Morgunblaðið - 07.10.2000, Qupperneq 1
230. TBL. 88. ÁRG. LAUGARDAGUR 7. OKTÓBER 2000 PRENTSMIÐJA MORGUNBLAÐSINS
Dómstoll í Júgóslavíu úrskurðar að stjórnarandstaðan hafí sigrað í forsetakosnmgunum
Milosevic og herinn viður-
kenna sigur Kostunica
Belgrad. Reuters, AFP, AP.
SLOBODAN Milosevic viðurkenndi
ósigur sinn í forsetakosningunum í
Júgóslavíu og óskaði andstæðingi
sínum, Vojislav Kostunica, tii ham-
ingju með sigurinn í sjónvarpsávarpi
í gærkvöld. Forseti júgóslavneska
herráðsins óskaði Kostunica einnig
til hamingju með sigurinn og sagði að
herinn myndi virða ákvörðun stjóm-
lagadómstóls Júgóslavíu sem úr-
skurðaði fyrr um daginn að Kostun-
ica hefði verið kjörinn forseti
sambandsríkisins.
„Ég óska Vojislav Kostunica til
hamingju og þjóð minni velfamaðar á
næsta kjörtímabili,“ sagði Milosevic í
stuttu ávarpi í júgóslavneska ríkis-
sjónvarpinu Yu-Info. „Ég var að fá
opinberar upplýsingar um að Voji-
slav Kostunica hefði sigrað í kosning-
unum. Þessi ákvörðun var tekin af
stofnun, sem hafði heimild til þess
samkvæmt stjórnarskránni, og ég tel
að hana beri að virða.“
Fyrr um daginn hafði stjómlaga-
dómstóllinn kúvent í deilunni um
kosningamar og úrskurðað að Kost-
unica hefði náð kjöri. Daginn áður
hafði dómstóllinn ógilt niðurstöður
kosninganna „að hluta“ og sagt að
kjósa þyrfti að nýju áður en kjörtíma-
bili Milosevic lyki í júní á næsta ári.
Milosevic sagði að flokkur sinn,
Sósíalistaflokkurinn, myndi veita
Kostunica harða andstöðu en bætti
við að hann vildi sjálfur hvíla sig á
stjómmálunum um skeið. „Sjálfur er
ég feginn að losna við þá miklu
ábyrgð sem hefur hvílt á mér í rúman
áratug og ætla að hvíla mig dálítið,
eyða meiri tíma með fjölskyldunni,
einkum bamabami mínu og halda
síðan áfram að efla flokkinn minn og
stuðla að framföram í landinu."
Kostunica ræddi við Milosevic í
tæpa klukkustund í gær eftir að hafa
átt fund með Nebojsa Pavkovic, for-
seta júgóslavneska herráðsins. Kost-
unica sagði eftir fundinn að engin
ástæða væri til að óttast að herinn
reyndi að koma Milosevic aftur til
valda. Forseti herráðsins staðfesti
þetta í stuttri yfírlýsingu í gærkvöld
og sagði að herinn hefði ekki viljað
skipta sér af deilunni um kosningam-
ar og hygðist „virða vilja þjóðarinnar
og úrskurð stjórnlagadómstólsins".
Lofar að beita ekki valdi
ígor ívanov, utanríkisráðherra
Rússlands, ræddi við Milosevic í
Belgrad í gær og sagði að hann hefði
lofað að beita ekki valdi til að halda
forsetaembættinu en vildi gegna póli-
tísku hlutverki í Júgóslavíu sem leið-
togi Sósíalistaflokksins, stærsta
flokks Serbíu.
„í viðræðunum lagði Milosevic
áherslu á að hann hygðist reyna að
leysa deiluna með fHðsamlegum og
löglegum hætti, að forðast ao beita
valdi,“ sagði Ivanov.
Júgóslavnesk sjónvarpsstöð sýndi
í gær myndir af Milosevic á fundinum
með ívanov. Milosevic var með dökka
bauga undir augum en bar sig vel.
Sjónvarpsstöðin sagði að Milosevic
hefði kennt mótmælendum um
kreppuna í stjómmálum landsins á
fundinum með ívanov. „Hann sagði
að ofbeldi og óeirðir hefðu stefnt
starfsemi ríkisins í hættu, veikt ríkis-
valdið, og slíkt þjónaði aðeins hags-
munum óvinanna."
