Morgunblaðið - 10.10.2000, Blaðsíða 6

6 ÞRIÐJUDAGUR 10. OKTÓBER 2000________________________________________________ MORGUNBLABIÐ
FRÉTTIR
Alvarlega
slösuð eftir
umferðar-
slys í Víðidal
ALVARLEGT umferðarslys varð
aðfaranótt sunnudagsins á þjóðveg-
inum við Víðihlíð í Víðidal í Húna-
vatnssýslu. Ekið var á karl og konu á
miðjum aldri og liggja þau alvarlega
slösuð á gjörgæsludeild Landspítala
- háskólasjúkrahúss.
Slysið varð á fjórða tímanum um
nóttina eftir réttardansleik í félags-
heimilinu í Víðihlíð. Óskað var eftir
aðstoð þyrlu Landhelgisgæslunnar
við að koma fólkinu undir læknis-
hendur á sjúkrahúsi í Reykjavík.
Hóf hún sig á loft um klukkan fimm
um nóttina og lenti aftur í Reykjavík
um sjöleytið um morguninn.
--------------
Áframhald-
andi gæslu-
varðhald
staðfest
HÆSTIRÉTTUR hefur staðfest
úrskurð um framlengingu gæslu-
varðhalds til 13. nóvember yfir manni
sem hefur játað að hafa átt sök á því
að stúlka lést í Kópavogi í lok maí í
sumar. Hefur maðurinn setið í
gæsluvarðhaldi síðan snemma í júní.
Taldi Hæstiréttur að sterkur
grunur væri kominn fram um að
maðurinn hefði framið manndráp og
væri verknaðurinn þess eðlis að
gæsluvarðhald væri nauðsynlegt
með tilliti til almannahagsmuna.
Morgunblaðið/Halldór Sveinbjöms
Kranabíll fjarlægði bílinn úr
sjónum en bfllinn er talsvert
skemmdur og óökufær.
Ók út í sjó
við ísafjörð
ÖKUMAÐUR fólksbifreiðar missti
af einhverjum orsökum stjórn á
bílnum sem fór þvert yfir gatna-
mótin og hafnaði að lokum á rúm-
lega tveggja metra dýpi í sjónum í
Skutulsfirði. Óhappið var um kl.
13.30 á laugardag en bifreiðinni
var ekið niður Vallartún og ætlaði
ökumaðurinn að beygja suður
Skutulsfjarðarbraut á Isafirði. Auk
ökumannsins var eiginkona hans í
bílnum en þau eru bæði um sext-
ugt. Þau voru á leiðinni til Súðavík-
ur þegar óhappið varð. Lögreglan
á ísafirði segir hjónin hafa komist
af sjálfsdáðum út úr bílnum sem
sökk hratt þannig að aðeins glitti í
farangurskistu á þaki bifreiðarinn-
ar. Konan þurfti á aðstoð að halda
til að komast að landi. Hún hélt sér
því í farangurskistuna en vegfar-
andi sem átti leið hjá óð út í sjó og
kom konunni til hjálpar. Hjónin
voru ómeidd en köld og blaut. Þau
fóru heim, skiptu um föt og héldu
áfram för inn í Súðavík.
Lögregla og slökkvilið voru fljót
á slysstað en skv. upplýsingum frá
slökkviliðinu liðu aðeins fimm mín-
útur frá því tilkynning barst um
slysið og þar til kafari var kominn
á staðinn.
Morgunblaðið/Jón Svavarsson
Jón Eysteinsson, sýslumaður í Keflavík, Jóhann Benediktsson, sýslumaður á Keflavíkurflugvelli, Guðmundur Sophusson, sýslumaður í Hafnar-
firði, og Þorleifur Pálsson, sýslumaður í Kópavogi, standa hér með gervilögregluþjón á milli sfn.
Umferðarátak fjögurra sýslumanna á Reykjanesbraut
„Gervilögregluþjónar“
minna á umferðarlögin
SÝSLUMENNIRNIR í Kópavogi,
Hafnarfirði, Keflavík og á Keflavík-
urflugvelli kynntu á blaðamanna-
fundi í gær umferðarátak lögreglu á
Reykjanesbraut, allt frá Mjódd að
Flugstöð Leifs Eiríkssonar, en það
stendur í dag og á fimmtudaginn.
Ein helsta nýlundan í þessu átaki er
án efa notkun svokallaðra „gervi-
lögregluþjóna" sem eiga að minna
vegfarendur á að virða umferðarlög-
in.
Gervilögregluþjónamir verða 8-
10 talsins og verða settir niður í veg-
kanti Reykjanesbrautar. Þar munu
þeir standa vakt allan sólarhringinn.
Vegöxlum ætlað að
greiða fyrir umferð
Vegagerðin hefur nýlega lokið við
lagningu bundins slitlags á vegaxlir
Reykjanesbrautar. Tilgangurinn
með vegöxlunum er sá að hægfara
umferð geti vikið fyrir hraðari um-
ferð og þannig komið í veg fyrir
framúrakstur á akrein mótumferð-
ar. Einnig geta þeir sem þurfa af
einhverjum ástæðum að stöðva bif-
reiðar sínar fært sig út á vegöxlina.
Lögreglan hvetur til notkunar á
vegöxlunum. Þær eru þó alls ekki
Morgunblaðið/Jón Svavarsson
Ökumenn hægfara ökutækja geta nýtt sér vegaxlir á Reykjanesbraut
til að víkja fýrir hraðskreiðari umferð.
ætlaðar til framúraksturs og þeim
er ekki heldur ætlað að greiða fyrir
umferð bíla sem ekið er yfir leyfileg-
um hámarkshraða.
