Morgunblaðið - 15.08.2000, Page 11
MORGUNBLAÐIÐ
ÞRIÐJUDAGUR 15. ÁGÚST 2000 11
FRÉTTIR
Engin
beiðni til
Islands
HALLDÓR Ásgiímsson utanrflds-
ráðherra segir enga beiðni hafa kom-
ið frá bandarískum yfirvöldum,
hvorki formlega né óformlega, um að
herstöðin í Keflavík eða ratsjárstöðv-
ar á íslandi tengist eða gegni hlut-
verki í fyrirhuguðu gagnflaugavai-n-
arkerfi Bandaríkjanna. Hann segist
ennfremur ekki vita til þess að rat-
sjárstöðvum hér á landi sé ætlað hlut-
verk í þeim áætlunum sem eru fyrir
hendi af hálfu bandarískra yfirvalda.
í fréttatilkynningu frá Vinstri-
hreyfingunni - grænu framboði kem-
ur fram að Steingrímur J. Sigfússon,
formaður hreyfingarinnar og fulltrúi
í utanríkismálanefnd, hafi óskað eftir
fundi í nefndinni. Þá kemur fram að
þess sé óskað að utanríkisráðherra
veiti nefndinni upplýsingar um tvö
málefni sérstaklega. Annars vegar er
um að ræða ofangreint málefni og
hins vegar hver sé staðan í viðræð-
um, eða væntanlegum viðræðum,
milli íslenskra og bandarískra stjórn-
valda um umsvif í herstöðinni á Mið-
nesheiði eftir að núgildandi sam-
komulag rennur út.
Utanríkisráðherra segir að hvorki
íslensk stjórnvöld né bandarísk hafi
óskað eftir viðræðum um málið en þó
sé hafinn undirbúningur á málinu í
ráðuneytinu. Hann segir stefnu ráðu-
neytisins vera þá að mál verði með
svipuðum hætti og þau hafa verið.
Samkomulagið rennur út í aprfl 2001.
MorgunblaðwDagny indnða
Séra Lára G. Oddsdóttir prédikar með aðstoð meðhjálparans, Hákons Aðalsteinssonar, sem heldur á gjallar-
horni. Krossinn er verk Sigrúnar Benediktsdóttur.
Norður-Héraði. Morgnnblaðið.
SÉRA Lára G. Oddsdóttir, sóknar-
prestur á Valþjófsstað, messaði við
Snæfell síðasta sunnudag. Messan
var haldin í Snæfellsnesi skammt
innan við Hafursárufs.
Séra Lára segir að sig hafi lang-
að til að hafa eina guðsþjónustu úti
og lá beint við að hafa hana í Val-
þjófsstaðarprestakalli enda land
Valþjófsstaðar víðfeðmt og nær yf-
ir allt Snæfellssvæðið inn að Jökli
milli Jökulsár í Fljótsdal og Jökuls-
ár á Brú.
Útiguðs-
þjónusta við
Snæfell
Markmiðið með að hafa messuna
þarna var að hitta fólk sem er á
ferðinni ásamt heimamönnum og
„ræða guðs góðu sköpun við það“.
Messugestir komu víða að á land-
inu en flestir voru þó af Austur-
landi og úr Valþjófsstaðarsókn, alls
um 60 manns. Veður var hlýtt,
þurrt og bjart þótt ekki hafi verið
full fjallasýn, nokkuð hvasst var en
það kom ekki að sök. Messukaffið
var með nokkuð sérstæðu sniði, en
nokkrir létu sig hafa það að að setj-
ast út í vindinum og drekka þar
kaffíð. „Það var alls ekki kalt að
sitja úti. Þetta var gaman og ég er
þakklát fyrir það hvað margir
komu,“ sagði séra Lára.
Mikill erill
vegna
ölvunar í
Hafnarfirði
MIKILL erill var hjá lög-
reglunni í Hafnarfirði á laug-
ardagskvöld og aðfaranótt
sunnudags vegna ölvunar í
heimahúsum og í bænum
Kalla þurfti til aðstoð frá lög-
reglunni í Reykjavík. Komu
sex lögreglumenn á tveimur
bílum. Að sögn lögreglunnar í
Hafnarfirði var þetta aðallega
hávaði og slagsmál í íbúðar-
hverfum og þurfti að leysa
upp hópa til að stilla til frið-
ar. Þá var brotist inn í sölu-
turn klukkan sjö í gærmorg-
un en málið er í rannsókn.
