þann hátt að heilsan væri ekki
sett að veði vegna reykinga. Hún
sagði ennfremur að nú væri tími
til kominn fyrir tóbaksframleið-
endur að standa við orð sín um að
taka á þessu vandamáli og að
sýna í verki að þeir vildu í raun
draga úr reykingaáhuga ungs
fólks, og að tóbaksiðnaðurinn
legði fram fjármagn til að hjálpa
ánetjuðum reykingamönnum að
hætta.
„Þá getum við sagt að þögnin
sé rofin og að við séum farin að
taka höndum saman til að efla
heilbrigði, og ekki tóbaksnotkun."
Handalög-
mál í verk-
bannsdeilu
TIL handalögmáls kom á milli fé-
lagsmanna Verkalýðs- og sjó-
mannafélags Fáskrúðsfjarðar og
verkstjóra hjá Loðnuvinnslunni hf.
við útskipun á 800 tonnum af mjöli
á sunnudaginn.
Útskipunar- og yfirvinnubann
hefur verið í gildi af hálfu verka-
lýðsfélagsins frá 30. júní síðast-
liðnum og svaraði Loðnuvinnslan
með verkbanni, sem tók gildi 8. jú-
lí.
Kallað var á lögreglu, sem vísaði
félagsmönnum verkalýðsfélagsins
frá svæðinu, þannig að hægt var
að ljúka útskipuninni.
Bensín-
ið þraut
íVík
BENSÍNLAUST var í Vík-
urskála á Vík í Mýrdal í
fyrradag, að sögn Guðmundar
Elíassonar, framkvæmda-
stjóra skálans, en mikil um-
ferð var á svæðinu um helgi-
na. Hann taldi að um 30
þúsund lítrum af bensíni hefði
verið dælt á bíla af tönkum
skálans.
Guðmundur sagði nýjar
bensínbirgðir hafa komið til
Víkur um eittleytið í fyrri-
nótt, en lengi vel leit út fyrir
að ferðalangar, sem ætluðu
að taka bensín þar á heimleið,
yrðu að hafa þar náttstað.
Guðmundur sagði óhemju
mikið hafa verið að gera um
helgina í Víkurskála og Skaft-
árskála á Kirkjubæjar-
klaustri, sem hann rekur
einnig. Að hans sögn tjaldaði
fjöldi fólks á Klaustri í mikilli
veðurblíðu og var þar mun
fleira fólk en um síðustu
verslunarmannahelgar.
Telur áhuga
á eiturlyfj-
um hafa
minnkað
EITURLYF hafa _ hækkað í verði
upp á síðkastið. Ómar Smári Ár-
mannsson, aðstoðaryfirlögreglu-
þjónn í Reykjavík, segir ástæðuna
vera minnkandi framboð. Hann
segir aðgerðir lögi-eglu og tollgæslu
hafa stuðlað að því að lítið hafi verið
til og jafnvel skortur á fíkniefnum
um nokkurt skeið. Þeir sem eigi eit-
urlyf, drýgi þau með öðrum efnum
og smám saman hækki verðið.
Ómar segir ekki rétt að draga þá
ályktun af hækkandi fíkniefnaverði
að eftirspurn hafi aukist hér á landi.
Ahugi þorra fólks á fíkniefnum hafi
þvert á móti heldur minnkað.
Leita af meiri áfergju
Fíklar séu þó enn til og þeir leiti
sér efna af meiri áfergju eftir því
sem skorturinn verði meiri og var-
anlegri. Þetta sé fólkið sem helst
leitar sér meðferðar ef þrengir að.
Ómar segir mikilvægt að senda
sölumönnum eiturlyfja skýr skila-
boð. Almenningur á Islandi verði að
taka skýra afstöðu gegn neyslu eit-
urlyfja og skapa þannig sér og öðr-
um skilyrði til betra lífs.
Ómar segir þó að sumir hafi mik-
inn áhuga á því að flyta inn eiturlyf
til landsins. Það segi sína sögu um
hugsanlegan ávinning af innflutn-
ingi efnanna og ætlan manna að
koma þeim á framfæri t.d. á meðal
ungs fólks.