Morgunblaðið - 13.10.2000, Blaðsíða 42

42 FÖSTUDAGUR 13. OKTÓBER 2000
MORGUNBLAÐIÐ
MORGUNBLAÐIÐ
FÖSTUDAGUR 13. OKTÓBER 2000 43
ptagmiftbifeifr
STOFNAÐ 1913
Útgefandi: Árvakur hf., Reykjavík.
Framkvæmdastjóri: Hallgrímur B. Geirsson.
Ritstjórar: Matthías Johannessen,
Styrmir Gunnarsson.
ISRAELAR OG
PALESTÍNUMENN
Pað er til marks um hversu brot-
hætt samskipti ísraela og Pal-
estínumanna eru, að eftir
margra ára markvissa viðleitni til
þess að koma á friði í Miðausturlönd-
um skuli ástandið þar um þessar
mundir líkjast stríðsástandi.
Ótrúlega mikið hefur áunnizt í frið-
arviðleitni manna í þessum heims-
hluta á undanförnum áratugum. Isr-
aelar hafa náð friðarsamningum við
nágranna sína fyrir utan Sýrlendinga.
Mikill árangur hefur náðst í að bæta
samskipti ísraelsmanna og Palestínu-
manna og í raun og veru hafa þessar
þjóðir verið hársbreidd frá því að ná
endanlegu samkomulagi um sambúð
þeirra síðustu vikur og mánuði.
Skyndilega virðist allt þetta starf í
mikilli hættu. Það hefur litla þýðingu
að reyna að finna sökudólginn að
þessu sinni en sjálfsagt að rannsókn
fari fram á því, sem þarna hefur gerzt
á síðustu vikum.
Með sama hætti og umheimurinn
með hryllingi fylgdist með meðferð
Palestínumanna á ísraelskum her-
mönnum í gærmorgun, sem þeir höfðu
náð á sitt vald, fylgdist umheimurinn
með hryllingi með því, þegar saklaus
börn féllu fyrir kúlum Israelsmanna.
Hvoi’ugur aðili er hinum fremri í ógn-
arverkum. Þar eiga báðir aðilar hlut
að máli.
Fyrir tveimur til þremur áratugum
hefðu atburðir síðustu daga leitt til
styrjaldar á milli ísraelsmanna og ná-
lægra arabaríkja, sem hefðu tekið upp
hanzkann fyrir Palestínumenn. Shim-
on Peres, sem býr yfir meiri reynslu
en nokkrir aðrir forystumenn Israela,
þótt Israelsmenn hafi ekki borið gæfu
til að kjósa hann til æðstu metorða,
benti hins vegar á það í samtali við
fréttamenn fyrir utan Downingstræti
10 í gær, að með lokum kalda stríðsins
hefði staðan gjörbreytzt í Miðaustur-
löndum. Nú er ekkert stórveldi, sem
hefur hagsmuni af því að fjármagna
stríðsrekstur af hálfu Palestínu-
manna eða annarra arabaríkja og þar
með hafa Palestínumenn ekkert bol-
magn til þess að heyja slíkt stríð og
við breyttar aðstæður er ekkert sem
rekur nálæg arabaríki til þess.
Af þessum sökum er ólíklegt að at-
burðir síðustu daga í samskiptum
ísraela og Palestínumanna leiði til
styrjaldar þeirra í milli. Hins vegar
má telja líklegt að verulegar tafir geti
orðið á því, að áfram verði haldið á
braut friðarferilsins.
Forsetakosningarnar í Bandaríkj-
unum setja líka strik í reikninginn.
ísraelar vita mæta vel, að bandarísk
stjórnvöld munu ekki leggja mikinn
þrýsting á þá að semja fram að kosn-
ingum. Ástæðan er einföld. Gyðingar
eru mjög áhrifamiklir í bandarískum
stjórnmálum og alveg sérstaklega í
New York-ríki. Forsetafrúin þarf á
stuðningi þeirra að halda til þe'ss að
ná kjöri til öldungadeildarinnar og
demókratar almennt þurfa á stuðn-
ingi þeirra að halda til þess að tryggja
kosningu Gore.
