Skírnir - 01.04.1910, Blaðsíða 94

190
Frá átlöndum.
er orðinn prinz af Wales, heitir Edvard (Játvarður) Albert Ofr er
fædduv 1894.
Fjárniálaþvætan mikla á Englandi, sem frá er skyrt í síðasta
hefti Skírnis, er enn óútkljáð. En talað er nú um samkomulag og
sættir milli þingflokkanna um það mál, hvað sem úr því verður
Líkindin reyndar ekki mikil til þess, að úr því verði jafnað á
þann hátt.
Jarðarför Játvarðar konungs fór fram 20. maí með mjög mik
illi viðhófn. og voru þar við staddir flestir konuugar og þjóðhöfð-
ingjar Norðuralt'unnar, auk ymsra annara lengra að. Þar var Vil-
hjálmur Þyzkalandskeisari, Friðrik Danakonungur, Hákon Noregs-
konungur, Georg Grikkjakonungur, Alfons Spánarkonungur, Ferdinand
Búlgaríukonungur, Manúel Portúgalskonungur, Albert Belgíukon-
ungur, Krónprins Tyrkja, Fashimi prinz frá Japan, Franz Ferdínand
erkihertogi af Austurríki, Michael Alexandrowisch stórfursti frá
Rússlandi, hertoginn af Aosta o. s. frv. Fyrit hönd Bandaríkja-
stjórnar var þar Roosevelt fyrv. forseti.
Ferðalag Roosevelts.
Theodor Roosevelt, fyrv. forseti Bandamanna, hefir dvalið síð-
an í fyrra sumar inni í Mið-Afríku, í Kongólandinu, og átt þar í
höggi við allskonar villidyr. Hafa miklar sögur gengið af veiði-
ferðum hans þar, og bráðlegu er von á ferðasögu frá honum. í
apríl í vor kom hann úr þeirri för norður til Evrópu, stó fyrst á
land í Neapel og var tekið ]>.ir með miklum fögnuði. Voru þar
komnir blaðamenn úr flestum löndum Evrópu til þess að skýra
frá ferðum hans, því það var kunnugt, að hann ætlaði að ferðast
víða um Norðurálfuna. Sórstaklega var þó förinni heitið til Krist-
janíu, því þar hafði hann boðað, að hann ætlaði að flytja ræðu til
þakklætis fyrir veitingu friðarverðlauna Nobelssjóðsins, er norska
stórþingið dæmdi honum fyrir nokkrum árum vegna hluttöku hans
í því, að koma sáttum á milli Rússa og Japana.
Roosevelt hólt svo norður á bóginn og fyrst til Rómaborgar.
Meðan hann dvaldi þar flugu um öll blöð sögur um sundurlyndi,
sem varð milli hans og páfans. Roosevelt ætlaði að heimsækja páfa
í Vatíkaninu, en páfi setti þau skilyrði fyrir móttökunni, að Roose-
velt heimsækti þá ekki meþódistasöfnuð Bandamanna í Róm, en
það er trúbræðraflokkur Roosevelts og hafði átt í erjum við páfa.
Roosevelt gerði þau boð á móti, að hann byndi sig ekki neinum
skilyrðum og varð svo ekkert af heimsókninni í páfagarði. En