Skírnir - 01.01.1910, Blaðsíða 75
Um loftfarir.
7ö
sem báru svörin heim, því að engu loftfarinu varð stýrt
svo, að það næði til borgarinnar aftur.
Þessi reynsla rak ekki einungis Frakka til þess að
halda því við, sem þeir höfðu kunnað, heldur og aðrar
þjóðir til þess að læra og keppast við þá. Þar voru Þjóð-
verjar fremstir í flokki og helztu menn þeirra á því sviði
voru þeir Parseval og Bartsch v. Sigsfeld. Nú leggja allar
hernaðarþjóðir heimsins hina mestu stund á lofthernaðinn
og búast við að mest verði undir honum komið framvegis.
Auk þessa hafa menn oft og víða lagt stund á loft-
ferðaíþróttina sér til skemtunar og kepst hver við arnan
í því að komast sem hæst, lengst, eða næst einhverjum
vissum áfangastað, eða í þvi að halda sér sem lengst á
lofti, og hafa Frakkar löngum verið einna snjallastir í
þessu. Oft hafa verið farnar allmiklar frægðarfarir, og
glæfrafarir um leið, á þessum loftförum, meðan þau voru
þó allófullkomin. Þannig fór de la Vaulx greifl frá París
til Rússlands, 1925 rastir á 353/4 klst. Annar maður, sem
Ziegler hét, fór frá Ágsborg til Rúmeníu, og komst þá stund-
um 180 rastir á klst. Þá hafa menn og hætt sér langa
leið yfir sjó og nokkra hina mestu fjallgarða, svo sem
Alpafjöllin. Til slíkra ferða má telja för þeirra André’s,
Strindbergs og Fránkels. Þeir ætluðu, svo sem kunnugt
er, að ná norðurheimsskautinu á loftskipi, en týndust allir.
Því fór fjarri, að aðrir loftfarar létu þá hrakför á sig
fá, enda eru loftför með gamla laginu alltíð til slíkra ferða
enn í dag.
Svo sem áður var sagt, stóðu loftsiglingarnar að miklu
leyti í stað meðan eigi var unt að stýra loftförunum. Þeg-
ar mönnum var orðið þetta ljóst, snerust tilraunirnar aðal-
lega í þá átt, að reyna að flnna einhver ráð til þessa.
Þótt flestar af tilraunum þessum yrðu árangurslausar, stigu
menn þó ýms spor í rétta átt meðan þeir voru að glima
við þetta. Fyrst voru belgirnir kúlumyndaðir, eða líkt og
gulrófa í laginu, og vissi mjórri endinn niður. Nú var
farið að hafa þá aflanga og lárétta, til þess að þeir klyfu
betur loftið. Á þessu byrjaði Guyot þegar árið 1784.