Árbók Hins íslenzka fornleifafélags - 01.01.1954, Blaðsíða 17
21
ekki sjást á uppdrætti Br. J. Þær eru allar mjög úr lagi færðar. Þorst.
Erl. gróf upp bæjarrústina 1895 og birtir uppdrætti af henni (RST,
bls. 42—46).
40. Rúst vi8 S tó rkonu gr óf. Stórkonugróf, einnig nefnd
Tröllkonugróf, er djúpt gil austan við Búrfellsháls. Efst við hana að
vestan gengur skriða þvert í gegnum skóginn. Svo sem 50 m sunnar
er lítið vik upp í skógartorfuna norðvestan grófarinnar. Fram í vikið
hefur hrunið grjót úr torfubakkanum, og sést enn á steina ofarlega í
honum. Hér hefur verið einhver bygging, og er þarna nokkuð af
rauðagjalli og viðarkolum. Mestar líkur eru til að bygging þessi sé nú
öll hrunin nema hluti af einum vegg, en vera má þó, að nokkuð sé enn
eftir af henni undir skógartorfunni. Ef til vill sést fyrir lítilli, tvískiptri
tóft uppi í skógartorfunni litlu vestar, en mjög er það óljóst. Nokkr-
um spöl neðar með grófinni, uppi á örfoka brún hennar, er lítil steina-
dreif. Virðast sumir steinarnir fluttir þangað af mannahöndum.
Páll Stefánsson á Asólfsstöðum fann forna öxi ásamt beinaleifum
í moldarbakka austan við Búrfellsháls, en nú er ekki vitað nánar,
hvar það var. Öxin er nú á Þjóðminjasafninu (Þjms. 10204).
Fjárhústófta í byggðarlöndum Þjórsárdals er ekki getið hér að
framan, en í afréttinum eru þessi sæluhús:
Austan við Lambhöfða nálægt Bergálfsstaðaá,
í Hólaskó gi, við veginn, innan við Bleikkollugil,
í Gjánni. Það er hellir í stökum kletti. Hefur hellirinn verið út-
búinn sem sæluhús með hurð og dyrakömpum. Syðst í Gjánni er
víður hellisskúti, sem notaður hefur verið til fjárgeymslu, og hafa
verið hlaðnir grjótgarðar um hann þveran.
SKAMMSTAFANIR
Jb. Jarðabók Árna Magnússonar og Páls Vídalíns II, bls. 217 — 18.
Árb. Árbók hins ísl. Fornleifafélags.
Árb. ’84—5 Grein Brynjúlfs Jónssonar, Um Þjórsárdal, Árb. 1884—1885, bls.
38—60. Þegar vitnað er í heilan kafla um eitt eyðibýli, er notað
nr. í texta greinarinnar, en ekki blaðsíðutal.