Israelar eru óvægnir í afstöðu sinni
til Palestínumanna og ekkert ríki í
heiminum getur knúið þá til þess að
gefa eftir það, sem þarf til þess að
samningar náist við Palestínumenn
nema Bandaríkin. Það er í þessu máli
eins og öðrum deilumálum í heims-
byggðinni að ekkert annað ríki en
Bandaríkin hefur bolmagn til þess að
skakka leikinn á milli stríðandi fylk-
inga, eins og kom í ljós með eftir-
minnilegum hætti í Bosníu fyrir
nokkrum árum.
Örlög Palestínumanna síðustu hálfa
öld hafa verið sorgleg. Við stofnun
Israelsríkis misstu margir þeirra all-
ar eigur sínar og heimili. Fjölmennar
fjölskyldur misstu heimili sín og
sundruðust út um öll Miðausturlönd,
Evrópu og víðar. Saga einstakra fjöl-
skyldna Palestínumanna er svo
hörmuleg að útilokað var annað en
djúpstætt hatur yrði til í garð Israels-
manna og stuðningsmanna þeirra,
ekki hjá einni kynslóð heldur kynslóð
fram af kynslóð.
Það er einmitt vegna þessarar for-
tíðar, sem það er svo merkilegt hve
mikill árangur hefur náðst í að skapa
frið í Miðausturlöndum. Það vantar
herzlumuninn og það er augljóst, að
það verður erfitt að brúa það bil.
Á fyrrnefndum fundi með frétta-
mönnum sagði Peres, að einstaklingar
misstu lífið en lífið héldi samt áfram.
Hann minnti á, að við lok heimsstyrja-
ldarinnar síðari hefði enginn trúað
því, að Evrópa mundi rísa upp og
verða blómlegt samfélag.
Þótt fáir trúi því eftir atburði gær-
dagsins og síðustu daga og vikna, að
Israelar og Palestínumenn muni
nokkru sinni búa saman í friði er stað-
reyndin samt sú, að fyrir þremur ára-
tugum hefði enginn trúað því, að sá
árangur mundi nást, sem nú þegar er
staðreynd í þessum heimshluta.
Margir merkir stjórnmálamenn
hafa lagt sitt af mörkum á langri veg-
ferð til þess að tryggja þann árangur.
Til þess að tryggja friðsamlega
sambúð á milli þessara tveggja þjóða,
ísraela og Palestínumanna, þarf
margt að koma til. í fyrsta lagi atbeini
stjórnmálamanna í hópi beggja, sem
hafa vizku og reynslu til þess að tak-
ast á við þennan erfiða vanda.
í öðru lagi miklir fjármunir til þess
að byggja upp palestínskt ríki, þegar
friðarsamningar hafa náðst. Þeir fjár-
munir verða að koma frá Vesturlönd-
um, sem eiga þessum þjóðum marg-
víslega skuld að gjalda því að þau eiga
sinn þátt í því að þetta ástand hefur
skapast í þessum heimshluta á síðustu
rúmlega hálfri öld. Vesturlönd eru því
ekki að gefa peninga. Þau eru að
borga skuldir sínar við þetta fólk.
í þriðja lagi þarf styrk og bolmagn
Bandaríkjamanna til þess að knýja
deiluaðila til samninga. Sumir mundu
segja til þess að þvinga þá til samn-
inga.
Það er búið að fjárfesta svo mikið í
friðarsamningum í Miðausturlöndum,
ef svo má að orði komast, að þeir
mega ekki fara út um þúfur á elleftu
stundu.
Ólíklegt er að hægt verði að knýja
deiluaðila til samkomulags á næstu
viku en hægt er að gera sér vonir um
að það geti tekizt á næstu mánuðum
eða misserum.
