Morgunblaðið - 03.10.2000, Blaðsíða 20

20 ÞRIÐJUDAGUR 3. OKTÓBER 2000
MORGUNBLAÐIÐ
VIÐSKIPTI
Samkomulag um sameiningu
GoPro Group og Landsteina
Hluthafar GoPro
Group eignast 60%
STJÓRNIR GoPro Group og
Landsteina International hf.
hafa skrifað undir samkomulag
um sameiningu félaganna með
fyrirvara um samþykki hluthafa-
funda. Hluthafar GoPro Group
munu eignast 60% hlut í hinu
sameinaða félagi, en hluthafar
Landsteina International hf.
40%. í tilkynningu um samein-
inguna segir að hlutföll þessi séu
háð niðurstöðu kostgæfnisat-
hugunar sem mun fara fram á
næstu tveimur vikum. íslenski
hugbúnaðarsjóðurinn hf. á
22,8% hlut í GoPro Group og
20,8% hlut í Landsteinum og er
stærsti hluthafinn í báðum þess-
um félögum. Fyrirtækin eru
bæði með umfangsmikla starf-
semi utan íslands, og hafa bæði
verið í viðræðum við erlend fyr-
irtæki um samstarf og samruna,
sem enn standa yfir.
Eignarhaldsfélagið GoPro
Group var myndað með samein-
uðu eignarhaldi á nokkrum af
stærstu upplýsingatæknifyrir-
tækjum landsins og tveimur
dönskum hugbúnaðarfyrirtækj-
um.GoPro samanstendur af eft-
irfarandi sjálfstæðum rekstrar-
einingum: Hugviti hf., íslandi,
Þróun hf., íslandi, Þekkingu
upplýsingatækni hf., íslandi,
Tristan hf. á íslandi, SCIO AS,
Danmörku, SCIO UK.Bretlandi,
SCIO Sweden, Svíþjóð, GoPro
Development, íslandi, GoPro
Group, íslandi, og Landsteinum.
Landsteinar Group samanstend-
ur af eftirfarandi sjálfstæðum
rekstrareiningum: Landsteinum
Internatiqnaþíslandi, Land-
steinum Island, Islandi, Land-
steinum Denmark, Danmörku,
Landsteinum CI, Jersey, Bret-
landi, Landsteinum UK, Navi
Plust, íslandi og Þýskalandi.
Samkvæmt hálf fimm fréttum
Búnaðarbankans er markað-
svirði hins nýja félags 7,5 mill-
jarðar króna sé miðað við gengi
þess á gráa markaðnum
Aðalfundur______________
Samtaka
fiskvinnslustöðva
verður haldinn í Skíðaskálanum í
Hveradölum föstudaginn 6. október nk.
kl. 11:00
DAGSKRÁ
Skýrsla stjórnar
Arnar Sigurmundsson, formaður SF.
Arsreikningar SF 1999.
Kosning í stjórn og kjör endurskoðanda.
Ræða
Árni M. Mathiesen, sjávarútvegsráðherra.
Staða atvinnulífsins á tímum mikilla breytinga.
Ari Edwald framkvæmdastjóri Samtaka atvinnulífsins.
Cetur íslenskur sjávarútvegur skilað viðunandi arðsemi?
Sigurður Einarsson forstjóri Kaupþings.
íslenskur sjávarútvegur og Evrópusambandið.
Pallborðsumræður undir stjórn Páls Benediktssonar
fréttamanns.
Þátttakendur:
Finnbogi Baldvinsson, frkvstj. DFFU í Cuxhaven, Gunnar
Örn Kristjánsson, forstjóri SIF hf., Róbert Guðfinnsson,
stj.form. SH hf. og Þormóðs Ramma-Sæbergs hf, Styrmir
Gunnarsson, ritstjóri Morgunblaðsins, Vilhjámur Egilsson,
alþm. form. efnahags- og viðskiptanefndar.
Önnur mál.
Stjómin.
