Morgunblaðið - 14.10.2000, Blaðsíða 29

MORGUNBLAÐIÐ
LAUGARDAGUR 14. OKTÓBER 2000 29
ERLENT
Fjórir þýskir friðargæsluliðar særðust í handtökutilraun í Bosníu
Meintur stríðsglæpa-
maður réð sér bana
Sarajevo. Reuters, AP, AFP.
ATLANTSHAFSBANDALAGIÐ
sagði í gær að Bosníu-Serbinn Janko
Janjic, sem hafði verið ákærður fyrir
stríðsglæpi, hefði sprengt hand-
sprengju og beðið bana þegar friðar-
gæsluliðar hefðu reynt að handtaka
hann í fyrrinótt. Fjórir þýskir her-
menn særðust í sprengingunni, þar
af tveir alvarlega. Talsmaður þýska
vamannálaráðuneytisins sagði að
þeir væru ekki taldir í lífshættu. Er
þetta í fyrsta sinn sem friðargæslu-
liðar særast í slíkri aðgerð í Bosníu.
Hermenn friðargæsluliðsins í
Bosníu, SFOR, réðust inn í bæinn
Foca í austurhluta Bosníu til að
handtaka Janjic, sem stríðsglæpa-
dómstóllinn í Haag hafði ákært,
meðal annars fyrir pyntingar og
nauðganir.
„Þegar reynt var að handtaka
hann sprengdi hann handsprengju
sem varð honum að bana,“ sagði í yf-
irlýsingu frá NATO. „Hann var allt-
af með handsprengju á sér og sagð-
ist ætla að fyrirfara sér ef reynt yrði
að handtaka hann,“ sagði frændi
Janjic í samtali við fréttaritara AFP.
Talsmenn NATO sögðu hins vegar
að ekki væri vitað með vissu hvort
hann hefði svipt sig lífi af ásettu ráði
eða reynt að kasta sprengjunni á
friðargæsluliðana.
Janjic var á heimili bróður síns
þegar reynt var að handtaka hann.
Bróðirinn særðist lítilsháttar í
sprengingunni og eiginkona hans féll
í yfirlið. Tvær dætur þeirra á tán-
ingsaldri voru einnig í húsinu.
Aðgerðin stóð í 50 mínútur og frið-
argæsluliðarnir sprengdu dyr húss-
ins til að komast inn í það.
NATO sagði að hermennirnir
hefðu ekki hleypt af byssum sínum
og kvaðst harma að Janjic skyldi
hafa beðið bana.
Þriðji stríðsglæpamaðurinn
sem bíður bana
Janjic er þriðji meinti stríðs-
glæpamaðurinn sem látið hefur lífið í
handtökutilraun friðargæsluliða í
Bosníu. Breskir hermenn skutu
serbneska lögreglustjórann og þjóð-
emisöfgamanninn Simo Drljaca til
bana þegar hann seildist eftir byssu
sinni í bænum Prijedor árið 1997 og
tæpum tveimur ámm síðar urðu
franskir hermenn Serbanum Drag-
an Gagovic að bana þegar hann
reyndi að flýja í Foca.
Stríðsglæpadómstóllinn hefur gef-
ið út ákæmr á hendur 94 mönnum og
friðargæsluliðið hefur handtekið 21
þeirra.
Rudolf Scharping, vamarmála-
ráðhema Þýskalands, sagði að þýsk-
ir friðargæsluliðar hefðu gegnt
„mikilvægu hlutverki" í handtökutil-
rauninni í fyrrinótt.
Aðalsaksóknari stríðsglæpadóm-
stólsins hrósaði friðargæsluliðunum,
sem tóku þátt í aðgerðinni, fyrir
hugrekki. „Það er sorglegt að Janko
Janjic, sem hafði áður hótað að ráða
sér og öðmm bana ef reynt yrði að
handtaka hann, skyldi hafa valið
þessa leið og þar með stefnt lífi her-
manna friðargæsluliðsins í hættu.“
Griðastaður stríðsglæpamanna
Janjic, 43 ára fyrrverandi bifvéla-
virki, hafði verið ákærður fyrir
stríðsglæpi sem framdir vom á
fyrsta ári stríðsins í Bosníu 1992-95.