Þegar að því kemur eigum við Is-
lendingar að rétta Palestínumönnum
hjálparhönd.
Æstur múgur araba myrðir ísraelska hermenn í borginni Ramallah á sjálfstjórnarsvæði Palestínumanna á Vesturbakkanum
Loftárásir á byggingu
Arafats og fleiri staði
Hrottaleg dráp á tveimur ísraelskum her-
mönnum í palestínskum bæ urðu
til þess að Israelar gerðu í gær loftárásir
á skotmörk í Gazaborg og á Vesturbakk-
anum, meðal annars byggingu við
bústað Yassers Arafats. Palestínskir
embættismenn sögðu að tugir manna
hefðu særst í árásunum og lýstu þeim
sem stríðsyfirlýsingu.
AP
Lögreglubflar brenna á bflastæði höfuðstöðva palestínsku lög-
reglunnar í Ramallah eftir flugskeytaárás Israela í gær.
ISRAELSKAR herþyrlur
skutu flugskeytum á bygg-
ingu við bústað Yassers Ara-
fats, leiðtoga Palestínu-
manna, lögreglustöðvar og fleiri
skotmörk á Gaza-svæðinu og Vest-
urbakkanum í gær til að hefna
hrottalegra drápa palestínsks
múgs á tveimur ísraelskum her-
mönnum.
Reykmökk lagði yfir Gazaborg
og bæinn Ramallah á Vesturbakk-
anum eftir nokkrar árásarhrinur
ísraelsku herþyrlnanna.
Árásirnar hófust eftir að æstur
múgur Palestínumanna réðst á
palestínska lögreglustöð í Ramall-
ah þar sem tveir ísraelskir her-
menn voru í haldi eftir að hafa
villst og ekið inn í bæinn. Múgur-
inn gekk í skrokk á hermönnunum
og kastaði blóðugum og limlestum
líkum þeirra á götuna.
Ehud Barak, forsætisráðherra
Israels, brást skjótt við drápunum,
lét loka byggðum Palestínumanna
og sendi hersveitir í átt að Ramall-
ah. Lest brynvarðra liðsflutninga-
bíla sást á hæð í grennd við bæinn.
Þeim sem staddir voru í höfuð-
stöðvum Arafats og nálægum
byggingum í Gazaborg var skipað
að forða sér út skömmu áður en
herþyrlurnar hófu flugskeytaárás-
irnar. Bygging við hlið bústaðar
Arafats varð fyrir flugskeytum, en
hún hýsti lífvarðasveit palestínska
leiðtogans. íbúar nálægra bygg-
inga streymdu út á göturnar og al-
gjör glundroði ríkti á svæðinu.
ÁTÖK ÍSRAELA OG PALESTÍNUMANNA MAGNAST
ísraelskar herþyrlur gerðu flugskeyta-
árásir á byggingar Yassers Arafats í
Gazaborg og skotmörk á Vestur-
bakkanum í gær til að hefna drápa
á tveimur ísraelskum hermönnum í
palestínska bænum Ramallah.
Skýringar
E Undir fullum yfirráðum Palestínumanna
ÍJ Undir stjóm Palestínum. en Israelar með herlið
□ Undir fullum yfirráðum (sraela
Flugskeytum
skotiðálög-
reglustöðþar
semhermemimir
voru drepnir
Jerúsalem^ý
Betleharrf-
Hebron
15 km,
Líki ísraelsks lögreglumanns
kastað út um glugga lögreglu-
stöðvar í Ramallah.
Flugskeytum var einnig skotið á
höfuðstöðvar Tanzim, vopnaðrar
hreyfingar stuðningsmanna Ara-
fats, í bænum Beit Lahia, nálægt
Gazaborg. Þá voru sex bátar pa-
lestínsku strandgæslunnar eyði-
lagðir, að sögn palestínsku frétta-
stofunnar Wafa.
