Alþýðublaðið - 27.09.1959, Blaðsíða 9

Athugasemdir flugmálastjóra og
flugvallarstjóra á Keflavíkurvelli
24. september 1959.
Vegna mikilla blaðaskrifa,
sem spunnizt hafa út af atburði
þeim, er gerðist á Keflavíkur-
flugvelli hinn 6. september s.
1., er einkennisklæddir starfs-
menn flugmálastjórnarinnar
voru beittir ofbeldi, er þeir
voru að gegna skyldustörfum,
þykir mér rétt að taka fram
eftirfarandi:
'S'unnudagsmorguninn hinn
6. september var ég staddur á
Keflavíkurflugvelli vegna nauð
synlegra afskipta minna af
þýzkri Skymasterflugvél, sem
hafði laskazt allmikið í lend-
ingu þar á vellinum aðfaranótt
föstudagsins 4. september.
Hafði flugstjórinn krafizt flug-
taksheimildar að aflokinni við-
gerð og iiltölulega takmark-
aðri skoðun, en ég hafði synj-
að um slíkt leyfi fyrr en fyrir
lægi skýlaus yfirlýsing þýzkra
flugmálayfirvalda um, að þau
tækju á sig alla ábyrgð á flugi
hinnar þýzku flugvélar vestur
um hafið, þar eð ég taldi skoð-
un þá, sem fram hafði farið á
flugveilinum, ófullnægjandi.
Var flugvélin auk þess mjög
hlaðin, hafði innanborðs 82
farþega, nær eingöngu konur
og börn.
Hafði þýzki flugmálastjórinn
fengið símsenda skýrslu um
málið og beið ég því umsagnar
hans.
Er ég hafði lokið afgreiðslu
þessa máls þar syðra, bárust
mér þær" fréttir frá vaktstjóra
flugvélaafgreiðslu flugmála-
stjórnarinnar, að starfsmenn
hennar hefðu verið beittir of-
beldi af amerískum herlög-
reglumönnum, að viðbættum
þeim upplýsingum, að allt hafi
logað í slagsmálum í flugstöð-
inni milli drukkinna hermanna
þá um nóttina og hefði það að
sjálfsögðu verið til mikilla ó-
þæginda fyrir hinn mikla fjölda
farþega hinnar þýzku flugvél-
ar, sem þar voru að reyna að
sofa í stólum og á bekkjum.
Ég spurði strax, hvorf ís-
lenzka lögreglan hefði haft af-
skipti af málum þessum og var
mér tjáð, að svo hefði verið,
enda taldi ég það staðfest í bók-
un þeirri, er ég las þá um morg-
uninn, og sem ég leyfi mér að
birta hér orðrétta.
„Sá atburður skeði hér um
miðnætti, er aðstoðarmaður og
flugþjónustumaður fóru áleiðis
að flugvél CDL, sem var inni
í flugskýli (B36) ásamt flug-
stjórum vélarinnar, og voru
þeir komnir langleiðina að
skýlinu, er varðmaður (AP)
skipaði þeim frá farartækjum
sínum með byssu, sem miðað
var á þá og þvínæst að leggjast
ó magann á flugvélastæðið með
hendur út og sundurglennta
fingur og að þegja. Þannig
urðu þeir að liggja góðan tíma
eða þangað til einhver Sergeant
frá AP frelsaði þá. Það skal
tekið fram, að allan tímann
var otað að þeim byssu. Svipað
atvik kom fyrir flugvirkja flug
málastjórnarinnar og kærði
hann atvikið fyrir lögreglunni.
Nauðsynlegt er, að tekin sé ná-
kvæmari skýrsla um atburð
þennan og hann kærður til
ráðuneytisins“.
Ég vil taka það fram, að
enda þótt ég hafi um tveggja
ára bil haft lítil sem engin af-
skipti af daglegum rekstri
Keflavíkurflugvallar af ástæð-
um, sem ég tel ekki ástæðu til
að greina að sinni, taldi ég at-
vik þessi þó svo alvarlegs eðlis,
að ég hlaut að láta þau tafar-
laust til mín taka, þar eð þau
vörðuðu öryggi starfsmanna ís-
lenzku flugmálastjórnarinnar
auk þess, sem einkennisbúning-
ur íslenzka ríkisins hafði verið
svívirtur. Ég gerði því sam-
stundis boð fyrir yfirmann
bandaríska flughersins hér á
landi og bað hann að koma
strax til fundar við mig í skrif-
stofu flugmálastjórnarinnar á
Keflavíkurflugvelli og það enda
þótt sunnudagur væri og fyrir
venjulegan fótaferðatíma.
Yfirmaðurinn kom að vörmu
spori og þó ég vilji ekki þreyta
almenning á því að skýra frá
því, sem okkur fór á milli, vil
ég geta þess, að yfirmaður
flughersins lét strax að af-
loknu þessu samtali okkar
gera ýmsar ráðstafanir, er til
þess voru fallnar að auka starfs
öryggi íslenzku flugþjónust-
unnar auk þess, sem hann lof-
aði að láta tafarlaust fara fram
hina nákvæmustu rannsókn á
atburðum næturinnar og skyldi
hinum seku eins þunglega refs-
að og tilefni gæfist frekast til.