A þeim tíma var hann foringi í serb-
AP
Mynd af Janko Janjic á vegg-
spjaldi þar sem lýst er eftir
meintum stríðsglæpamönnum í
Bosníu.
nesku herlögreglunni og leiðtogi
vopnaðs hóps serbneskra þjóðernis-
sinna í Foca. Hann var sakaður um
að hafa tekið þátt i pyntingum og
nauðgunum á mörgum múslimskum
konum. Sjö aðrir Serbar hafa verið
ákærðir vegna þessa máls, einn
þeirra er látinn, þrír hafa verið leidd-
ir fyrir rétt í Haag og þrír hafa ekki
enn verið handteknir.
Janjie bauðst til að lýsa glæpum
sínum þegar hann ræddi við banda-
ríska sjónvarpsmenn árið 1997. „Já,
fyrir 5.000 þýsk mörk er ég tilbúinn
að skýra frá öllu. Hvernig ég skar þá
á háls, drap þá og reif úr þeim aug-
un,“ sagði hann við sjónvarps-
mennina.
Vopnaðir hópar serbneskra þjóð-
ernissinna lögðu Foca undir sig í
apríl 1992 og drápu eða hröktu burt
nánast alla múslima bæjarins næstu
mánuðina.
Talið er að nokkrir Serbar, sem
hafa verið ákærðir fyrir stríðsglæpi,
hafi fengið athvarf í bænum. Fjöl-
miðlar í Bosníu hafa skýrt frá því að
Radovan Karadzic, leiðtogi Bosníu-
Serba í stríðinu, dvelji stundum í
þorpi í grennd við Foca.
Herflutningar
fraka
Banda-
ríkjamenn
á varð-
bergi
Washington. AP.
SÉST hefur til herja úr úrvalsliði
Saddams Husseins íraksforseta,
Lýðveldisverðinum, á leið vestur á
bóginn og fylgjast Bandaríkjamenn
grannt með aðgerðunum. Talið er að
nokkur þúsund manna lið sé á ferð en
ólíklegt er talið að um árásarund-
irbúning gegn Kúveit eða öðrum ríkj-
um sé að ræða.
Talsmaður Bandaríkjaforseta
sagði að bandarísk stjómvöld væru
reiðubúin að grípa til aðgerða ef í ljós
kæmi að írakar ætluðu sér að gera
eitthvað sem talið væri meiri ógnun.
Haustið 1990 gerðu Irakar skyndiár-
ás á Kúveit og lögðu landið undir sig
en voru hraktir þaðan í ársbyi’jun
1991 með sameiginlegu átaki Vestur-
veldanna og nokkurra arabaríkja í
Persaflóastríðinu.
„Við vitum aðeins að Saddam
Hussein er til alls vís og hann hefur
sýnt að hann er reiðubúinn að reyna
að hagnast á ofbeldinu í Israel og her-
numdu svæðunum," sagði talsmaður-
inn, Jake Siewert, á fimmtudag.
CNN-sjónvarpsstöðin varð fyrst
til að skýra frá herflutningunum. Síð-
astliðið sumar jókst spenna á þessu
svæði mjög. Arið 1996 sendu Irakar
herlið til svæða Kúrda í norðurhluta
landsins og tóku borgina Arbil en
Bandaríkjamenn gerðu um haustið
árásir með stýriflaugum á stöðvar ir-
aska hersins.
Ekki árekstur
Moskvu. AP
ENGIN merki hafa fundist um
ókunnan kafbát í grennd við
kjarnorkukafbátinn Kúrsk sem
sökk í ágúst. Yfirvöld telja því
ekki lengur að árekstur við annað
farartæki hafi valdið harmleikn-
um, sagði Ilja Klebanov, varafor-
sætisráðherra Rússlands, í gær.
Enn hefur ekki verið úrskurðað
hver var orsök sprengingarinnar
sem olli því að kafbáturinn sökk
og að öll áhöfnin, 118 manns,
fórst.
Rússnesk yfirvöld hafa haldið
því fram að líklegasta skýringin
væri árekstur við erlendan kafbát
eða skip. Aðrar hugsanlegar
skýringar eru árekstur við tund-
urdufl úr seinni heimsstyrjöld eða
bilun í tundurskeytahluta Kúrsk.
Laugardagar til lukku í ACO epson stylus 7go
Laugardagstilboð ACO Opið frá kl. 11:00 -16:00 114.900 kí.
350 MHz
Power PC G3
64 Mb SDRAM vinnsluminni
7Gb Ultra ATA harður diskur
Geisladrif
Tvö USB tengi
56K mótald
Sony ferðageislaspilari. DE-200.
Vandaður spilari með hristivöm.
6.990 kr.
aco
hugsaðu I skapaðu \ upplifðu
SkaftahllB 24 ■ Slml 530 1800 • Fax 530 1801 ■ www.aco.is