Morgunblaðið - 10.10.2000, Blaðsíða 18

18 ÞRIÐJUDAGUR 10. OKTÓBER 2000
VIÐSKIPTI
MORGUNBLAÐIÐ
Stofna nýtt ís-
lenskt flugfélag
Bláfugl hefur keypt flugvél af gerðinni Boeing 737 300 sem undanfarin ár hefur verið notuð í farþegaflugi fyrir Sterling Airways í Danmörku.
NÝTT íslenskt flugfélag hefur fest kaup á
danskri farþegavél og hyggur á fraktflutninga
milli íslands og meginlands Evrópu í upphafi
næsta árs. Flugfélagið nefnist Bláfugl eða Blue-
bird Cargo á ensku. Stjórnarformaður Bláfugls
er Einar Ólafsson sem var fyrsti forstjóri Carg-
olux. Hann er stjórnarformaður Flugflutninga
sem hafa séð um fraktflutninga fyrir Cargolux
og önnur fyrirtæki hér á landi. Framkvæmda-
stjóri Bláfugls verður Þórarinn Kjartansson.
Veruleg fjárfesting
Þórarinn segir að með stofnun flugfélags og
kaupum á flugvél sé verið að leggja í verulegar
fjárfestingar. Kaupin á vélinni séu að langmestu
leyti fjármögnuð í gegnum banka- og peningast-
ofnanir erlendis. Lán hafí verið tekið fyrir vél-
inni hjá banka sem sérhæfir sig í slíkri fjár-
mögnun. Að sögn Þórarins er vélin sem nú hefur
verið keypt ellefu ára gömul af gerðinni Boeing
737 300 og hefur hún undanfarin ár verið notuð í
farþegaflugi fyrir Sterling Airways í Danmörku.
Aðspurður segir Þórarinn að ekki sé enn búið að
ákveða endanlega hvert verði flogið á meginlandi
Evrópu. Kveikjan að stofnun sérstaks flugfélags
sé auðvitað komin í gegnum Flugflutninga en
eigendur Bláfugls verði mun fleiri og gert sé ráð
fyrir að hluthafar í flugfélaginu verði á bilinu
tuttugu til þrjátíu talsins. Vélin verði afhent í
Kaupmannahöfn fyrsta nóvember en henni síð-
an flogið til Bandaríkjanna þar sem henni verði
breytt í fraktvél og taki sú breyting um hundr-
að daga þannig að vélin komi ekki aftur til Is-
lands fyrr en um mánaðamótin janúar-febrúar
og þá muni reksturinn hefjast. Bláfugl verður
staðsettur í Keflavík og þar verða skrifstofur
félagsins.
Þurfa að geta boðið upp á tiðari flutninga
Flugflutningar hófu rekstur árið 1994 og er
fyrirtækið rekið sem umboðsaðili og söluþjón-
ustuaðili fyrir flugfélög. Að sögn Þórarins er
helsta umboð félagsins Cargolux þó Flugflutn-
ingar séu einnig með umboð fyrir önnur flugfé-
lög. Eigendur Flugflutninga eru Einar Ólafs-
son, Þórarinn Kjartansson, Úlfur
Sigurmundsson og Elías Skúli Skúlason, sem er
framkvæmdastjóri Flugflutninga. Að sögn Þór-
arins hefur rekstur Flugflutninga gengið vel og
vaxið jafnt og þétt á þeim tíma sem félagið hef-
ur starfað. Mikil þekking og reynsla hafi byggst
upp hjá fyrirtækinu. Flugflutningar hafa að-
stöðu á Keflavíkurflugvelli og að sögn Þórarins
er félagið að fara að taka í notkun nýja 1.500
fermetra vöruskemmu.