Framhaldsfundur ÍMARK um birtingarhús
Stefnir í svipaða þró-
un hér og í Danmörku
Morgunblaðið/Ámi Sæberg
Hermann Haraldsson: „Fjölmiðlahúsin starfa oft mjög náið með fyrir-
tækjunum, s.s. við markmiðssetningu eða skilgreiningu markhópa."
Á hádegisverðarfundi ÍMARK um
auglýsingabirtingar í byrjun síðasta
mánaðar var slegið aðsóknarmet en
þá komu alls um 250 manns á fund-
inn. í framhaldinu var ákveðið að
fylgja málinu eftir og fékk stjórn fé-
lagsins Hermann Haraldsson, fram-
kvæmdastjóra auglýsingabirtinga-
og ráðgjafafyrirtækisins OMD í
Kaupmannahöfn, til þess að koma
hingað til lands og halda fyrirlestur
um þróunina í auglýsingamálum í
nágrannalöndunum á fjölsóttum
fundi ÍMARK í gær.
OMD er stærsta birtingahús í
Danmörku með 116 starfsmenn.
Fyrirtækið var valið besta birtinga-
hús eða fjölmiðlahús í Danmörku í ár
og er það sjötta árið í röð sem fyrir-
tækið hlýtur þessa útnefningu.
Stefnir í svipaða þróun á Íslandi
í erindi Hermanns kom fram að
miklar breytingar hafi átt sér stað á
danska auglýsingamarkaðinum fyrir
um sjö eða átta árum og að mati Her-
manns er nær öruggt að slíkar
breytingar muni eiga sér stað á Is-
landi þótt þróunin verði ef til vill ekki
nákvæmlega eins vegna smæðar
markaðarins. í Danmörku hafi verið
sett á stofn sérstök birtingahús eða
fjölmiðlahús eins hann kjósi að kalla
þau og markaðurinn hafi tekið veru-
legum breytingum með tilkomu
þeirra. Fjölmiðlahúsin sérhæfi sig í
að vinna úr upplýsingum um fjöl-
miðlanotkun og ráðleggja síðan íyr-
irtækjum hvar og hvenær eigi að
birta auglýsingar til þess að ná til-
teknum árangri með sem minnstum
tilkostnaði. Fjölmiðlahúsin, segir
Hermann, starfa oft mjög náið með
fyrirtækjunum og koma íyrr inn í
sjálft ferlið, s.s. við markmiðssetn-
ingu eða skilgreiningu markhópa.
Fagleg vinna með gögn um fjölmið-
lanotkun og ráðgjöf til fyrirtækj-
anna um birtingar og úrvinnsla upp-
lýsinga sé meginhlutverk slíkra húsa
en vitaskuld starfi þau oft á tíðum í
náinni samvinnu við auglýsingastof-
ur og leysi þær ekki af hólmi. Fjöl-
miðlahúsin reyni að hámarka afköst
auglýsinga með tilliti til kostnaðar
og þetta geti þau gert í krafti sér-
þekkingar á fjölmiðlanotkun. Staðan
sé mjög svipuð að þessu leyti alls
staðar í Evrópu og telur Hermann að
þróunin verði sú að til verði tiltölu-
lega fá en öflug fjölmiðlahús sem
veita þjónustu á þessu sviði.
Of mikið gert úr ágreiningi
í samtali við Morgunblaðið sagði
Hermann að hann hefði fylgst með
umræðunni hér á Islandi að undan-
förnu og teldi að markaðurinn hér
væri að stefna í svipaða átt og í Dan-
mörku, það verði þó væntanlega ekki
eins mörg fjölmiðlahús og í Dan-
mörku en það hljóti að verða ákveðin
samvinna um rannsóknar- upplýs-
ingavinnslu. Sér þyki ekki ólíklegt að
auglýsingastofumar taki sig saman
um rekstur fjölmiðlahúsa eða grunn-
vinnslu gagna og fjölmiðlarannsókn-
ir en úrvinnslan þurfi hins vegar
ekki endilega að vera á sama stað.
Það sé hins vegar grundvallaratriði
að fjölmiðlahúsin séu rekin sem
sjálfstæð fyrirtæki sem þurfi að skila
hagnaði.