Slysum fækkar nyög
við minni ökuhraða
Auk þess að beina þeim tilmælum
til ökumanna að þeir noti vegaxlir
þegar tilefni gefst mun lögreglan
fylgjast vel með ökuhraða. Jónas
Benediktsson, sýslumaður á Kefla-
víkurflugvelli, benti á að að sam-
kvæmt rannsóknum Transport
ökonomisk institutt í Noregi, sem
hefur tekið saman niðurstöður
hraðarannsókna víða úr heiminum,
dregur úr Ukamstjónum vegna um-
ferðarslysa um 10% og dauðaslysum
fækkar um 18% ef ökuhraði er
minnkaður um 5% og á það bæði við
um þá sem aka hratt og hægt. Jónas
benti einnig á að sá tímasparnaður
sem vinnst með hraðakstri á
Reykjanesbraut væri sárah'till.
Samkvæmt útreikningum er sá öku-
maður sem ekur á 110 km/klst. í stað
90 km/klst. aðeins 4 mínútum skem-
ur á milli Hafnarfjarðar og Kefla-
víkur. Með slíku aksturslagi væri
ökumaðurinn auk þess að skapa sér
og öðrum stórkostlega hættu.
Spjall í síma veldur slysum
Lögreglan mun í átakinu einnig
kanna ástand ökutækja, s.s. ljósa-
búnað og hvort ökutæki hafi verið
færð til lögbundinnar skoðunar.
Lögreglan vill einnig minna öku-
menn á það að akstur krefst fullrar
athygli þeirra. Notkun síma dragi
athyglina frá akstrinum og valdi
mörgum umferðaróhöppum og slys-
um. Þá minnir lögreglan á að nú sé
allra veðra von og færð og aðstæður
geti breyst skyndilega til hins verra.
Okumenn verði að miða akstur við
aðstæður og jafnframt ætla sér
rýmri tíma til að komast milli staða.
Urskurður skipulagssljóra um
áframhaldandi kísilgúrvinnslu
Urskurðar ráð-
herra að vænta
1. nóvember
ÚRSKURÐAR umhverfisráðherra
um áframhaldandi kísilgúrvinnslu í
Mývatni er að vænta 1. nóvember nk.
Kærufrestur rann út 16. ágúst sl. og
samkvæmt því hefði ráðherra átt að
fella úrskurð sinn 12. október nk. Því
hefur hins vegar verið frestað vegna
fjölda kæra og umfangs þeirra.
Skipulagsstjóri féllst í júlí sl. á efn-
istöku Kísiliðjunnar á nýju náma-
svæði í Bolum í Syðri-Flóa, en þar
eru svæði sem talin eru geta séð fyr-
irtækinu fyrir hráefni í ríflega þrjá
næstu áratugi. Hráefni á núverandi
efnistökustað Kísihðjunnar, í Ytri-
Flóa, mun hins vegar að líkindum
ganga til þurrðar eftir um tvö ár.
Skýrsla um mat á áhrifum þess, að
hefja töku kísilgúrs á nýjum svæðum
á náttúru Mývatns og byggð við vatn-
ið, var lögð fram í september á síðasta
ári. í kjölfarið úrskurðaði skipulags-
stjóri að frekari rannsóknir þyrftu að
fara fram á áhrifum vinnslunnar á líf-
ríki vatnsins. Skýrsla um frekara mat
lá fyrir síðasta vor og var hún lögð
fyrir skipulagsstofnun. Skipulags-
stjóri kvað um miðjan júlí upp þann
úrskurð að Kísiliðjunni væri heimilt
að hefja vinnslu á umræddu svæði, en
taldi að enn skorti upplýsingar um
námavinnslu á núverandi námasvæði
verksmiðjunnar. Ýmis skilyrði voru
þó sett í úrskurði skipulagsstjóra fyr-
ir námavinnslunni.
Lögum samkvæmt er unnt að
kæra úrskurð skipulagsstjóra til um-
hverfisráðherra og hefur hann átta
vikur til að úrskurða í málinu. Einar
Sveinbjörnsson, aðstoðarmaður um-
hverfisráðherra, sagði í gær að máls-
aðilar hefðu sýnt skilning á umfangi
málsins og engar athugasemdir hefðu
verið gerðar við frestun. „Fjórir aðil-
ar lögðu fram kæru til ráðherra og að
auki var umsagnar leitað hjá fjöl-
mörgum aðilum. Þetta hefur verið
mikil vinna og tímaírek," sagði Einar.
Morgunblaðið/Árni Sæberg
Það sem lærist þegar
maður er ungur...
INGIBJÖRG Pálmadóttir heil-
brigðis- og tryggingamála-
ráðherra heimsótti í gær sex og
sjö ára nemendur í Lindarskóla í
Kópavogi og gaf þeim grænmeti
og ávexti í tilefni þess að nú er
að hcfjast Evrópuvika gegn
krabbameini undir yfirskriftinni
Lífgaðu upp á Iífið - heilsubót
með grænmeti og ávöxtum. Heil-
brigðisráðuneytið, Krabbameins-
félagið og Manneldisráð standa
að átakinu hér á landi en markm-
ið þess er að auka neyslu græn-
metis og ávaxta, einkum meðal
barna á aldrinum sex til tíu ára.
Heilbrigðisráðherra ávarpaði
börnin og sagði þeim að sér væri
sönn ánægja að fá að heimsækja
þau og minna þau á hversu mikil-
vægt það væri að borða hollan og
góðan mat eins og grænmeti og
ávexti. Hún sagði þeim að það
sem Iærist þegar maður er ungur
væri auðveldara að halda áfram
að gera þegar maður væri orðinn
eldri. Að þvi loknu kastaði hún
ávöxtum til barnanna við mikinn
fögnuð þeirra og smjöttuðu þau á
góðgætinu með bestu lyst.