Aðspurður segir Þórarinn að meginástæða
þess að menn ráðist í það að stofna flugfélag sé
sú að það hafi lengi verið ljóst að félagið þurfi
að geta boðið viðskiptavinum sínum upp á tíðari
flutninga. Cargolux fljúgi hingað til íslands
tvisvar sinnum í viku frá Evrópu og einu sinni í
viku frá Bandaríkjunum. Vélar Cargolux séu
hins vegar svo stórar að erfitt sé að bæta í tíðn-
ina. Flugflutningar hafi því lengi haft auga á og
skoðað valkosti til þess að bæta úr þessu þó það
hafí ekki endilega verið markmiðið að stofna
flugfélag. Flugflutningar hafí verið í samstarfi
við íslandsflug á sínum tíma og þannig hafi ver-
ið hægt að auka tíðnina en síðan hafi Flugleiðir
keypt þann rekstur og það hafí ýtt á Flugflutn-
inga að finna leiðir til þess að auka tíðnina.
Þórarinn segir að markaðurinn hér á landi sé
farinn að venjast og nota flugfrakt mun meira
en áður var. Með tilkomu Flugflutninga hafi
valkostir í flugfrakt aukist og aukinnar sam-
keppni hafi gætt í verði og þjónustu. Að sögn
Þórarins er það einkum flskur og vélar og bún-
aður í sjávarútvegi, varningur frá Iyfjaframleið-
endum og hestar, sem Flugflutningar flytja út.
Uppistaðan í innflutningnum sé þjónusta við
flutningsmiðlanir á íslandi.
S
Utboð og skráning Kaupþings hf.
Þriðja undanþágan frá regl-
um um dreifða eignaraðild
í REGLUM um skráningu verð-
bréfa á Verðbréfaþingi fslands
kemur fram að skilyrði fyrir
skráningu á þinginu séu meðal
annars að a.m.k. 25% hlutabréf-
anna og atkvæðisréttur séu í eigu
almennra fjárfesta. Þetta skilyrði á
bæði við um félög á aðallista og
vaxtalista Verðbréfaþingsins. Þá
kemur fram í reglunum að stjórn
þingsins geti við skráningu veitt
tímabundna undanþágu frá skilyrði
um dreifíngu, mæli rök með því, og
á það einnig við um báða listana á
þinginu.
Kaupþingi hf. hefur verið veitt
undanþága frá ákvæðinu um
dreifða eignaraðild til 1. nóvember
2001. Sala á nýju hlutafé í Kaup-
þingi hófst í dag og lýkur hinn 12.
október. Samtals er um að ræða
hlutafjárhækkun að fjárhæð 180
milljónir króna að nafnvirði, sem
er um 18,6% af heildarhlutafé fé-
lagsins.
Fordæmi og yfírlýsing hlut-
hafa ástæða undanþágu
Finnur Sveinbjörnsson, fram-
kvæmdastjóri Verðbréfaþings ís-
lands, segir að ástæðan fyrir því að
stjórn Verðbréfaþingsins hafí fall-
ist á beiðni Kaupþings um undan-
þágu frá skilyrðinu um a.m.k. 25%
dreifða eignaraðild sé sú að for-
dæmi hafl verið fyrir slíku svo og
yfírlýsing stjórnar Kaupþings og
stjórna sparisjóða sem eiga meira
en % af hlutafé félagsins. „Undan-
þága frá þessu skilyrði hefur verið
veitt tvisvar áður, þegar ríkisbank-
arnir, Landsbankinn og Búnaðar-
bankinn, voru skráðir á Verðbréfa-
þinginu í nóvember og desember
1998. Stjórn Verðbréfaþingsins
féllst á að veita undanþágu í þriðja
skiptið, nú í tilviki Kaupþings,
gegn því að fyrir lægi yfirlýsing
bæði frá stjórn Kaupþings og frá
stjórnum sparisjóða, sem eiga
meira en % af hlutafé í Kaupþingi,
um að a.m.k. 25% dreifð eignar-
aðild yi-ði tryggð fyrir 1. nóvember
2001. Þá verði annaðhvort búið að
gefa út nýtt hlutafé, og selja það út
fyrir sparisjóðahópinn, eða þessir
aðilar verði þá búnir að minnka
sinn eignarhluta," segir Finnur.
