Árbók Hins íslenzka fornleifafélags - 01.01.1912, Síða 21
21
sem það þó að öðru leyti ekki vildi sinna; veitti þingið 500 kr. á
ári. Sigurður Vigfússon safnaði á ferðum sínum miklu af gripum
eða upplýsingum um þá og sá þegar, að safnið varð að hafa miklu
meira fé til gripakaupa, ef að verulegu gagni ætti að verða og nauð-
syn bar til, svo að ekki gengi því meira af góðum gripum út úr
landinu. Hann sótti því um að fá þessa fjárveitingu hækkaða um
helming á þinginu 1885, en ekki vildi þingið þó þá þegar ganga
svo langt, enda þótt tillaga kæmi fram um það i þinginu, heldur
lét það nægja að auka fjárveitinguna um 200 kr., og var tekið fram,
að þessar 700 kr. væru til gripakaupa »og áhalda«. En næsta þing
bætti einnig úr skák í þessu efni og veitti eftir tillögu fjárlaga-
nefndarinnar í neðri deild 1000 kr. »til að útvega forngripi*; auð-
vitað var þetta gert eftir beiðni forstöðumanns safnsins; þingið
kunni að meta orð hans og störf svo mikið, að það sá að óhætt var
að fela honum meðferð nokkurra hundraða króna til þess að auka
og bæta þá stofnun, er meira og meira varð þjóðinni til sóma. Þessa
fjárveitingu fékk safnið síðan í 24 ár (1888—1911).
Fyrir umsjónina veitti alþingi ætíð 200 kr. á ári hvort áranna
1882—91. Á þinginu 1891 kom fram bæn frá Sigurði Vigfússyni
um að þessi þóknun yrði hækkuð upp í 500 kr. Þingið lét nægja
að hækka hana þá um helming og veitti 400 kr. hvort árið 1892
—93; en þessa fjár naut Sigurður lítt, hann andaðist úr lungnabólgu
8. júlí 1892. Hafði hann þá verið einn forstöðumaður safnsins ÍOl/3
ár og formaður Fornleifafélagsins síðustu 5 árin.
Sem framhald af skýrslunni hér að framan um vöxt Forngripa-
safnsins fyrstu 19 árin sýnir eftirfylgjandi skýrsla vöxt þess þau
ár, sem það var undir hinni ötulu stjórn Sigurðar fornfræðings
Vigfússonar: Gripir fengnir Keyptir Sam- Tala gripa
okeypis gripir tals við árslok
1882 89 42 131 2173
1883 2721) 38 310 2483
1884 43 70 113 2596
1885 58 76 134 2730
1886 68 90 158 2888
1887 39 71 110 2998
1888 40 150 190 3188
1889 51 129 180 3368
1890 50 103 153 3521
1891 37 72 109 3630
1892 50 110 160 3790
‘) Þar á 797 meðal 177 mvntir, 951 af 249 myntnm, iknar inn i tölurö 1748 sem Hilmar Finsen gaf safninu
þaö ár, og sem hafa verið flestar t( ð safnsins.