Skírnir - 01.01.1906, Page 31

Skirnir.
í'erðaþættir frá Bretlandi.
31
6000 merkur silfurs og síðan hefir hún að öllu staðið
undir Englandskonungi. Á 14. 15. og 16. öld gjörðu
Frakkar oft strandhögg, rændu og rupluðu, brendu borgir
og drápu fólkið, en gátu aldrei náð föstu haldi á eynni,
eyjarskeggjar ráku þá jafnan af höndum sér. Karl I.
konungur sat alllengi í varðhaldi á Carisbrooke kastala,
norðan til á miðri eynni, áður hann var tekinn af lífi.
Árið 1845 keypti Victoria drotning búgarðinn Osborne nyrzt
á Wight, lét byggja þar stóra sumarhöll; bjó hún þar oft
með Albert manni sínum og þar andaðist hún 22. janúar
1901. Dóttir Victoríu, Beatrice prinsessa af Battenberg,
býr nú á Osborne og er landshöfðingi yflr Isle of Wight,
en það mun nú víst reyndar vera titillinn tómur.
I vor eð var (1905) dvöldum við hjónin rúman mánuð
á Isle of Wight í bæ þeim vestan til á eynni, sem heitir
Freshwater, fórum þangað beina leið frá London. Tvær
aðalleiðir liggja til eyjarinnar frá London, önnur að austan
um Portsmouth eða Southampton, hin að vestan urn Lyming-
ton; er hún töluvert styttri og sjóleiðin þar örstutt; þá leið fór-
um við. Þá er farið frá Waterloo Station í London um Basing-
stoke, Winchester og Southampton til Lymington. Liggur leið-
in um akra og engi og um öldumyndaðar hæðir (Downs) og er
þar alstaðar krít og kalk undir jarðvegi. Suður-England er
vinalegra og blómlegra að sjá en ýmsir aðrir hlutar
landsins, þar eru hvorki kol né málmnámur og fáar verk-
smiðjur, hinn frjósami jarðvegur fær að vera í friði og
framleiðir korn og aldini, loftið er léttara og hreinna,
því enginn verksmiðjureykur grúflr þar yflr bygðunum.
Mannamorið, sem lifir og starfar í hinum stóru iðnaðar-
bæjum á Mið-Englandi með hvíldarlausum ákafa, þarf að
létta sér upp tímakorn á sumrin og þvo af sér sótið og
rykið, þá streymir líka fólksfjöldinn i miklum elfum um
járnbrauta-æðarnar niður til hinna mörgu baðstaða á
suðurströndu Englands, til Isle of Wight og til Kanaleyja.
Það er þó nátturlega aðeins miðstéttin og efnaðra fólkið
sem komist getur, vinnulýðurinn flestur verður hér sem
annarstaðar að sitja heima i sumarhitunum með hálf-