Morgunblaðið - 15.08.2000, Blaðsíða 15
MORGUNBLAÐIÐ
ÞRIÐ JUDAGUR 15. ÁGUST 2000 1 5
AKUREYRI
Framkvæmdum við nýjan
stúdentagarð senn lokið
Leysir hús-
næðisvanda
BIÐLISTAR eftir íbúðum á stúd-
entagörðum Háskólans á Akureyri
hafa verið nokkrir. í vetur hillir und-
ir að takast muni að anna þeirri eftir-
spurn en glæný bygging verður tek-
in í notkun í haust. Við Drekagil 21
er verið að ljúka bygggingu 7 hæða
blokkar, sem í verða 14 þriggja her-
bergja íbúðir, 14 tveggja herbergja
og ein einstaklingsíbúð. Flutt verður
inn í fyrstu íbúðirnar um miðjan
ágúst en stefnt er á að taka síðustu
íbúðimar í notkun í októbermánuði.
Þorsteinn Gunnarsson, rektor Há-
skólans á Akureyri, segir að þetta sé
mjög mikilvægur áfangi í húsnæðis-
málum stúdenta á Akureyri. „Fyrir
átti Félagsstofnun stúdenta á Akur-
eyri 28 íbúðir og 14 herbergi við
Klettastíg og Skarðshlíð. Hér er því
um að ræða afar mikilvægan áfanga
til að fullnægja eftirspurn háskóla-
nemenda eftir húsnæði hér á Akur-
eyri,“ sagði Þorsteinn.
Félagsstofnun stúdenta á Akur-
eyri kaupir strax 10 íbúðir í nýja hús-
næðinu af SJS verktökum og leigir
síðan 19 íbúðir af þeim, sem stofnun-
in hefur síðan forkaupsrétt á. Meðal
nýjunga í byggingunni má nefna að
gert er ráð fyrir örbylgjusambandi
fyrir tölvusamskipti, þannig að íbúar
geta tengst tölvukerfi háskólans með
hraðvirkum hætti.
Gengið frá raflögnum í einni af fbúðunum.
Ljósmynd Rúnar Þór
Krækiber við Sauðakot í Ólafs-
fjarðarmúla.
Farin að
kíkja á ber
MARGIR eru eflaust famir að
hugsa sér gott til glóðarinnar að
komast í berjamó en gera má ráð
fyrir að áhugafólk um berjatínslu
fari af stað með berjafótumar út í
móa um miðjan þennan mánuð.
Ása Marinósdóttir í Kálfsskinni í
Dalvíkurbyggð á von á að mikið
verði um krækiber í komandi berja-
tíð en það merkir hún á skít rjúpn-
anna í nágrenninu. „Menn eru lítið
famir að kíkja á ber enn sem komið
er, fólk fer ekki að fara að ráði fyrr
en um miðjan ágúst til berja, en
þeir hörðustu skoða sig um áður og
líta á sprettuna," sagði Ása.
Ása gerði ráð fyrir að þurrkatíð-
in undanfamar vikur hefði sitt að
segja varðandi sprettuna, en nú
væri orðið fremur svalt að kvöld-
og næturlagi og dögg settist á lyng-
ið. Það ásamt sólskini að deginum
ætti að flýta fyrir sprettu.
Morgunblaðið/Rúnar Þór
Hluti iðnarmanna ásamt Þorsteini Gunnarssyni, rektor Háskólans á Ak-
ureyri, og Jónasi Steingrfmssyni, . rekstrarstjóra Félagsstofnunar
stúdenta á Akureyri.
Yfir 1 7 milljónir afgreiðslustaða um allan heim