Morgunblaðið - 29.10.2000, Qupperneq 30

30 SUNNUDAGUR 29. OKTÓBER 2000
MORGUNBLAÐIÐ
STEFNIR Á „FJÓRÐV
KYNSLÓГ VEFHÖNNUNAR
Gísli Þór Gíslason í húsnæði Vefskóla Streymis.
VIÐSKIFn AIVINNULÍF
Á SUNNUDEGI
► Gísli Þdr Gíslason er fæddur 21. nóvember 1961 í Reykjavík. Hann lauk
prófí í iðnaðartæknifræði frá Tækniskóla íslands árið 1992 en hafði áður
lokið prófi sem rafvirki frá Iðnskólanum í Reykjavík. Eftír að hann lauk
tæknifræðiprófi var hann framkvæmdastjóri Landssambands íslenskra
rafverktaka, var eftir það í tvö ár rekstrarstjóri Blindrafélagsins en tók við
starfi sem framkvæmdasfjóri Streymis þann 1. september sl. Gísli er
kvæntur Hrefnu Ingólfsdóttur forstöðumanns, upplýsingaveitna hjá Sím-
anum, og eigaþau eina dóttur, Margréti, sem er fimm ára.
Eftir Guðrúnu Guðlaugsdóttur
YRIRTÆKIÐ Streymi ehf.
er ungt í íslensku atvinnu-
lífí, var stofnað í maí á
þessu ári. Það hefur ný-
lega gert samninga við tvö stór er-
lend fyrirtæki, bandarísku aug-
lýsingastofnuna Romann Group og
kanadíska fyrirtækið Softimage,
sem sérhæfir sig í kvikmyndagrafik.
Streymi sérhæfir sig í margmiðl-
un og vefhönnun fyrir háhraðavef-
inn, þar sem hefðbundin vefhönnun
og eftirvinnsla eins og tíðkast í kvik-
myndagerð og gerð sjónvarpsefnis
fer saman og rekur einnig vefhönn-
unarskóla. Stofnendur fyrirtækisins
eru Gísli Týr Þráinsson, sem er þró-
unarstjóri fyrirtækisins og Frosti
Jónsson, sem sér um stafræna hljóð-
vinnslu. Jörundur Rafn Arnarson
sér um þrívíddarhönnun og sam-
setningu og Magnús Blöndal er
vefstofustjóri. Stjórnarformaður
Streymis er Sævar Freyr Þráinsson
en framkvæmdastjóri er Gísli Þór
Gíslason.
Forsenda fyrirtækisins var
áhugi á margmiðlun
- Hvenær hófst undirbúningur að
stofnun fyrirtækisins?
„Undirbúningur að stofnun þessa
fyrirtækis hófst fyrir um einu og
hálfu ári,“ segir Gísli Þór Gíslason.
„Hugmyndin kviknaði þá og var að
gerjast hjá stofnendunum fram að
því að fyrirtækið hóf starfsemi sína í
maí sl, en það er til húsa að Hverfis-
götu 105 í Reykjavík. Ástæðan fyrir
stofnun Streymis var bæði komin til
vegna áhuga ákveðins hóps á
margmiðlunarvefhönnun og einnig
skorti á fyrirtæki sem sérhæfði sig í
slíku starfi.
Þegar íyrirtækið var stofnað hafði
það á að skipa fjórum starfsmönnum
en nú starfa 12 hjá því. Nafn fyrir-
tækisins vísar bæði til fyrirbærisins
„Streaming media“, sem er við-
fangsefni Streymis, sem og upp-
lýsingastreymis, sem er markmið
margmiðlunarhönnunar. Með
„Streaming media“ er átt við að til
þess að horfa á efni á vefnum þarf
notandinn ekki að bíða eftir þvi að
hann hafi hlaðið inn öllum pakkanum
í tölvuna sína, heldur byijar mynd-
efnið að sjást um leið og fyrstu
rammarnir eru komnir."
Ársvelta Romann Group rúm-
lega hundrað milljónir dollara
- En hvernig komst samningurinn
við Romann Group á laggimar svo
fljótt sem raun ber vitni?
„Romann Group var búið að leita
víða að samstarfsaðila sem byði upp
á þá samsetningu sem við höfum á
sérhæfðu starfsfólki en hafði ekki
haft erindi sem erfiði fram til þess að
fundum forráðamanna þess og stofn-
enda Streymis bar saman í New
York í sumar. Romann Group er fyr-
irtæki sem veltir rúmlega hundrað
milljónum dollara á ári og fæst við
auglýsingagerð af öllum tegundum.
Við stefnum að því að stofna með
þeim fyrirtæki sem ráðgert er að
heiti Romann Architechture og það
fyrirtæki mun starfa við breiðbands-
hönnun á Bandaríkjamarkaði. Ein af
ástæðunum fyrir áhuga Romann
Group á samstarfinu er að Streymi
hefur tæknilega burði til að sinna
þeim verkefnum sem framundan eru
á sviði breiðbandshönnunar.
