Morgunblaðið - 20.10.2000, Blaðsíða 38
38 FÖSTUDAGUR 20. OKTÓBER 2000
LISTIR
MORGUNBLAÐIÐ
Gréta Gísladóttir við eitt
verka sinna.
Gréta Gísla-
dóttir sýnir
á Selfossi
GRÉTA Gísladóttir opnar sýningu á
verkum sínum í Gallerí Garði, Mið-
garði, Austurvegi 4, Selfossi, í dag,
föstudaginn 20. október.
Gréta er fædd á Selfossi 1973 og
bjó þar til ársins 1981 og hefur því
sterkar taugar til staðarins. í dag er
Gréta búsett á Akranesi og starfar
þar sem leikskólakennari og sést það
gjarnan í verkum hennai- þar sem
hún málar mikið börn að leik.
Gréta kom í sumar heim til Is-
lands eftir ársdvöl við danska Kunst-
og handverkskolen í Engelsholm þar
sem hún lagði stund á málun. Einnig
lærði hún að vinna með kalt gler.
Danmörkudvölinni lauk með einka-
sýningu í Galleri Aakjærs í Velje.
Aður hafði hún haldið þrjár einka-
sýningar í handverkshúsinu Drymlu
á Bolungarvík.
Gréta málar olíu-, acryl- og vatns-
litamyndir og eru verkin fjölbreytt
og takmörkun í litavali nær engin.
Þetta er sölusýning og lýkur henni
15. nóvember.
---------------
Handverk
Bjarna Þórs
Kristj ánssonar
í Glugganum
GLUGGINN í Galleríi Hnoss að
Skólavörðustíg 3 verður að þessu
sinni helgaður gömlu en ekki
gleymdu handverki. Bjami Þór
Kristjánsson handverksmaður sýnir
þar handverksmuni og gömul og ný
handverkfæri þeim tengd.
Bjarni hefur lagt sig fram um að
grafa upp og viðhalda gamalli hand-
verkskunnáttu sem búið hefur með
þjóðinni allt frá landnámsöld, svo
sem eldsmíði, tálgun, útskurði og
tínugerð (traföskjur o.fl.).
I Glugganum verða sýndar tínur,
tálgaðar skeiðar, ausur og bollar, út-
skurður og eldsmíðuð verkfæri. Auk
þess verða gömul og ný handverkfæi
í Glugganum til að undirstrika klass-
ískt notagildi þeirra og minnt á sál-
rænt gildi þess að vinna með hönd-
unum.
-♦-♦-♦■
Loftbólur í Gall-
erfí Nema hvað
GUÐFINNA Anna Hjálmarsdóttir
opnar sýningu í nemendagalleríi
Listaháskóla íslands, Nema hvað,
Skólavörðustíg 22, undir yfirskrift-
inni Loftbólur - leikur við Móður
jörð í dag kl. 17. Guðfínna er loka-
ársnemi í myndlist við Listaháskóla
íslands.
Sýningin verður opin, auk opnun-
ardagsins, laugardag og sunnudag
frá kl. 16 til 18.
íslenski sálmalaga-
arfurinn mikil gullkisla
Sálmar lífsins er yfirskrift útgáfutónleika
sem þeir Sigurður Flosason saxófónleikari
og Gunnar Gunnarsson orgelleikari halda í
Hallgrímskirkju á morgun. Margrét Svein-
björnsdóttir ræddi við Sigurð um tónleik-
ana, samnefndan geisladisk og tilnefningu
sem hann hlaut nýverið til tónlistarverð-
launa Norðurlandaráðs.
YFIRSKRIFT tónleikanna og
geisladisksins, Sálmar lífsins, vísar
til þess að þeir félagar hafa leitað
fanga í hinum mikla sjóði íslenskra
sálmalaga, allt frá fimmtándu öld og
fram til nútímans. Flest er sálmalög-
in að finna í sálmabók íslensku
kirkjunnar en Sigurður og Gunnar
flytja öll lögin í eigin útsetningum,
þar sem þeir hafa lagt mikla áherslu
á spuna af ólíkum gerðum.
A tónleikunum í Hallgrímskirkju á
morgun, laugardag, kl. 17 leika þeir
lög af geisladiskinum sem þeir sendu
frá sér í apríl sl. í bland við nýrra efni
sem þeir hafa unnið að undanförnu.
A næstu dögum munu þeir svo
leggja land undir fót og halda tón-
leika bæði norðanlands og sunnan.
Diskurinn hefur vakið mikla athygli
og fengið góða dóma og seldist fyrsta
upplag upp hjá útgefanda, Máli og
menningu, en ný sending er nú kom-
in í verslanir. Þá vakti sálmaspuni
Sigurðar og Gunnars óskipta athygli
á Kristnihátíð á Þingvöllum í sumar
en fyrstu sálmaspunatónleikana
héldu þeir fyrir rúmu ári í Hall-
grímskirkju.