Hermann segist hafa á tilfinning-
unni að ákveðins misskilnings hafi
gætt í umræðunni hér að undan-
fömu og menn gert meira úr ágrein-
ingi en ástæða sé til. Meta verði það
svo að auglýsendur sem sett hafi á
stofn eigið fjölmiðlahús séu fyrst og
fremst að setja pressu á markaðinn
og knýja fram breytingar í faglegum
vinnubrögðum, það sé vart langtíma-
markmið þeirra að reka fjölmiðla-
hús; þá hafi íslensk auglýsingastofa
einnig stofnað birtingahús og þessi
þróun sé líklega af hinu góða fyrir
auglýsingamarkaðinn í heild.
Ekki mikla trú á útboðsleið RÚV
Aðspurður segist Hermann hafa
nokkrar efasemdir um útboð á leikn-
um sjónvarpsauglýsingum sem Rík-
isútvarpið stefnir í. Þar beri fyrst að
nefna að það sé ekki hægt að segja til
um hvert áhorf verði langt fram í
tímann og það nægi auglýsendum
ekki að vita hvert meðalhorf er í
hverri viku, slíkar upplýsingar gagn-
ist mönnum takmarkað. Hermann
segist heldur ekki geta komið auga á
tilganginn með slíku útboði, ekki sé
beinlínis hægt að sjá fram á að sjón-
varpið muni ná niður kostnaði eða að
það muni auka tekjur sínar. Þvert á
móti sé hætta á að til verði nýir milli-
liðir, þ.e. þeir sem kaupa auglýsinga-
tíma, sem leggi síðan á bæði álagn-
ingu og svo áhættuþóknun sem
auglýsendur þurfi á endanum að
greiða fyrir. Hermann segist heldur
ekki hafa trú á því að auglýsingafyr-
irtækin muni vilja binda hendur sín-
ar með því að kaupa auglýsingar eitt
ár fram í tímann.
Danske
Bank og Real
Danmark
sameinast
Ósló. Morgunblaðið
MEÐ samruna Danske Bank og
RealDanmark verður til einn af
stærstu bönkum á Norðurlöndun-
um, en tilkynnt var um samruna
dönsku bankanna í gær. Samanlag-
ðar eignir bankanna eru yfir 13
þúsund milljarða íslenskra króna
virði og verður bankinn stærstur á
Norðurlöndunum miðað við eignir
og útlán, að því er kemur fram ann-
ars vegar á fréttavef CNN og hins
vegar í Politiken. Bankarnir verða
sameinaðir undir nafni Danske
Bank sem verður bæði viðskipta-
banki og fjárfestingarbanki. Við-
skiptavinir eru yfir þrjár milljónir,
einstaklingar og fyrirtæki. Sam-
kvæmt samrunaáætlun munu hlut-
hafar RealDanmark eignast 31,5%
hlut í nýjum banka. Politiken grein-
ir frá því að Peter Straarup, for-
stjóri Danske Bank, verði forstjóri
sameinaðs banka og Kjeld Jorgen-
sen frá RealDanmark verður að-
stoðarforstjóri. „Markmið okkar er
að skapa verðmæti fyrir hluthafana
af sömu gráðu og sambærilegir
bankar í Evrópu gera, segir for-
stjórinn Peter Straarup. Búist er
við að útibúum bankanna verði
fækkað um 25% á þremur árum og
á sama tíma verði starfsfólki fækk-
að um 2.500 úr 20.800 nú. Gert er
ráð fyrir að samlegðaráhrif verði
frá árinu 2003 um 2 milljarðar
danskra króna eða um 18 milljarðar
íslenskra, á ári. Hlutabréf í báðum
bönkunum hækkuðu í gær og hafa
báðir bankarnir hækkað afkomu-
spár sínar fyrir árið.
Efþú viít betri vexti
farðu þá inn á www.nb.is
eða hringdu ísíma 550-1800
í lOt —
bankinn ii
www.nb.is
Netbankinn er sjáKstœörekstrareining innan SPRON
...ef þú vilt betrí vexti