Terje Rod-Larsen, sendimaður
Sameinuðu þjóðanna, kvaðst hafa
verið í höfuðstöðvum Arafats og
farið þaðan nokkrum mínútum áð-
ur en flugskeytum var skotið á
svæðið. Ekki var ljóst hvort Arafat
hefði verið í byggingunni. Skömmu
áður hafði Arafat rætt við George
Tenet, yfirmann bandarísku leyni-
þjónustunnar CIA, á ótilgreindum
stað í Gazaborg.
ísraelsher kvaðst hafa varað
palestínska embættismenn við
árásunum þremur klukkustundum
áður en þær hófust.
Lögreglustöð eyðilögð
Margir lögreglubílar voru eyði-
lagðir í árásunum og tveir palest-
ínskir vegfarendur áttu fótum fjör
að launa þegar flugskeyti lenti á
bíl í Ramallah. Öðru flugskeyti var
skotið á lögreglustöðina þar sem
ísraelsku hermennirnir voru myrt-
ir nokkrum klukkustundum áður.
Lögreglustöðin eyðilagðist.
Höfuðstöðvar palestínska sjón-
varpsins urðu einnig fyrir árás og
Palestínumenn segja að a.m.k. tólf
menn hafi særst. Um tveimur
klukkustundum síðar hófu her-
þyrlurnar aðra árásarhrinu og
skutu flugskeytum á sendi út-
varpsstöðvarinnar Rödd Palestínu
í bænum.
Ephraim Sneh, aðstoðarvarnar-
málaráðherra Israels, sagði að
ráðist hefði verið á sjónvarps- og
útvarpsstöðvar sem hefðu verið
notaðar til að „hvetja til ofbeldis
og hryðjuverka".
Héldu mótmælunum áfram
Palestínumenn héldu mótmæl-
um sínum áfram á götum Ramall-
ah þrátt fyrir loftárásirnar. Þeir
hlupu í felur þegar flugskeytum
var skotið en streymdu strax aftur
út á göturnar, hrópuðu „Allahu
Akbar“ (Guð er mikill) með
kreppta hnefa á lofti og veifuðu
palestínskum fánum.
Reiðir Palestínumenn söfnuðust
saman fyrir utan lögreglustöðina
og reistu palestínskan fána á vegg
sem eyðilagðist að hluta.
„Þetta er glæpur. Látið heims-
byggðina sjá hvað ísraelar gera
okkur,“ sagði Adeed Zeidan, öku-
maður palestínsks sjúkrabíls.
„Við breytum palestínsku svæð-
unum í grafreit. Ef Barak heldur
að hann geti drepið saklausa borg-
ara og haldið áfram fjöldamorðun-
um færum við baráttu okkar til
ísraels,“ sagði einn af öryggis-
málaráðgjöfum Arafats.
Alls hafa 97 manns, þar af 90
arabar, beðið bana í átökum ísra-
elskra öryggissveita og Palestínu-
manna síðustu tvær vikur.
Töldu þá vera í leyni-
legum erindagerðum
Barak fyrirskipaði flugskeyta-
árásirnar eftir að ísraelsku her-
mennirnir villtust og óku í áttina
að miðbæ Ramallah þar sem ísr-
aelskar öryggissveitir hafa barist
við palestínska mótmælendur dag-
lega í hálfan mánuð. Palestínu-
menn sögðu í fyrstu að hermenn-
irnir tveir hefðu verið
óeinkennisklæddir og villt á sér
heimildir, þóst vera Palestínu-
menn, en síðar var skýrt frá því að
þeir hefðu ekið bifreið með ísr-
aelsku bílnúmeri.
Palestínskir lögreglumenn
handtóku hermennina og fluttu þá
í lögreglustöðina. Orðrómur komst
strax á kreik um að hermennirnir
hefðu verið í leynilegum erinda-
gerðum í bænum. Rúmlega 1.000
Palestínumenn streymdu að lög-
reglustöðinni og hermt var að
margir þeirra hefðu áður verið við
útför manns, sem hafði fallið í
átökunum við ísraelsku öryggis-
sveitirnar.
