Skírnir - 01.01.1906, Síða 96

'96
Erlend tíðindi
Skírnir.
skapa um mál Marokkóríkis, hins hálfsiðaða kostalands sunnan
Njörvasunda, er þeim hefir leikið mikill hugur á til nytja og við-
skifta öðrum fremur, Frökkum og Þjóðverjum. Marokkokeisari á
og fulltrúa á fundinum, og Spánarkonungur annan. Frakkar höfðu
hreiðrað sig þar, í Marokko, í góðu næði, með ráði Breta, og létu það í
móti koma, að þeir sögðu sig alsátta á umráð Breta yfir Egiptalandi.
Það sveið Þjóðverjum. Þeir eiga þröngbylt heima fyrir. Þeim fjölg-
ar svo ört. Þeir afla sér selstöðu hvar sem þeir geta. En eiga
þar örðugt uppdráttar. Þar situr örn fyrir á hverju nesi, er þeir
ihyggja á bráð, víðast með brezku fangamarki, en stundum frönsku.
Vilhjálmur keisari brá sór í fyrra vor suður í Marokko upp úr
þurru, leitaði vináttumála við soldán og bað hann engum þola
neina ásælni, en gera öllum þjóðum jafnan kost á viðskiftum. Sú
hlutsemi líkaði Frökkum afarilla og hélt við ófriði þeirra í milli.
En þá höfðu Frakkar og Bretar bundið sór vináttumál nýverið.
Það réðst úr, að leggja skyldi málið fyrir stórveldafund.
Rússland. Svo var komið um áramótin, að kæft hafði
stjórnin að miklu í svip byltingarbálið í stórborgunum, með óskap-
legri harðneskju og grimd. En mjög lifði enn í kolum út um land,
einkum í Eystrasaltslöndum.
Bíkisþinginu nýja hefir verið stefnt til fundar 10. maí. Finn-
lendingar gengu á þing laust fyrir jól. Þar fer nú alt skaplega.
Ungverjaland eru helzt horfur á að klofna muni frá
heimaríki keisarans, Austurríki, að dæmi Norvegs í fyrra. Þar hef-
ir engu lagi orðið komið á stjórn missirum saman. Keisari lét
rjúfa þar þing nýlega með hervaldi.
Jan. 8. Þingrof á Englandi. Kosið 12. til 27. 16. Marokko-
fundurinn hefst. 17. Falliéres ríkisforseti á Frakkl. 29.
Kristján IX. deyr; Friðrik VIII. konungur.
Febr. 17 GiftistAliee Roosevelt forsetadóttir. 18. Útför Kr. IX.
19. Játvarður konungur helgar þingið nýkjörna. Þingslit á
Ungverjalandi meðhervaldi. 27. Vilhjálmur keisari giftir
annan son sinn, Eitel Friðrik, á silfurbrúðkaupsdegi sínum.
Marz 2. Mannskaðaveður gerir mikið tjón á norskum fiskibátum
fyrir Naumudal og banar 50 manns af 1200—1400 á sjó þar.
7. Kouviers ráðaneyti frá völdum á Frakklandi; við tekur
Sarrien. 10. Um 1200 manna týnast í kolanámusprengingu
í Courriéres á Frakklandi. B. J.