Árbók Hins íslenzka fornleifafélags - 01.01.1951, Blaðsíða 43
47
þetta hefur verkað. Tvær fundust í gólfi 33, ein í gólfi 20 (276, 427,
465).
Nafar af gerðinni Rygh 418, 14,5 sm að lengd, lítið eitt brotið
framan af. Alþekkt víkingaaldarlag. Fannst á sama stað og öxin hér
á eftir, og gæti hvort tveggja staðið í sambandi við smiðjugólfið 38
(773).
Klippur með hinu forna og alþekkta sauðaklippulagi, Rygh 443,
15 sm að lengd. Fannst í gólfi 49 og er eflaust frá mjög fornum
tíma (862).
Öxi (20. mynd). I moldunum fyrir miðjum norðurbakka rann-
sóknarsvæðisins fannst öxi úr járni, 10,5 sm að lengd, 6 sm milli
20. mynd. — Öxi með víkingaaldarlagi.
— Axe of Viking type.
hyrna, eggin dálítið skökk oddar áberandi niður frá auga, en fremur
kollóttir upp frá auga. Fallega löguð og að öllu leyti hreinræktuð
víkingaaldargerð, K-gerð, Jan Petersen: De norske vikingesverd, bls.
44, mynd 42, 10. aldar gerð. Fannst á -7-170, og þótt ekki sé dýpra,
fundust fleiri fornlegir hlutir í námunda við hana (774).
Hlutir úr bronsi:
Mjög víða í uppgreftinum fundust agnir af eir eða bronsi, enn
fremur stærri og smærri brot úr slíkum málmi, en engir heilir hlutir.
Sýnilegt er þó, að mikið af þessum leifum er úr bronskötlum eða
messingarpottum þunnslegnum, en ekki eru brotin nógu stór til þess
að unnt sé að greina lögun þeirra og stærð. Nefnandi er auk þessara
leifa laufmynda&ur þorn (augað brotið) úr koparhringju eins og t. d.
Þjms. 3245, 6418, 7519, sem Matthías Þórðarson telur ekki yngri
en frá 13. öld (Árbók 1914, bls. 77). Mun þessi tímasetning senni-