Árbók Hins íslenzka fornleifafélags - 01.01.1912, Síða 28

28
Engin skýrsla mun nú til vera um hversu margir hafa skoðað safnið
á þessum árum og er óvíst hvort hún hefir gerð verið nokkru sinni.
5. 5afniQ undir umsjón Pálma Pálssonar.
Safninu raðað á ný. — Reglu komið á tölumerkingu.
Þegar Sigurður Vigfússon féll frá, skipuðu stiftsyfirvöldin sam-
dægurs Pálma Pálsson kennara til þess að hafa á hendi umsjón
Forngripasafnsins. Kom það brátt fram, að sú ráðstöfun var einkar
heppileg fyrir safnið, og mun hafa verið torvelt að finna hæfari
mann til þess starfa einkanlega eins og þá stóð á, svo sem bráðum
skal gjörð grein fyrir. **
Þegar Sigurður Vígfússon raðaði safninu í húsakynnunum á al-
þingishússloftinu munu þau hafa verið nægileg fyrir safnið, ekki
stærra en það var orðið þá. En þegar þess er gætt hversu ákaf-
lega safnið hafði auðgast að góðum gripum í tíð Sigurðar Vigfús-
sonar, góðum gripum, sem nauðsynlegt var að sýna á safninu, og
stórurn gripum, sem mikið rúm þurftu, ef vel skyldi fara, þá mun
öllum verða ljóst, hversu allsendis ónóg þessi húsakynni hafa verið
orðin er Sigurður féll frá, og vist. löngu fyr. Þegar Pálmi Pálsson
tók við umsjón safnsins var þess vegna ástand þess að þessu og að
ýmsu öðru leyti ekki gott, svo sem hann og skýrði landshöfðingja
frá. með bréfi í ársbyrjun 1893.
Þess var áður getið, að Bókmentafélagið gaf út byrjun á fram-
haldsskýrslu þeirri um Forngripasafnið, sem Sigurður Vigfússon hafði
samið, og sem til stóð að félagið gæfi út, en ekkert varð þá úr, og
mun handrit Sigurðar hafa glatast. Sigurður gerði skýrslu um alla
þá gripi er safninu bættust í hans tíð, frá og með byrjun ársins
1882. Prentaða skýrslan náði fram til miðs árs 1876, og er Pálmi
tók við safninu, varð hann þess brátt vísari, að í þess vörslum var
alls engin góð skýrsla til um viðbót við safnið á tímabilinu frá
miðju ári 1876 til ársbyrjunar 1882, og taldist honum þó svo til, að
á þeim árum myndu safninu hafa bæzt um 1000 gripir. Skýrslu þá
er Sigurður Vigfússon virðist hafa samið um þetta tímabil og að
líkindum sent Bókmentafélaginu, hefir Pálmi eigi fundið í fórum
safnsins og mun hafa verið ókunnugt ura að Sigurður hafi gert nokkra
skýrslu með gripalýsingum yfir þessi ár. í áðurnefndri dagbók safnsins
er stuttleg upptalning þeirra gripa, er við höfðu bæzt til loka júlí-
mánaðar 1877, og brot er til af skýrslu yfir viðbótina 1880 eftir Sigurð