Nýjar ákærur á hendur
Milosevic boðaðar
Talsmaður Bandaríkjaforseta
sagði að bandaríska stjómin væri
andvíg því að Milosevie tæki þátt í
stjómmálum Serbíu. Hann bætti við
að stjórnin myndi ekki heldur styðja
þá hugmynd að Milosevic fengi hæli í
öðra landi.
Stríðsglæpadómstóllinn í Haag
hefur ákært Milosevic fyrir stríðs-
glæpi í Kosovo og Carla del Ponte, yf-
irsaksóknari dómstólsins, kvaðst í
gær vera að undirbúa nýjar ákærar á
hendur honum vegna stríðsglæpa í
Bosníu og Króatíu. Hún kvaðst vilja
að Kostunica framseldi Milosevic til
að hægt yrði að sækja hann til saka
en Kostunica sagði í fýrrakvöld að
hann myndi ekki verða við slíkri
beiðni.
■ Viðbrögðin/6
■ Refsiaðgerðum/28
■ „Brúðuleikhússtjórinn/42
ESB boðar
afnám refsi-
aðgerða
Belgrad. Reuters, AFP.
VOJISLAV Kostunica bjó sig í gær
undir að taka formlega við völdunum
í Júgóslavíu og Evrópusambandið
boðaði að refsiaðgerðum gegn sam-
bandsríkinu yrði aflétt að hluta á
mánudag.
Kostunica tilkynnti í gærmorgun
að hann hefði stofnað sérstakt bráða-
birgðaráð sem ætti að stjórna Júgó-
slavíu og tryggja að hægt yrði að
halda uppi lögum og reglu eftir upp-
reisnina gegn Milosevic. Stjórnar-
andstaðan kvaðst búast við því að
Kostunica myndi sverja forsetaeiðinn
á þingi Júgóslavíu í dag.
ígor Ivanov, utanríkisráðherra
Rússlands, ræddi við Kostunica í
Belgrad og óskaði honum til ham-
ingju með sigurinn í forsetakosning-
unum 24. september fyrir hönd Vlad-
ímírs Pútíns Rússlandsforseta. Aður
höfðu rússnesk stjómvöld neitað að
taka afstöðu í deilunni um niðurstöðu
kosninganna og viðurkenna sigur
stjómarandstöðuleiðtogans. Kostun-
ica tók síðbúnum stuðningi Rússa fá-
lega.
Kostunica fékk blessun patríarka
serbnesku rétttrúnaðarkirkjunnar
við hátíðlega athöfn í gærkvöld.
Þing Serbíu hyggst viðurkenna
sigur Kostunica
Dragan Tomic, forseti serbneska
þingsins, þar sem samsteypustjóm
Milosevic hefur haft meirihluta, sagði
í gær að þingið myndi koma saman á
mánudaginn kemm' til að viðurkenna
sigur Kostunica. Þingforsetinn hefúr
verið á meðal dyggustu stuðnings-
manna Milosevic.
Sósíalíski þjóðarflokkurinn í Svart-
fjallalandi, sem er í oddaaðstöðu á
júgóslavneska þinginu og hefur stutt
stjórn Milosevic, lýsti því einnig yfir í
gær að hann viðurkenndi sigur Kost-
uniea í forsetakosningunum. Flokk-
urinn sagði hins vegar ekkert um
hvort hann vildi mynda stjóm með
stuðningsmönnum nýja forsetans.
Einn af leiðtogum stjómarand-
stöðunnar sagði að þing Júgóslavíu
yrði líklega kallað saman í dag til að
staðfesta kjör Kostunica. Þingið gat
ekki komið saman í gær þar sem
þingmenn frá Svartfjallalandi vora
ekki komnir til Belgrad.
Javier Solana, æðsti embættis-
maður ESB í utanríkis- og öryggis-
málum, sagði að byijað yrði að aflétta
refsiaðgerðum gegn Júgóslavíu á
fundi utanríkisráðherra ESB í Lúx-
emborg á mánudaginn. Búist er við
að ráðherrarnir samþykki þá að af-
nema bann við olíusölu og flugferðum
til Júgóslavíu en fjárhagslegum refsi-
aðgerðum og banni við vegabréfsárit-
unum verði aflétt síðar.
MORGUNBLAÐIÐ 7. OKTÓBER 2000