Þá um kvöldið lét yfirmaður-
inn banna öllum hermönnum
aðgang að hótelinu og flug-
stöðvarbyggingunni og var að
því hin mesta bót. Er þetta
bann enn í fullu gildi.
Að afloknu samtali okkar
skýrði ég flugvallarstjóranum
á Keflavíkurflugvelli, Pétri
Guðmundssyni, þá samstundis
nákvæmlega frá því, sem ég
hafði aðhafzt í málinu og sýndi
honum bókun þá, sem gerð
hafði verið um mál þetta þá
um nóttina. Taldi ég þar með
lokið afskiptum mínum af máli
þessu í bili eða þar til fyrir
lægi tæmandi skýrsla um mál-
ið, en ég hef ekki orðið þess
var á tveggja áratuga embætt-
isferli mínum, þar af nær átta
ár sem lögreglustjóri, að mál
væru kærð til ráðherra eða
ráðuneytis án þess að nauðsyn-
leg rannsókn færi fram áður.
Hins vegar hefði með réttu
mátt saka mig um frumhlaup
og embættisafglöp, ef ég hefði
kært málið til ráðuneytisins
eða utanríkisráðherra án þess
að það lægi ljóst fyrir í heild
og öll atvik væru kunn, en ég
var, eins og að framan getur
og af augljósum ástæðum aldr-
ei í neinum vafa um, að ís,-
lenzka lögreglan hefði þá þegar
fengið málið til meðferðar og
hafið í því rannsókn.
Ég tel mig því fyllilega hafa
gert skyldu mína í umræddu
máli og myndi fara eins að, ef
svipað mál kæmi fyrir aftur.
Mér þykir leitt av hafa ekki
átt þess kost að gera grein fyr-
ir atviki þessu fyrr, en ég var
staddur erlends á fundi flug-
málastjóra Evrópu, er blaða-
skrif hófust út af málinu.
Með þökk fyrir birtinguna,
Agnar Kofoed-Hansen.
Athugasemd frá flugvallar-
stjóranum á Keflavíkurflug-
velli við ofanritaða greinar-
gerð flugmálastjóra:
— Hvað snertir það, sem fór
milli mín og flugmálastjóra í
samband við atburðinn á Kefla
víkurflugvelli þann 6. þ. m. vil
ég taka það fram, að það eina
sem flugmálastjóri fór fram á
að ég aðhefðist í máli þessu var
það að ég kæmi á fund með
honum og yfirmanni flughers-
ins daginn eftir, en á fundi
þessum átti að fjalla um fram-
angreinda atburði. Af orsökum,
sem mér eru ókunnar, var
fundur þessi aldrei haldinn.
Pétur Guðmundsson.
Jafnan fyrirliggjandi
í flesta
ameríska, enska
og þýzka bíla:
Kveikjulok
Kveikjuhamrar
Platínur
Þétíar
Bremsugúmmí
Dynamókol
Startarakol
Couplingsdiskar
Ljósasamlokur 6 og
12 volta
Hurðargummí
Kistuloksgúmmí
Vatnslásar
Hoodbarkar
Innsogsbarkar
Benzíndælur
Benzínbarkar
Olíuboltar
Slitboltar
Fjaðra- og strekkjara-
gúmmí
Amerískir handlampar
Bremsudælur- og slöngur
Olíu-, tank- og
\Tatnskassalok
Benzínstig
Bremsuhnoð — allar
stærðir
Geyma- og jarðsambönd
og fjöldi annarra
varahluta.
Laugavegi 103.
Sími 24033.
MELAVÖLLUR
Haustmót meistaraflokks
1 dag kl. 2 leika
Valur — Yf kingiir
Dómari- Baldur Þórðarson.
Línuverðir: Magnús Pétursson — Baldvin Ársælsson.
Strax á eftir leika
Fram — K.R.
Dómari: Einar Hjartarson.
Línuverðir: Ingi Eyvinds — Sigurður Ólafsson.
Mótanefndin.
Bifvélavirkja
eða menn vana bifreiðaviðgerðum vantar
oklcur nú þegar, eða sem fyrst.
FORD-umboðið
Kr, fCrist|ásisson Hf,
Suðurlandsbraut 2. — Sími 3 5300.
Opnutn í fyrramáEið
Slálur og kjölmarkað
Seljum:
Dilkaslátur
Dilkasvið
Dilkalifur, hjörtu og nýru
Vambir, hreinsaðar
Mör
Dilkakjöt í heilum kroppum
Slátur og kjötílát
Siáfur og kjötmarkaður SÍS,
við Laugarnesveg
í Þjóðleikhúsinu miðvikud. 30. sept. kl. 20,30.
Einleikur á píanó: Mikail Voskresenskí.
Einsöngur: Ljúdmila Isaéva, sópran.
Einleikur á fiðlu: ígor Politkovskí.
Undirleikari: Taisia Merkulova.
Aðgöngumiðasala í Þjóðleikhúsinu frá kl. 13,15 á mánudag, þriðju-
dag og miðvikudag.
Alþýðublaðið — 27. sept. 1959 0