Guðmundur Hauksson, formaður
stjórnar Kaupþings, segir að
ástæðan fyrir því að farið hafí ver-
ið fram á undanþágu frá ákvæðinu
um a.m.k. 25% dreifða eignaraðild
vegna skráningar Kaupþings á
Verðbréfaþinginu sé sú að sparis-
jóðirnir, eigendur félagsins, vilji
fara varlega í opnun þess. „Sparis-
jóðirnir áttu kost á því að bjóða út
stærri hluta af hlutafé félagsins.
Það var hins vegar ákveðið að
stíga heldur minna skref að þessu
sinni en stærra, en þá er jafnljóst
að úr þessu verður bætt innan til-
skilins tíma, ef dreifingin verður
ekki af sjálfu sér orðin meiri,“ seg-
ir Guðmundur.
Námskeið á lands-
byg’gðinni um ný-
sköpunar stj ðrnun
NÝSKÖPUNARSJÓÐUR atvinnu-
lífísins og Byggðastofnun standa nú
sameiginlega fyrir námskeiðum á
landsbyggðinni, þar sem fjallað er
um nýsköpunarstjórnun innan fyr-
irtækja, og eru námskeiðin haldin í
samvinnu við atvinnuþróunarfélög
víða um land.
I námskeiðslýsingu segir að nýs-
köpun sé framandi hugtak fyrir
marga stjórnendur. Menn tengi
gjarnan nýsköpun við uppfinningar
og einkaleyfi og telji það því utan
ramma hefðbundinnar stjórnunar.
Slíkt sé þó ekki raunin, enda feli
nýsköpun ekki síður í sér að inn-
leiða ný ferli eða skipulag í rekstri
og þróa nýja vöru eða þjónustu í
því skyni að skapa verðmæti og
auka hagræðingu fyrir viðskipta-
vini og fyrirtækið.
„Þarna er í rauninni verið að tala
um nýsköpun inni í fyrirtækjunum,
og auðvitað er þetta skylt vöruþró-
un og markaðssetningu. Það er
mikilvægt fyrir fyrirtæki að fylgj-
ast með því sem er nýjast í umræð-
unni varðandi þessi mál og aðferða-
fræðinni í þessum málaflokki,“
segir G. Ágúst Pétursson verkefn-
isstjóri.
Fyrsta námskeiðið af sex var
haldið á ísafirði um síðustu helgi og
tókst mjög vel, að sögn Ágústs.
Hann segir að gríðarlegur áhugi sé
á þessu námskeiði á landsbyggð-
inni, og að stefnt verði að því að
halda námskeiðið á fleiri stöðum
eftir áramót. Næsta námskeið verð-
ur á Egilsstöðum, en síðan verður
námskeiðið haldið á Akureyri, í
Borgarnesi, Reykjanesbæ og Ár-
borg. Leiðbeinendur á námskeiðinu
eru Örn Daníel Jónsson, prófessor í
frumkvöðla- og nýsköpunarfræðum
við Háskóla Islands og Gylfí Ein-
arsson, verkefnastjóri hjá fræðslur-
áði málmiðnaðarins.
Sjóður til að
bæta viðskipta-
siðferði
Ósló. Morgunblaðið.
• TALIÐ er að meirihluti sé fyrir því á
norska þinginu að tekjur rikisins af
sölu á Kauphöllinni í Ósló verði not-
aðartil að setja á fót sjóð sem hefur
m.a. það hlutverk aö bæta viö-
skiptasiðferði á verðbréfamarkaöi,
að því er fram kemur í Dagens nær-
ingsllv.