Ekið á tvo
á Selfossi
EKIÐ var á tvo gangandi
vegfarendur á Selfossi um
klukkan fjögur aðfaranótt
sunnudags. Þeir voru báðir
fluttir með sjúkrabíl á Heilsu-
gæslustöðina á Selfossi. Eftir
aðhlynningu lækna fengu þeir
síðan að fara heim og var um
minniháttar meiðsl að ræða.
Ibúar við Laufásveg 19 geta ekki geymt
sorptunnur á baklóð í eigu sendiráðs
Kaupin hafa ekki
öðlast gildi
LÖGMAÐUR Húseigendafélagsins,
sem beitir sér í máli íbúðareigenda að
Laufásvegi 19 í Reykjavík, sem ekki
hafa stað fyrir sorptunnur eftir að
baklóð hússins var seld bandaríska
sendiráðinu, hyggst senda erindi til
dómsmálaráðuneytis þar sem bent er
á að kaup bandaríska sendiráðsins á
baklóðinni hafi ekki verið samþykkt
af ráðuneytinu líkt og lög kveði á um.
I erindinu er ráðuneytið enn fremur
hvatt til að veita ekki samþykki sitt
þar sem kaupin brjóti í bága við fjöl-
eignarhúsalög sem voru í gildi þegar
afsal fyrir kaupunum var gefið út í
júni 1995 auk þess sem kaupin brjóti
meðal annars gegn heilbrigðislögum.
Níu íbúðir eru í húsinu að Laufás-
vegi 19. Bakstigagangur í húsinu
liggur út í bakgarðinn en lóðai'rétt-
indi þau sem fylgja húsinu ná ekki til
baklóðarinnar. Af þessum sökum
geta íbúar í húsinu ekki geymt rusla-
tunnur á baklóðinni. Sendiráðið, sem
er til húsa að Laufásvegi 21-23,
keypti baklóðina ásamt bflskúrum
sem þar voru. Af öryggisástæðum
vilja starfsmenn sendiráðsins ekki
leyfa íbúum að Laufásvegi 19 að hafa
afnot af baklóðinni.
Sigurður Ingi Guðjónsson, lögmað-
ur Húseigendafélagsins, segir málið
nokkuð sérkennilegt þar sem að ef
íbúarnir opni dymar út í bakgarðinn
og stingi tánum út um þærséu þeir
þar með komnir inn á bandarískt yfir-
ráðasvæði.
Sigurður Ingi segir að ný fjöleign-
arhúsalög hafi gengið í gildi 1. janúar
1995 og því hafi kaupin ekki verið lög-
mæt því að afsal fyrir þeim hafi verið
gefið út í júní á sama ári. „Við teljum
að þessi sala á baklóðinni og bflskúr-
um hafi brotið í bága við fjöleignar-
húsalögin,“ segir Sigurður Ingi.
Hann segir enn fremur að afsal
vegna kaupa á baklóðinni og bflskúr-
um hafi ekki verið samþykkt af dóms-
málaráðuneytinu líkt og lög um
eignarétt og afnotarétt fasteigna
kveði á um þar sem um sé að ræða
kaup erlendra aðila á íslenskum eign-
um. Samkvæmt lögunum hafi kaupin
því ekki öðlast gildi, segir Sigurður
Ingi en hann undh’býr nú erindi til
dómsmálaráðuneytis þar sem hann
bendir á þetta og að auki að ekki sé
heimilt eftir á að samþykkja kaupin
vegna þess að þetta sé gemingur sem
standist hvorki fjöleignarhúsalög né
önnur lög. Hann segir það ekki stand-
ast byggingarlög, skipulagslög og
heilbrigðislög að húsið sé svipt lóð-
arafnotum líkt og þarna sé um að
ræða.