Lögreglan reyndi
að stöðva múginn
Palestínska lögreglan reyndi að
hafa hemil á múgnum en tíu menn
brutust í gegnum glugga á annarri
hæð lögreglustöðvarinnar þar sem
ísraelunum var haldið. „Ég hef
heyrt að eiginkona annars her-
mannsins hafi hringt í farsíma
hans og Palestínumaður hafi tekið
hann upp og sagt: „Við erum að
drepa eiginmann þinn“,“ sagði
ísraelskur embættismaður.
Teknar voru sjónvarpsmyndir
þar sem árásarmennirnir sáust
ganga út úr byggingunni, blóðugir
á höndunum.
Líkum ísraelanna var kastað
niður af annarri hæðinni og Pal-
estínumaður barði þau með járn-
rimlum sem hann hafði rifið af
glugga lögreglustöðvarinnar. Ung-
ir Palestínumenn stóðu við glugg-
ana, skóku hnefana og mynduðu
sigurmerki með fingi’unum.
Múgurinn á götunni umkringdi
annað líkanna og hrópaði reiðiorð,
að sögn sjónarvotta. Bæði líkin
voru löðrandi í blóði.
>»
Viðbrögð erlendra stj órnmálaleiðtoga við harðnandi átökum Israela og Palestínumanna
Atburðir gærdagsins harmaðir
AFP, AP, Reuters.
KOFI Annan, framkvæmdastjóri Sam-
einuðu þjóðanna, varaði við því í gær að
harðnandi átök Israela og Palestínu-
manna ógnuðu friði í gervöllum Mið-
Austurlöndum. „Ég hvet alla - jafnt
ráðmenn sem almenna borgara - tii að
hugleiða hvað þeir eru að gera í dag og
hvaða framtíð þeir kjósa börnum sín-
um,“ sagði Annan í yfirlýsingu áður en
hann hélt í snatri frá Líbanon til Jerú-
salem til að reyna að koma á sáttum.
Þjóðarleiðtogar víðs vegar um heim-
inn hörmuðu atburði gærdagsins og
hvöttu Ehud Barak, forsætisráðherra
ísraels, og Yasser Arafat, leiðtoga Pal-
estínumanna, til að gera allt sem í
þeirra valdi stæði til að leita friðar.
Bill Clinton Bandaríkjaforseti ræddi
við bæði Barak og Ai’afat símleiðis í
gær og lagði hart að þeim að stilla til
friðar. Hann fordæmdi morðin á ísr-
aelsku hermönnunum í Ramaliah í gær-
morgun, en vék ekki orðum að hermd-
araðgerðum ísraela. „Báðir aðilar
verða að lýsa yfir vopnahléi. Hvorki
ísraelar né Palestínumenn hagnast á
frekara blóðbaði," sagði Madeleine Al-
bright, utanríkisráðherra Bandaríkj-
anna, á fréttamannafundi í Washington.
Hvatti hún Arafat til að grípa tafarlaust
til aðgerða til að stöðva mótmæli landa
sinna, og Barak til að draga úr viðbún-
aði ísraelska hersins á sjálfstjórnar-
svæðum Palestínumanna.
Báðir bandarísku forsetaframbjóð-
endurnir, demókratinn A1 Gore og
repúblikaninn George Bush, beindu
orðum sínum til Yassers Arafats og
hvöttu hann til að binda enda á mót-
mælaaðgerðir Palestínumanna.
Tony Blair, forsætisráðherra Bret-
lands, sendi bæði Barak og Arafat bréf,
þar sem hann lýsti áhyggjum sínum af
ástandinu. Hvatti hann leiðtogana til að
koma í veg fyrir að átökin færu úr
böndunum. Robin Cook, utanríkisráð-
herra Bretlands, hafði ætlað að enda
för sína til Mið-Austurlanda í gær til að
sækja aukaleiðtogafund ESB í Frakk-
landi, en ákvað að framlengja dvölina.
