Skírnir - 01.01.1906, Qupperneq 48

4á Ferðaþættir frá Bretlandi. Skirnir.
loksins var korain upp og hann sjálfur fékk klapp og
brauðbita.
I litlum bæ, sem heitir Sliide, nærri Newport, býr
enskur vísindamaður, sem heitir Jolin Milne, frægur
fyrir jarðskjálftarannsóknir. Eg hafði áður haft nokkur
bréfaskifti við hann, og vorum við eitt sinn boðin þangað,
meðan við vorum í Freshwater. John Milne er fæddur í
Liverpool 1850 og stundaði jarðfræði og námufræði i
London; á ungum aldri kom hann íslands með Watts
Vatnajökulsfara, en síðar ferðaðist hann víðsvegar um
heim; hann fór rannsóknarferðir til Newfoundland og
Labrador, um Bandaríki og svo til Arabíu, þá fór hann
landveg um Rússland og Síberíu austur í Mongolí og Kína,
þaðan fór hann til Koreu, Filippseyja, Borneo og Astralíu.
Loks settist hann að í Japan og var í þjónustu Japans-
stjórnar í 20 ár, var háskólakennari í Tokio og kom á
stofn jarðskjálftarannsóknum um allan Japan, svo að þar
eru nú 968 athugunarstöðvar með nákvæmum verkfærum;
landskjálfta-athuganir í Japan bera nú langt af öllum
þeim, sem eru annarstaðar gjörðar. John Milne hefir með
miklu hugviti fundið upp margskonar nákvæm verkfæri
og hefir á seinni árum með allgóðum árangri verið að
berjast við að fá ensku stjórnina til þess að stofna til
jarðskjálfta-rannsókna í hinu viðienda brezka nýlenduríki.
Það þarf alstaðar þungan róður til þess að fá stjórn og
þing til þess að styðja ný vísindaleg fyrirtæki, valdhafarnir
skilja þau sjaldan fyrr en þau fara beinlínis að hafa
þýðingu fyrir munn og maga. Við íbúðarhús sitt í Shide
hefir John Milne bygt rannsóknahús með mörgum merki-
legum verkfærum, sem hann sýndi okkur; það yrði langt
og örðugt að lýsa þeim, en svo mikið má segja, að verk-
færin sjálf finna og rita upp hvern lítinn jarðskjálftatitring,
sem verður á staðnum og í nálægum löndum, og eins hina
harðari kippi, sem verða um heim allan; meðal annars
sýndu verkfærin nákvæmlega landskjálftakippi þá, sem
urðu á íslandi í fyrra. John Milne er þrekinn maður og
fi'emur lágvaxinn, vingjarnlegur, ræðinn og skemtilegur,