Grundvallarskilyrði búsetu að
hægt sé að losna við sorp
Það sé grundvallarskilyrði fyrir
búsetu, og að húsnæði sé íbúðarhæft,
að hægt sé að losna við sorp. Sigurður
Ingi segir íbúa hússins þurfa oft að
safna sorpi í heila viku og sitja svo
fyrir sorpbflum til að losa sig við rusl-
ið. Þá hafi þeir einnig bmgðið á það
ráð að losa sorp í ruslatunnur ná-
grannanna svo lítið beri á eða að leita
á náðir vina og ættingja.
Sigurður Ingi segir að íbúarnir hafi
leitað til utanríkisráðuneytisins,
borgarstjóra og sendiherra Banda-
ríkjanna (þ.e. forvera núverandi
sendiherra) en án árangurs. Heil-
brigðisyfirvöldum hefur einnig borist
beiðni um að málið sé athugað.
Ónæði vegna sprengjuleitar
á næturnar
Ibúum hefur jafnframt stafað
ónæði af því að starfsmenn sendiráðs-
ins fari um Laufásveginn jafnt að
nóttu sem degi með „skröltandi trill-
ur með speglum til þess að leita að
sprengjum undir bílunum," segir Sig-
urður Ingi enn fremur.
Þá bendir hann á að þeim bflskúr-
um sem sendiráðið keypti og vora á
baklóðinni hafi verið breytt en sam-
kvæmt gildandi reglugerðum sé
breyting á hagnýtingu húsnæðis háð
samþykki bygginganefndar og að því
er hann best viti liggi slíkt samkomu-
lag ekki íyrir.
Húsnæðið var upphaflega í eigu
eins aðila sem seldi síðan íbúðirnar í
húsinu og undanskildi baklóðina í
þeim kaupsamningum. Erfingjai’
þessa manns seldu síðan sendiráðinu
lóðina. Sigurður Ingi segir að aldrei
hafi verið gerður samningur við
sendiráðið um afnotarétt íbúanna af
baklóðinni. Hann segist vonast til
þess að málinu lykti með því að sam-
komulag náist við sendiráðið um af-
notaf baklóðinni.
Lóðarréttindi undanskilin í
kaupsamningi 1959
Ágúst Jónsson, skrifstofustjóri
borgarverkfræðings, segir að salan á
baklóð Laufásvegar 19 ásamt bflskúr-
um, sem nú hafi verið breytt í skrif-
stofuhúsnæði, hafi farið fram í árslok
1994 en þá vora ný fjöleignarhúsalög
ekki gengin í gildi en þau kveða á um
að skylt sé að gera ráð fyrir stað fyrir
sorptunnur á lóð við íbúðarhúsnæði.
Ágúst segir að í kaupsamningi um
íbúð í húsinu 1959 þar sem tekið sé
fram að lóðarréttindi sem tengist
íbúðinni séu bara lóðin undir húsinu
en baklóð og bílskúrar fylgi ekki með
og því hafi baklóðin verið strax þá
skilin frá húsinu.
Ágúst segir málið ekki vera á
könnu borgaryfirvalda heldur sé það
á milli húseigenda og bandaríska
sendiráðsins. Hafi kaupsamningur-
inn ekki verið sem skyldi hafi það ver-
ið í verkahring sýslumanns að sjá til
þess að honum yrði ekki þinglýst en
ekki borgaryfirvalda, segir Ágúst enn
fremur.
Hann segir byggingu hússins vera
samþykkta um 1930 og þá hafi ekki
gilt nein lög um að gert sé ráð fyrir
sorptunnum á teikningum enda hafi
svo ekki verið á þeim teikningum sem
hann hafi séð af húsinu sem séu frá
1933.
Morgunblaðið/Golli
Maðurinn sem féll í hellinn var fluttur með sjúkrabifreið á slysamóttöku.
Ferðamaður féll
niður í helli
BANDARÍSKUR ferðamaður á
fimmtugsaldri slasaðist er hann
féll fjóra til fimm metra niður í
helli í Heiðmörk um klukkan 15 í
dag. Að sögn lögreglunnar í Hafn-
arfirði slasaðist hann nokkuð og
var fluttur með sjúkrabifreið á
slysamóttöku. Maðurinn var í hópi
ferðamanna, á vegum Ferðaskrif-
stofu Guðmundar Tyrfingssonar,
sem hjólað höfðu í Heiðmörk.
Hann var á gangi ofan á Maríuhell-
um þegar hann hrasaði og datt of-
an í hellismunna.