Skírnir - 01.01.1889, Qupperneq 18

20
FRIÐUR EÐA ÓFRIÐUR.
munir þeirra væru ekki óhultir á henni. Nokkur hluti þing-
manna lýsti seinna yfir, að þeir væru ekki Tisza samdóma.
Hin franska stjórn tók þetta óstinnt upp og utanríkisráðgjafi
Austurríkis og Ungverjalands varð að afsaka það við hana.
Frökkum sárnar, að Italia skuli vera í fjandaflokki þeirra.
Margur hraustur franskur drengur lét líf sitt 1859 til að bjarga
Italíu úr klóm Austurríkis. f>ess vegna eru Frakkar mjög hör-
undsárir, sem von er, við ítali. í byrjun ársins lét ítalskur em-
bættismaður taka með valdi skjöl hjá hinum franska konsúl i
Flórens. Auðmaður frá Túnis dó í þessum bæ, og af því
það land er undir vernd Frakka, tók konsúll til sín skjöl hans.
Eptir miklar bréfaskriptir og langar og harðar rimmur i blöð-
unum, var málið jafnað þannig, að embættismanninum var
veitt embætti í öðrum bæ, en ítalir héldu skjölunum og arfinum,
sem var um 3 miliónir. það var mest að þakka stiliingu og
hægð hins franska utanrikisráðgjafa sem þá var, Flourens, að
báðir létu undan og þetta varð ekki að ófriðarefni.
ítaiir hafa slegið eign sinni á Massovah við rauða hafið.
Nú heimta þeir að Frakkar, sem þar búa, hlýði sér, en áður
hafa þeir hlýtt hinum franska konsúl í borginni. Frakkar
kváðu þetta vera ólög, því Italir hefðu ekki tilkynnt sér, að þau
lög sem áður giltu þar i landi, væru úr lögum numin. Crispi
og Goblet, utanrikisráðgjafi Frakka, skrifuðust á hvert bréfið á
fætur öðru útaf þessu og deilan harðnaði dag af degi. Crispi
var ósvifinn i orðum, en Gobiet hógvær. Flest stórveldin voru
með ítölum en Rússar og Tyrkir voru á máli Frakka. Crispi
brá sér til Friedrichsruhe 21. ágúst að hitta Bismarck, sem
tók honum forkunnar vel, og gekk stundum saman með hon-
um. Crispi fór þaðan 23. ágúst og hitti Kálnoky'), utanríkis-
ráðgjafa Austurrikiskeisara, á leiðinni suðureptir i Eger 26.
ágúst. Enginn veit hvað þeir hafa talað, en nokkuð er það,
að Crispi var miklu hógværari eptir þessa ferð. Massovah-málið
féil niður eptir þetta. En Kálnoky fór i miðjum september-
mánuði til Friedrichsruhe að tala viðBismarck; Bismarck þurfti
ekki að hasta á hann eins og Crispi þvi Kálnoky er einstakur
stillingarmaður.
') Komman yfir a í Kál merkir að áherzlan liggur á þeirri samstöfu.