En hvað með samninginn við Soft-
image - hvað felur hann í sér?
„Hann felur í sér að Streymi prófi
lausnir Softimage í hugbúnaði sem
Softimage framleiðir og er það starf
þegar hafið.“
Reka Vefhönnunarskóla
Streymis
- En hvað með starf Streymis á ís-
lenskum markaði?
„Við sjáum um uppsetningu og
hönnun á Hekluvefnum. Hekla var
fyrst íslenskra fyrirtækja til að nýta
sér Flash-staðalinn, til að auka að-
gengi og gagnvirkni á vef sínum.
Hefur sá vefur fengið lof fýrir frum-
leika, skilvirkni og notkun nýrrar
tækni í vefhönnun. Þá rekum við
Vefskóla Streymis og tók hann til
starfa í september sl„ nemendur eru
sextán og segja má að færri hafi
komist að en vildu.“
Mikil flutningsgeta
- En var mikil þörf fyrir fyrirtæki
af því tagi sem Streymi er?
„Streymi er að því er ég best veit
eina íslenska fyrirtækið sem sérhæf-
ir sig í vefhönnun fyrir mikla band-
breidd, eins og AJDSL-tengingu.
Fram til þessa höfum við verið í
þróunarstarfi til þess að ná góðum
tökum á vefhönnun fyrir háhraða-
vefinn. Stefna stofnenda fyrirtækis-
ins er að vera tilbúnir í svokallaða
fjórðu kynslóð vefhönnunar, þ.e. þá
tækni sem þegar er farið að nota í
kvikmynda- og tónlistariðnaðinum.
Streymi leggur mikla áherslu á
margmiðlunarhönnun sem nýtir sér
samþættingu hljóðs, hreyfigrafíkur
og myndbands í gagnvirku vefum-
hverfi. Þetta þýðir á almennu máli að
þegar fólk opnar vefinn þá getur það
séð hlutina mun myndrænni en áður,
setjum svo að við værum að skoða
bíl, þá getum við á vefnum sest í sæt-
ið og skoðað allt umhverfið inni í
bílnum frá öllum hliðum.“
Kenna hefðbundna vefhönnun
- Hvað kennið þið í Vefhönnunar-
skóla Streymis?
„Þar gefst nemendum kostur á að
læra hefðbundna vefhönnun í bland
við eftirvinnslu eins og tíðkast við
gerð sjónvarpsefnis og þrívíddar-
vinnslu. Námið tekur tvær annir og
kennt er fjóra daga vikunnar, kenn-
arar eru starfsmenn fyrirtækisins.
Með skólanum opnast leið til sí-
menntunar starfsfólks auk þess sem
nemendur fá kennslu í tengslum við
raunveruleg verkefni úr atvinnulíf-
inu. Fólk þarf engan undirbúning
annan en þann að hafa til að bera
ákveðna sköpunarhæfileika. Þama
er í raun verið að mennta listamenn
framtíðarinnar. Námið kostar 640
þúsund krónur og við hugsum okkur
að fá hæfa nemendur að námi loknu
til starfa.
Markmiðið með stofnun skólans
var að auka framboð af hæfu vef-
hönnunarfólki með sérþekkingu á
margmiðlunarvefhönnun. Meðal
annars er kennt á Flash, Dream-
wever og Direktor. Við munum einn-
ig sjá um hluta af kennslu á for-
námsbraut fyrir Myndlistarskólann
í Reykjavík, um er að ræða stafræna
myndvinnslu. Við munum byrja með
aðra bekkjardeild í skólanum eftir
áramót."
Horft er lengra fram í tímann
- Hyggur fyriríækið á frekari
„landvinninga“ erlendis á næstunni?
„í dag erum við í þeirri stöðu að
við þurfum að bæta við töluvert
mörgum starfsmönnum á vefstofu
fyrirtækisins til að uppfylla sam-
starfssamninginn við Romann
Group. Við erum eigi að síður að
horfa lengra ý'ram í tímann og
hyggja að þátttöku í fleiri verkefn-
um erlendis, án þess þó að geta nefnt
neitt ákveðið núna á þessari stundu."
Morgunblaðið/Golli
Við vefsíðugerð, f.v., Guðlaugur Ingi Hauksson, Frosti Jónsson, Jón Orvar Jónsson og
Gísli Þór Gislason.
Starfsfólk Streymis efh. F.v.: Jörundur Rafn Arnarson, Guðrún Margrét Salómonsdóttir, Magn-
ús Einarsson, Gísli Þór Gíslason, Magnús Blöndal, Jón Örvar Jónsson ( sitjandi), Guðlaugur Ingi
Hauksson og Frosti Jónsson.