Arababandalagið fordæmir fsrael
Jacques Chirac Frakklandsforseti
harmaði einnig átökin og Mary Robin-
son, mannréttindafulltrúi Sameinuðu
þjóðanna, lét í ljósi áhyggjur vegna
aukinnar spennu í Mið-Austurlöndum.
Arababandalagið fordæmdi aðgerðir
Israela í gær. „Hernaðaraðgerðir Isr-
aela gegn skrifstofum palestínsku sjálf-
stjórnarinnar á Vesturbakkanum og
Gaza-svæðinu gerðu ástandið enn
verra, á meðan alþjóðasamfélagið og
arabaríki reyna að stuðla að friði,“ segir
í yfirlýsingu bandalagsins.
Esmat Abdel Meguid, framkvæmda-
stjóri Arababandalagsins, sagði frétta-
mönnum að leiðtogar arabaríkja myndu
íhuga aðgerðir gegn Israelum á fundi
sínum, sem boðaður hefur verið 21.-22.
þessa mánaðar. Hann nefndi ekki hvað
aðgerðir kæmi til greina að grípa til, en
sagði að „allir möguleikar" yrðu rædd-
ir.
Hosni Mubarark, forseti Egypta-
lands, og AbduIIah Jórdaníukonungur,
sem áttu í gær fund í Sharm el-Sheik í
Egyptalandi, hvöttu Israela til að stöðva
valdbeitingu gegn Palestínumönnum og
grípa til allra mögulegra ráða til að koma
friðarferlinu aftur af stað. Jórdaníukonung-
ur ræddi einnig við Madeleine Albright
símleiðis og fór þess á leit að Bandaríkja-
stjórn gerði allt sem í hennar valdi stæði til
að halda aftur af hernaðaraðgerðum Isr-
aela.
Bashar al-Assad Sýrlandsforseti sagði að
Israelar ættu eftir að bíða lægri hlut í átök-
unum, en Israelsstjórn hefur heitið hefnd-
um eftir að skæruliðar sem njóta stuðnings
Sýrlandsstjórnar tóku þrjá ísraelska her-
menn í gíslingu fyrir sex dögum.
Furstadæmið Óman ákvað í gær að slíta
efnahagslegum tengslum við ísrael vegna
atburða gærdagsins. Palestínumenn fögn-
uðu aðgerðum Ómana og hvöttu önnur
arabaríki til að gera slíkt hið sama.
„Hófstillt svar“
Shimon Peres, fyrrverandi forsætisráð-
herra ísraels, brást til varnar fyrir ísraels-
stjórn og sagði að svar ísraelska hersins við
morði hermannanna í Ramalla hefði verið
„hófstillt". Peres átti fund með Tony Blair í
London í gær, en hann vísaði því á bug að
árásin á stöðvar Arafats hefði verið stríð-
syfirlýsing.
„Hingað til hafa Palestínumenn háð stríð
án stríðsyfirlýsingar," sagði Peres og vísaði
til árása Palestínumanna á ísraelska her-
menn undanfarnar tvær vikur. „ísraelar
neyddust til að bregðast við. Þeir gerðu það
skjótt, en af stillingu, og ég efast um að
nokkur óski þess að ástandið versni,“ sagði
forsætisráðherrann fyrrverandi, sem hlaut
friðarverðlaun Nóbels ásamt Yasser Arafat
árið 1994 fyrir framlag sitt til friðar í Mið-
Austurlöndum.
