Árbók Hins íslenzka fornleifafélags - 01.01.1954, Blaðsíða 5
9
garðs á austurbakka Geithúsagils uppi við brekkuna. Þar hafa síðar
verið byggð fjárhús. (Sjá Jb. og Árb. ’84—5 nr. 7.)
10. Selrúst á S elf it j u m . Á Selfitjum, sem eru vestan við
Selhöfða í Skriðufellsskógi, er gömul selrúst, óglögg og skógivaxin.
Hjá rústinni var Ólafur Bergsson frá Skriðufelli, sem lengi var
fjallkóngur Gnúpverja, jarðsettur í september 1944, en uppáhalds-
hestur hans hafði verið heygður á þessum stað 18 árum áður. Girð-
ing er umhverfis leiðið, og eru selrústirnar rétt utan við suðvestur-
horn girðingarinnar.
11. Áslákstunga fremri er á vesturbakka Sandár á há-
um rana, sem gengur fram af suðurmúla Áslákstungnafjalls (nú
nefnt Áslákstungur) gegnt Vegghömrum. Nánari lýsing ásamt upp-
drætti Árb. ’84—5, nr. 8. Þorsteinn Erlingsson mun eitthvað hafa
grafið í rústina 1895 (RST, bls. 61), en rústin var öll grafin upp
1939 (Fg). Þar er einnig greinileg afstöðumynd, sem auðvelt er að
finna rústina eftir.
12. Áslákstunga innri erí fjallsrótunum rétt við Sandá ör-
skammt fyrir innan Áslákstungnagilið (klettagil með fossi og skógar-
torfu á suðvesturbakka. Skógartorfan sést langar leiðir að). Nánari
lýsing og uppdráttur Árb. ’84—5, nr. 9. Þorsteinn Erlingsson og
Brynjúlfur Jónsson grófu bæjarrústina upp 1895 (skýrsla ásamt upp-
dráttum og ljósmyndum RST, bls. 30—42).
13. F agriskó gur er talinn meðal bæja í Þjórsárdal (Jb.).
Nú er þetta nafn almennt notað um allt fjallið milli Seljamýrar og
Sandár, frá Áslákstungnagili að Grjótá (þannig á uppdráttum her-
foringjaráðsins). Br. J. notar þetta nafn bæði um fjallið allt og eina
brekku austan í því (Árb. ’84—5, bls. 39 og 48, nr. 11).
Bæjarrústin (sem talin er vera) er á móbergsfláa í brekkurótun-
um austan við fjallið. Er þar stórt vik inn í hlíðina milli tveggja múla,
er ganga út úr fjallinu (fremst og innst) í áttina að Sandá, og er rúst-
in nálega mitt á milli múlanna. Ber þar mikið á aðfluttum stuðlabergs-
dröngum, sem liggja á dreif um brekkuna, en engin húsalögun er
sýnileg.
Hátt uppi í fjallinu, upp undan rústinni er stuðlaberg, en þó geta
drangarnir ekki hafa borizt hingað af náttúrunnar völdum.
14. Dys(?) hjá Fagraskógi. I brekkurótunum um 100 m
suðvestur frá síðastnefndri rúst fundum við í júnímánuði 1951 spjóts-