Morgunblaðið - 13.10.2000, Blaðsíða 20
20 FÖSTUDAGUR 13. OKTÓBER 2000
AKUREYRI
MORGUNBLAÐIÐ
Héraðsskjalasafnið á
Akureyri
Skjöl og
myndir
Schiöth-fjöl-
skyldunnar
til sýnis
OPNUÐ hefur verið á Héraðs-
skjalasafninu á Akureyri sýning á
skjölum og myndum Schiöth-fjöl-
skyldunnar. Hendrik Schiöth, bak-
ari, bankagjaldkeri og fleira, og
kona hans Anna ljósmyndari komu
til Akureyrar frá Danmörku 1868 og
bjuggu hér í bænum til dauðadags.
Axel sonur þeirra og kona hans
Margrethe Schiöth, heiðursborgari
Akureyrar, bjuggu einnig á Akur-
eyri allan sinn búskap. Þessar tvær
konur, Anna og Margrethe, áttu
mestan þátt í stofnun Lystigarðsins
á Akureyri. Sýningin er í afgreiðslu
útlánadeildar Amtsbókasafnsins og
stendur út þennan mánuð.
--------------
Kynningar-
fundur
Tækifæris
TÆKIFÆRI hf. heldur kynningar-
fund í Lóni, Hrísalundi la á Akureyri
í dag, föstudaginn 13. október kl. 14.
Á fundinum verður farið yfir starf-
semi Tækifæris, viðtökur sem sjóð-
urinn hefur fengið og yfirlit þeirra
verkefna sem borist hafa. Fundurinn
er öllum opinn.
Tækifæri er fjárfestingarsjóður í
vörslu íslenskra verðbréfa. Tilgang-
ur hans er að taka þátt í nýsköpun og
atvinnuuppbyggingu á Norðurlandi
með arðsemi fjármagns að leiðarijósi.
Sjóðurinn var stofnaður í árslok
1999 og er í eigu Byggðastofnunar
annars vegar og sveitarfélaga og fyr-
irtækja á Norðurlandi hins vegar.
Hlutafé er rúmlega 200 milljónir
króna og standa vonir til að hægt
verði að auka það í 600 milljónir
króna fyrir árslok 2001.
Veður og færð á Netinu
vg>mbl.is
Tugmilljóna króna tjón
í eldsvoða á Fremstafelli
\LLTAf= e/TTHV'AO rJÝTT
TUGMILLJÓNA króna tjón varð í
eldsvoða á bænum Fremstafelli í
Köldukinn í S-Þingeyjarsýslu í
fyrrinótt en bærinn er um miðja
vegu milli Húsavíkur og Akureyr-
ar. Eldur kom upp í fjósi á bænum
og brann það nánast til kaldra
kola. Eldurinn barst í áfasta hlöðu,
sem breytt hefur verið í fjós, og
þar urðu einnig miklar skemmdir.
Talið er fullvíst að eldurinn hafi
kviknað út frá neista úr rafsuðu en
verið var að rafsjóða í fjósinu fram
á nótt. Þar hafa staðið yfir um-
gangsmiklar framkvæmdir við að
breyta hlöðunni í lausgripafjós og
setja legubása í fjósið. Vegna
framkvæmdanna voru rúmlega 40
mjólkurkýr og eitthvað af geld-
neytum úti við er eldurinn kom
upp og varð þeim ekki meint af.
Tveir kálfar voru í fjósinu og
drapst annar þeirra, að sögn Sig-
urðar Arnarsonar slökkviliðsstjóra
Slökkviliðs Stórutjarna.
Sigurður sagði að tilkynning um
eldinn hafi borist um kl. 06.30 í
gærmorgun og þegar 10 manna lið
hans kom á staðinn logaði fjósið
stafna á milli. Slökkviliðið á Húsa-
vík var einnig kallað út og þaðan
komu um 20 manns og tveir tank-
bflar. Sigurður sagði að slökkvi-
starf hafi gengið vel og var því
lokið um kl. 9. Nokkuð erfiðlega
gekk að ná í vatn en vegalengdin í
Djúpá, sem rennur neðan við
bæinn, er um 1 kílómetri.
