Árbók Hins íslenzka fornleifafélags - 01.01.1951, Blaðsíða 164

166
leggjast í auðn. Spunnust nokkrar umræður um örnefnasöfnunina,
en engar samþykktir voru gerðar.
Fleira gerðist ekki á fundinum, og er fundarbók hafði verið lesin
og samþykkt, var honum slitið.
II. Aðalfundur 1951.
Hann var haldinn í sýningarsal Þjóðminjasafnsins laugardaginn
24. nóvember, og hófst kl. 5 síðdegis.
Formaður setti fund og bauð fundarmenn velkomna. Gat hann
þess, að árbók félagsins fyrir árin 1949 og 1950 hefði ekki verið
komin út, er síðasti aðalfundur var haldinn, en hefði komið út snemma
á þessu ári og verið þegar send til allra félagsmanna.
Þá las formaður upp og lagði fram ársreikning félagsins fyrir síðast-
liðið ár, samþykktan og endurskoðaðan án nokkurra athugasemda.
Því næst las formaður upp nöfn nýrra félagsmanna. Þá var gengið
til kosninga og voru embættismenn félagsins allir endurkosnir. Sömu-
leiðis voru þeir 3 fulltrúar, sem úr áttu að ganga, allir endurkjörnir
í einu hljóði, þeir Guðni Jónsson, skólastjóri, Magnús Thorlacius
hæstaréttarlögmaður og Vigfús Guðmundsson.
Þá var samþykkt sú ályktun á fundinum, að hin lögákveðnu tillög
til félagsins skyldu greiðast samkvæmt gildandi vísitölu, svo sem og
hafði verið samþykkt á síðasta aðalfundi.
Svohljóðandi áskorun barst frá Þórarni Einarssyni:
,,Með því að kunnur íslenzkur fræðimaður, dr. Helgi P. Briem,
sendiherra, hefur í víðlesnu sænsku tímariti látið þá skoðun sína í
ljós, og reynt að færa sönnur á mál sitt, að hinn fyrsti dvalarstaður
Hrafna-Flóka hér á íslandi hafi verið við Vatnsfjörð í ísafjarðarsýslu,
en ekki við Vatnsfjörð á Barðaströnd, sem segir þó í flestum gerðum
Landnámu, vill fundurinn beina þeirri ósk til fornminjavarðar, að sem
fyrst verði látin fara fram ítarleg rannsókn á hinum fornu húsatóttum
við Brjánslæk, sem frá ómunatíð hafa verið nefndar Flókatóttir“.
Var þetta samþykkt af fundarmönnum.
Fleira gerðist ekki, og var fundi slitið, er fundarbók hafði verið
lesin og samþykkt.