Spuninn er alltaf nýr
Sigurður segir megintilgang tón-
leikanna að þessu sinni vera að
kynna diskinn og því verði meirihluti
efnisskrárinnar sóttur þangað.
„Hins vegar höfum við verið að
bralla ýmislegt annað síðan og bætt
ýmsu við, þannig að þetta verður
hvorki endurtekning á diskinum né
tónleikunum frá í fyrra. Svo er það
nú líka þannig með svona spunna
tónlist að hún er í rauninni ný í hvert
sinn - þó að sama lagið sé spilað er
spuninn nýr,“ segir hann. Bætir svo
við að reyndar séu þeir félagar með
nýjan disk í undirbúningi þar sem
þeir muni halda áfram að spinna út
frá sálmaefni. „Líklega verður það
jólaplata sem kemur út á næsta ári.“
Aftur að tónleikunum. Sigurður
segir að efnisskráin endurspegli lífs-
feril mannsins eins og hann tengist
kirkjunni - ýmist í gleði eða sorg.
Þannig verði m.a. fluttir sálmar sem
tengist stórhátíðum kirkjuársins og
helstu kirkjulegum athöfnum, svo
sem skírn, fermingu, brúðkaupi og
útför. Mörg sálmalaganna eru í hópi
hinna þekktustu meðal íslensku
þjóðarinnar, eins og t.d. Heyr himna
smiður, Fögur er foldin, Jesús er
besti vinur barnanna og Til þín
Drottinn hnatta og heima, en önnur
heyrast sjaldnar.
Algjörlega óplægður akur
Sigurður segir íslenska sálma-
lagaarfinn mikla gullkistu sem
skemmtilegt sé að róta í. „Það er af-
skaplega mikið til af þessari músík
og þó að hún sé auðvitað misjöfn þá
Morgunblaðið/Einar Falur
Sigurður Flosason saxófónleikari og Gunnar Gunnarsson orgelleikari
halda útgáfutónleika í Hallgrímskirkju á morgun.
er þar mjög margt spennandi og
skemmtilegt. Þetta er í raun algjör-
lega óplægður akur hér á landi og
viðbrögðin eru sannast sagna frá-
bær, svo það hvetur mann til enn
frekari dáða,“ segir hann. „Við viss-
um svo sem ekkert fyrirfram við
hverju við áttum að búast. Við hefð-
um allt eins getað átt von á að þetta
höfðaði eingöngu til einhvers þröngs
djasskjarna en þetta virðist fara út
yfir öll mörk. Hlustendahópurinn er
almenningur á öllum aldri. Þá hefur
kirkjunnar fólk verið mjög jákvætt
og stutt við bakið á okkur með öllum
mögulegum ráðum,“ heldur hann
áfram.
Sigurður segir samstarf þeirra
Gunnars með miklum ágætum. „Við
eigum mjög jafnan hlut í þessu verk-
efni og það er kannski ekki sjálfgef-
ið. Okkur lyndir vel saman og ég
held að þetta geti þróast lengra eftir
því sem við gerum meira af því að
spinna saman, þannig að það eru ör-
ugglega einhverjir vaxtannöguleik-
ar í þessu,“ segir hann.
Geri mér engar grillur
Yfir í allt aðra sálma. Sigurður
hlaut nýverið tilnefningu til tónlist-
arverðlauna Norðurlandaráðs.
Hvernig skyldi hann hafa tekið því?
„Það kom mér algjörlega á óvart og
er náttúrulega bara gleðilegt að hafa
orðið þessa heiðurs aðnjótandi.
Þetta segir manni kannski líka að
einhverjh- taki eftir því sem maður
gerir og meti það - og fyrir það er ég
bara þakklátur. Ég geri mér hins
vegar engar griilur um að fá þessi
verðlaun, það eru tólf manns aðrir
tilnefndir og sumir þeirra eru stór
nöfn í alþjóðlegu samhengi. En það
er ekki aðalatriðið hver hreppir
verðlaunin. Við erum reyndar tveir
Islendingar sem erum tilnefndir -
hinn er Skúli Sverrisson bassaleikari
sem er mjög vel að tilnefningunni
kominn," segir hann.
Tónleikar norðanlands
og sunnan
I framhaldi af tónleikunum í Hall-
grímskirkju munu Sigurður og
Gunnar leika á eftirfarandi stöðum: I
Húsavíkurkirkju sunnudaginn 22.
okt. kl. 16, í Akureyrarkirkju sama
kvöld kl. 20, í Ytri-Njarðvíkurkirkju
mánudaginn 23. okt. kl. 20, í Hvera-
gerðiskirkju fimmtudaginn 26. okt.
kl. 20 og í Selfosskirkju laugardag-
inn 28. okt. kl. 16. Forsala aðgöngu-
miða á tónleikana í Hallgrímskirkju
er í bókaverslun Máls og menningar
á Laugavegi.