Mikið áfall en kýrnar
sem betur fer úti
Auðunn Pálsson bóndi á
Fremstafelli sagði þetta mikið
áfall enda framkvæmdirnar sem
staðið hafa yfir í fjósinu að undan-
förnu komnar vel á veg. Hann
sagði að sem betur fer hafi kýrnar
verið úti er eldurinn kom upp.
Auðunn sagði að ekki þýddi að
gefast upp og hann ætlar að
byggja fjósið upp aftur. Aðeins út-
veggirnir standa eftir í fjósinu en
hlaðan, sem breytt hafði verið í
fjós, er stálgrindarhús með járn-
klæðningu og þar varð tjónið eitt-
hvað minna. Áuðunn er tryggður
en hann sagðist þó ekki alveg viss
um hversu vel hann væri tryggður
gagnvart tjóni sem þessu.
Auðunn sagði ómögulegt að
segja til um hversu langan tíma
tæki að koma fjósinu í gagnið á ný.
Hann þufti því strax í gærmorgun
að fara leita eftir aðstöðu til að
mjólka sínar kýr og koma þeim í
hús til bráðabirgða.
Akureyrarbær auglýsir
Deiliskipulag Fiskihafnar
Með vísan til greinar 6.2.3 í skipulagsreglugerð auglýsir
Akureyrarbær tillögu að deiliskipulagi Fiskihafnar á
Akureyri.
Uppdráttur er sýnir tillöguna ásamt skýringarmynd og
greinargerð liggur frammi almenningi til sýnis í upplýs-
ingaanddyri Akureyrarbæjar, Geislagötu 9, 1. hæð,
næstu 6 vikur frá birtingu þessarar auglýsingar, þ.e. til
föstudagsins 24. nóvember 2000, þannig að þeir sem.
þess óska geti kynnt sér tillöguna og gert við hana at-
hugasemdir. Tillagan er einnig á heimasíðu Akureyrar-
bæjar: http://www.akureyri.is/.
Athugasemdafrestur er til kl. 16.00 föstudaginn 24. nóv-
ember 2000. Athugasemdum skal skila til umhverfisdeild-
ar Akureyrarbæjar.
Þeim sem telja sig verða fyrir bótaskyldu tjóni vegna
samþykktar eða framkvæmdar deiliskipulagsins er bent
á að gera athugasemdir innan tilgreinds frests ella telj-
ast þeir samþykkir tillögunni.
Deildarstjóri umhverfisdeildar Akureyrar.
Morgunblaðið/Kristján
Gífurlegt tjón varð í eldsvoða á bænum Fremstafelli en kýrnar voru
ekki í fjósimi vegna framkvæmda sem þar stdðu yfir.
Sjúkraþjálfarar á
Norðurlandi
Málþing
fyrir
almenning
SJÚKRAÞJÁLFARAR á
Norðurlandi standa fyrir mál-
þingi fyrir almenning í Deigl-
unni á Akureyri laugardaginn
14. október nk. frá kl. 14-17 í
tilefni 60 ára afmælis Félags
íslenskra sjúkraþjálfara.
Á málþinginu verða flutt 15
mínútna erindi og er efnisval
fjölbreytt, þannig að allir
ættu að finna eitthvað við sitt
hæfi. Einnig verður sett upp
ljósmyndasýning; sögusýning
um sjúkraþjálfun í 60 ár.
Stefán S. Ólafsson fjallar
um álags- og íþróttameiðsli
barna og unglinga, Einar
Einarsson um nála-
stungumeðferð í sjúkraþjálf-
un, Árný Lilja Árnadóttir um
þjálfun í vatni, Ingimar Guð-
mundsson um vinnu við tölv-
ur, Soffía Einarsdóttir um
grindarbotnsþjálfun, Sólveig
Asa Árnadóttir um líkams-
þjálfun fólks með heilabilun,
Þórhalla Andrésdóttir um
þjálfun til varnar beinþynn-
ingu og Gunnar Svanbergs-
son fjallar um börn og skóla-
töskur.
