Skírnir - 01.01.1888, Qupperneq 22

24
ENGLAND.
og ræður voru haldnar á 16 stöðum í senn. Gladstone var ekki
viðstaddur, en konu hans sáu fundarmenn á gluggasvölum á
leiðinni til Hyde Park og heilsuðu henni með fagnaðarópum.
Fundarályktun gegn frumvarpinu var samþykkt og dreginn upp
svartur fáni við neikvæðin og hvítur við jákvæðin. Hinn 18.
dag aprilm. bar Times upp á Parnell, að hann hefði verið í
vitorði með morðingjunum, sem myrtu Cavendish lávarð og
Bourke 6. maí 1882 i Dýflinni. Um leið birti Times eptirrit
af bréfi frá Parnell til Egans nokkurs, sem átti að vera ritað
af skrifara Parnells en nafn hans með hendi hans undir. I
þessu bréfi afsakar Parnell að hann hafi farið hörðum orðum
um vígin opinberlega, því þau séu mesta þarfaverk. Parnell
lýsti yfir á þingi samdægurs, að bréfið væri falsað. Konungur
hinnar grænu eyjar, sem hann er kallaður, hefði líka orðið að
vera mikill græningi, ef hann hefði trúað öðrum en sjálfum sér
fyrir að skrifa svo hættulegt bréf. Eptir því sem næst verður
komizt, hefur Times keypt mann, sem var skrifari Parnells
1882, til að búa þetta til. Times fór nú að birta ýmislegt úr
launkofum Ira um leynifélög þeirra og var margt af því ófag-
urt. Dillon, einn af þingskörungum íra, sagði á þingi, að rit-
stjórn Times væri lygarar, en Times borgaði Dillon það með
rentum næsta dag og nefndi hann enn verri nöfnum. Stjórnar-
sinnar á þingi felldu tillögu um, að þing ákærði Times og líka
tillögu frá Gladstone um, að setja nefnd í málið til að rann-
saka það. Irar versnuðu nú um allan helming. Seinasti fundur
fyrir hvítasunnufríið endaði kl. 5 um morguninn og hafði staðið
í 13 klukkustundir. Nú fréttist að þingin i Canada og Nýja-
Skotlandi og þing i mörgum af Bandafylkjunum og margir
fundir hefðu lýst yfir óánægju yfir hinu írska glæpafrumvarpi.
Ritstjóri blaðsins United Ireland, O’Brien (Brjánn), ferðaðist nú
fyrst um Bandafylkin, síðan um Canada og talaði máli íra. í
Canada sagði hann frá, við hve bág kjör landsetar á jörðum
Lansdownes Canadajarls á írlandi ætti að búa og var þá tekið
móti honum með grjótkasti í sumum bæjum. I hvítasunnufrí-
inu ferðaðist Gladstone um Wales. f>ar var hann borinn á
höndum fólksins og hefur ekki farið aðra eins sigurför síðan