Var nærri
spreng-
ingunum
ÓLAFUR Gíslason starfar við að
reisa raforkuver á vegum verk-
takafyrirtækisins danska Pihl &
Son á Gaza-svæðinu og var hann í
aðeins um eins kílómetra fjarlægð
frá þeim stað sem ísraelski herinn
varpaði sprengjum á í gær. Ólafur
hefur verið við störf þama í
nokkra mánuði. Hann bíður þess
nú ásamt öðrum starfsmönnum
Pihl & Son að komast á brott frá
svæðinu í fygld starfsmanna Sam-
einuðu þjóðanna. —
„Eins og er eru landamærin al-
farið lokuð og sömuleiðis allir
vegir þannig að við komumst ekki
eins og er. Við vonumst til að
komast út af svæðinu í fyrramálið
[í dag],“ segir Ólafur.
Hann segir að skyndilega hafi
birst þyrlur frá ísraelska hernum
yfir svæðinu. „Það er stór lög-
reglustöð rétt við hliðina á dvalar-
stað okkar og við sáum lög-
reglumennina hlaupa í burtu hver
í sína áttina. Þeir áttu greinilega
von á því að Israelsher myndi
skjóta á hernaðarlega mikilvægar
stöðvar. Við sáum líka fallbyssu-
báta koma upp að ströndinni og
síðan heyrðum við mikla skothríð ,,
og gný af öllum þeim flugskeytum
sem var skotið. Þeir skutu að búst-
að Arafats og á aðrar hernaðar-
lega mikilvægar byggingar bæði
úr þyrlunum og fallbyssubátun-
um. Það var mikið um sprenging-
ar. Við erum í um kflómetra fjar-
lægð frá þeim stað sem verið var
að skjóta á,“ sagði Ólafur.
Hann sagði að svo virtist sem
dregið hefði úr átökunum en enn
þá ríkti spennuástand og ógnvæn-
legt að vera þarna. Ólafur kvaðst
ekki hafa átt von á þessum at-
burðum. Menn hefðu verið farnir
að vonast til að ástandið færi að
lagast en vinna við raforkuverið
hefur mestu leyti legið niðri síð-
astliðnar tvær vikur vegna
ástandsins.
Hópur
Islendinga
í Tel Aviv
HÁTT í 60 manns eru ávegum .
Atlanta-flugfélagsins í ísrael.
Siguíjón Siguijónsson, starfs-
maður flugmálastjórnar, er þar
einnig og sagðist hann, þegar
Morgunblaðið hafði tal af honum
í Tel Aviv í gær, fylgjast með
fréttum af átökunum í sjónvarpi.
Siguijón er í Israel til að gera út-
tekt á flugi Atlanta milli Tel Aviv
og New York fyrir flugfélagið E1
Al.
„Ástandið hjá mér er bara
ósköp venjulegt. Ég fylgist með
þessu í sjónvarpi en get nú ekki
sagt að ég verði var við átökin að
öðru leyti,“ sagði Sigurjón, sem
átti pantað flug með SAS frá Isr-
ael í morgun. Sigurjón sagði að
það ætti eftir að koma í ljós hvort
einhver vandkvæði yrðu með flug
heim.
„Ástandið frá því á mánudag-
inn var farið að róast en siðan
kom þetta upp. Ég veit ekki
hvaða afieiðingar það getur haft
en geri þó ráð fyrir að geta flogið
heim,“ sagði Sigurjón.
Á hótelinu sem Sigurjón gisti á
í Tel Aviv voru starfsmenn Atl-
anta, þ.e. tvær áhafnir auk ann-
arra starfsmanna, líklega á sjötta
tug manns. Hann kvaðst ekki
hafa orðið var við að hræðsla
hefði gripið um sig í hópnum.
Mikil öryggisgæsla væri í Tel Av-
iv og það kæmi sér ekki á óvart
þótt siminn hans væri hleraður.
Mjög hefur dregið úr ferða-
mannastraumi til Israels i kjölfar
átakanna þar. Siguijón kveðst
hafa heyrt að samdrátturinn hafi
verið 20% síðustu vikurnar.