Sigurður Guðmundsson í Listasafni Islands
Nýleg verk sein ekki
hafa sést áður á Islandi
SÝNING á nýjum verkum Sigurðar
Guðmundssonar verður opnuð í
Listasafni Islands í kvöld. A sýning-
unni eru sjö þrívíð verk frá árunum
1995-2000. Ekkert þessara verka
hefur sést á Islandi áður, en þau eru
m.a. unnin í Kína, Svíþjóð og Hol-
landi.
Sigurður Guðmundsson er fæddur
1942 í Reykjavík. Hann stundaði nám
við Handíða- og myndlistaskólann
1960-63, við Academi 63 í Haarlem í
Hollandi 1963-64 og við Ateliers 63 á
sama stað 1970-71. Sigurður hefur
hlotið margar viðurkenningar á list-
ferli sínum. Hann hlaut Prins Eugen-
orðuna í Stokkhólmi 1985, DAAD-
styrk í Berlín 1987-88 og Henrik-
Steffens-Preis í Hamborg 1989.
„Sigurður varð eins og jafnaldrar
hans á sjöunda áratugnum fyrir
áhrifum frá fluxus-list og arte povera
og var einn af virkustu þátttakendum
SÚM-hópsins í Reykjavík og hélt
fyrstu sýningu sína árið 1969 í Gallerí
SÚM, en hann var einn af stofnend-
um gallerísins. Hann var jafnframt
einn af stofnendum In-Out-Center í
Amsterdam og Nýlistasafnsins í
Reykjavík.
A sjöunda áratugnum, eftir að
hann settist alveg að í Amsterdam,
þróaði hann eins konar ljósmynda-
gjörninga, eða sviðsetningar eins og
Morgunblaðið/Einar Falur
Eitt verka Sigurðar Guðmunds-
sonar á sýningunni.
hann kallar þær sjálfur, þar sem
hann leikur sjálfur aðalhlutverkið.
Hann hefur ekki gert slík verk síðan
1980 fyrir utan verkið Encore frá
1991. Þessi miðill reyndist falla mjög
vel að hugmyndalist hans eða hug-
myndaljóðlist. Síðan þróuðust verk
hans rökrétt yfir í hlutkennd þrívídd-
arverk.
Sigurður nýtur. alþjóðlegrar við-
urkenningar sem myndlistarmaður
og voru verk hans m.a. valin til sýn-
ingar er Pompidou-listamiðstöðin í
París var opnuð 1977. Hann hefur
einnig sýnt á Feneyjatvíæringnum
1976 og 1978. Um þessar mundir er
Sigurður búsettur í hafnarborginni
Xiamen í Suður-Kína þar sem hann
hefur unnið að listsköpun ásamt rit-
störfum. Verk Sigurðar eru í eigu
allra helstu safna í Evrópu, svo sem
Stedelijk-safnsins í Amsterdam og
Pompidou-safnsins í París. Nýverið
hlaut hann A. Roland Holst 2000,
hollensku skáldaverðlaunin," segir í
kynningu.
Við opnun sýningarinnar verður
fluttur tónlistargjömingurinn Dúett
frá árinu 1997. Flytjendur eru söngv-
ararnir: Tena Palmer, Örn Arnars-
son og Jóhann Jóhannsson, sem sem-
ur tónlistina. Textinn er eftir Sigurð
Guðmundsson.
Bókaforlagið Mál og menning gef-
ur út bók með öllum Ijósmyndaverk-
um listamannsins sem jafnframt
verður fáanleg á ensku, dönsku og
hollensku.
Sýningin hefur verið valin á dag-
skrá Reykjavíkur - menningarborg-
ar Evrópu 2000. Hún verður opin alla
virka daga, nema mánudaga, frá
klukkan 11 til 17. Sýningunni lýkur
hinn 26. nóvember.
Umur í Gallerfi
Sævars Karls
ILMUR María Stefánsdóttir opnar
sýninguna Dysfunctionalism í Gall-
eríi Sævars Karls laugardaginn 21.
október kl. 14.
Sýningin samanstendur af skúlpt-
úrum og ljósmyndum. Verkin eru
unnin á árunum 1900-2000. Ilmur
útskrifaðist 1995 úr Myndlista- og
handíðaskólanum og lauk MA-námi
við Goldsmiths í London í ágúst
2000.
Sýningin stendur til 9. nóvember
og er opin á afgreiðslutíma verslun-
arinnar.
Sýningu lýkur
SÝNINGU Dominique Ambr-
oise í Gallerí Fold, Rauðarár-
stíg 14-16, lýkur sunnudaginn
22. október.
Gallerí Fold er opið daglega
frá kl. 10-18, laugardaga frá
10-17 og sunnudaga frá 14-17.