Stjórn Norðurlandsdeildar
FÍSÞ hvetur sem flesta til að
mæta í Deigluna á laugardag
og hlýða á fróðleg erindi.
Heitt verður á könnunni.
Morgunblaðið/Kristján
Slökkviliðsmenn að störfum á bænum Fremstafelli.
Kirkjustarf
LAUFÁSPRESTAKALL: Kirkju-
skóli í Grenivíkurkirkju kl. 13.30 á
morgun, laugardaginn 14. október.
Kyrrðarstund í Svalbarðskirkju í
kvöld, föstudag kl. 21. Kirkjuskóli
verður i Svalbarðskirkju kl. 11 á
morgun.
Umferðarráð og Slysavarnafélagið Landsbjörg
Umferðaröryggisfulltrúi
ráðinn á Norðurlandi
Sigurður Indriða-
son hættur
eftir 45 ára starf
INGVAR Bjömsson ökukennari
hefur verið ráðinn prófdómari í
ökuprófum og umferðaröryggisfull-
trúi á Norðurlandi og hefur hann
aðsetur á Akureyri. Ingvar tók við
starfinu nú nýlega, en þá lét Sigurð-
ur Indriðason, sem starfað hefur að
umferðaröryggismálum í rúm 45 ár,
af störfum og var honum haldið
kveðjusamsæti á lögreglustöðinni
af því tilefni.
„Allir sem það þekkja vita hversu
miklu máli það skiptir að hafa menn
í starfi sem hægt er að treysta í hví-
vetna. Þannig starfsmaður var Sig-
urður Indriðason í þau 45 ár sem
hann gegndi störfum, sagði Óli H.
Þórðarson, framkvæmdastjóri Um-
ferðarráðs.
Mikils vænst af starfí
umferðaröryggisfulltrúa
Sigurður var fastráðinn til starfa
hjá Bifreiðaeftirliti ríkisins 1. maí
1955 og starfaði þar allt þar til Bif-
reiðapróf ríkisins tóku við verkefn-
um ökuprófa af Bifreiðaeftirlitinu
og nú síðast hjá Umferðarráði, eða
frá árinu 1992. Óli gat þess að þau
skiptu þúsundum ungmennin sem
Sigurður hefði prófað á starfstíma
sínum.
Ingvar mun starfa sem umferðar-
Morgunblaðið/Kristján
Ingvar Björnsson, Óli H. Þórðarson, framkvæmdastjdri Umferðarráðs,
og Sigurður Indriðason. Sigurður hefur látið af störfum eftir 45 ára
starf við umferðaröryggismál, en Ingvar hefur verið ráðinn til að taka
þar upp þráðinn. Umferðarráð þakkaði Sigurði vel unnin störf með gjöf,
Sögu Akureyrar og 10 geisladiskum með harmonikutónlist.
öryggisfulltrúi á Norðurlandi árið
um kring, en áður hefur slíkur full-
trúi verið við störf á Norðurlandi
síðustu þrjú sumur. Hann mun
jafnframt gegna starfi prófdómara.
Hlutverk hins nýráðna öryggisfull-
trúa verður að hvetja til umfjöllun-
ar um umfe'rðaröryggismál á svæð-
inu, að auka samstarf þeirra sem að
þeim málum starfa og auka veg um-
ferðarmála og umferðaröryggis
með sem fjölbreyttustum hætti. Sá
þáttur starfs Ingvars er samstarf-
sverkefni Umferðarráðs og Slysa-
varnafélagsins Landsbjargar, en
fram kom í máli Óla H. Þórðarsonar
að mikils væri vænst af þessari til-
högun umferðarmála á Norður-
landi. Undir það tekur Kristinn Óli
Guðmundsson, framkvæmdastjóri
Slysavarnafélagsins Landsbjargar.
Hann sagði slíkt starf nauðsynlegt
nú á tímum aukins hraða og slysa-
tíðni. Hann benti á að almenningur
gæti komið á framfæri ábendingum
til Ingvars um það sem betur má
fara varðandi umferðaröryggismál
á Norðurlandi.