Ríkisstjórnin hefur lagtfram frum-
varp um söiu á hluta af Kauphöllinni í
Ósló og að henni verði breytt í hluta-
félag. Mikill meirihluti þingmanna er
samþykkurfrumvarpinu en deilur
hafa aftur á móti vaknað um hvernig
skuli verja ágóða ríkisins af sölunni.
Fjármálaráðherrann, Karl Eirik
Schjott-Pedersen, vill að tekjurnar
fari beint í ríkissjóð en Hægriflokkur-
inn og Framfaraflokkurinn hafa mót-
mælt því harölega og leggja til að
stofnaður verði sjóðursem hafi það
markmiö að auka skilning og þekk-
ingu á verðbréfaviðskiptum. Miðju-
flokkarnir eru samþykkir því að
stofna skuli sjóð en vilja að hluti
teknanna af kauphallarsölunni renni
í ríkissjóö.
Ef af stofnun sjóðsins veröur er
hugsanlegt að fjármagni verði varið
til að fjármagna prófessorsstöðu við
einhvern af háskólunum í Noregi.
Talsmenn miðju- og hægriflokkanna
eru sammála um að sjóöurinn muni
gegna mikilvægu hlutverki vió að
bæta viðskiptasióferði í Noregi, ekki
sé vanþörf á.
MeritaNord-
banken fram-
lengir tilboð í
Kreditkassen
Ósló. Morgunblaðiö.
• TILBOÐ eignarhaldsfélags
MeritaNordbanken, NBH, í hlut
norska ríkisins T Kreditkassen rann
út í gær en bankinn framlengdi boð-
ið til 20. október, að því er fram
kemur í Dagens industri. Merita-
Nordbanken lagði fyrst fram tilboð
fyrir rúmu ári.
Búist er við að yfirlýsing komi frá
nefnd um sölu Kreditkassen í
næstu viku en tilboösfresturinn hef-
ur nokkrum sinnum verið fram-
lengdur þar sem ríkiö hefur freistað
þess að fá inn fleiri tilboð.
Ekki hefur verið tilkynnt formlega
um fleiri tilboð í Kreditkassen en
það sem borist hefur frá NBH. Tveir
sænskir bankar, Handelsbanken og
Föreningssparbanken, hafa verið
nefndir til sögunnar sem hugsanleg-
ir tilboösgjafar en ekkert hefur verið
staðfest. Ýmsar tilgátur hafa heyrst
allt frá því MeritaNordbanken lagði
fyrst fram tilboð sitt fyrir rúmu ári.
Tilboð NBH hljóðar upp á 44
norskar krónur á hlut sem samsvar-
ar 24,3 milljörðum norskra króna
eða um 220 milljörðum íslenskra
króna.
Norska ríkið á tæp 35% hlutafjár
í Kreditkassen en NBH á tæp 10% í
Kreditkassen. Einnig hafa hand-
hafar 16% hlutafjár játað tilboði
NBH, þannig að segja má að NBH
ráöi nú þegar yfir 26% hlutafjár
Kreditkassen.
Væntanlegur
samruni mat-
vöruverslana á
Norðurlöndum
Ósló. Morgunblaðið.
• ÞRJÁR keðjur matvöruverslana á
Norðurlöndum munu að öllum líkind-
um sameinast á næstunni, að því er
fram kemur í ýmsum fjölmiðlum á
Noröurlöndum. Um er að ræða KF í
Svíþjóð, FDB í Danmörku og Coop í
Noregi.
Markmiöið með samrunanum er
að mæta stöðugt harðari samkeppni
frá alþjóölegum verslanakeðjum.
Markaðshlutdeild sameinaös fyrir-
tækis á Noröurlöndum verður 30%.
Stjórnirfyrirtækjanna hafa skilað
tillögum sínum til framkvæmdastjóra
verslanakeðjanna og er miðaö við að
fyrirtækin sameinistfyrir áramót.
Ekki hefurveriðtekin endanleg
ákvöröun um hvort af samrunanum
verði.