Árbók Hins íslenzka fornleifafélags - 01.01.1954, Qupperneq 53

57
er 13,5 sm, eggin 8,8 sm. (NB. Hugsanlegt er, að önnur hvor
öxin hafi upprunalega verið í 2. kumli.)
d. Spjót, af K-gerð Jan Petersens, Vikingesverd, bls. 33, 21.
mynd, fremur óvandað, 39,5 sm að 1., mesta breidd fjaðrar
2,5 sm.
e. Hnífsblað, brotið af tanganum, 9,3 sm langt, 2,9 sm breitt, en
það er óvenjulega mikil breidd.
f. Brýni, óvandað, úr grárri, útlendri steintegund, brotið.
g. Hringja úr járni, lítil og kringlótt, í tveimur hlutum.
h. Tinnumoli, grár.
Allt lá þetta á tjá og tundri í flaginu, og verður ekki vitað, hvernig
það hefur verið staðsett upphaflega. Auk þessa lágu svo enn á sínum
stað í kumlinu:
1. Hringja úr járni, mikið til kringlótt, 4—4.5 sm í þvm., þorn-
inn að mestu af; lá í beltisstað og mun vera beltishringja.
j. SkjaLdarbóla í mörgum brotum, en bersýnilega hefur hún verið
stór og sterkleg, af gerðinni Rygh 562. Hún var á hægri öxl
hinum heygða, og hefur skjöldurinn eflaust verið lagður yfir
höfuð honum.
k. Trjábörkur, leifar, gætu verið úr öskjum.
Auk þessa voru í kumlinu allmiklar viðarleifar, sem sumpart lágu
undir, sumpart ofan á beinunum. Ekki geta þær verið úr kistu, enda
lá hornskakkt í þeim miðað við horf grafarinnar. Að einhverju leyti
eru þær úr skildinum og sköftum vopnanna, en það endist varla til að
skýra magn þeirra. Ef til vill hafa fjalir eða flekar verið lagðir undir
líkið. — Ekkert fannst, sem hestinum hafði fylgt.
2. kuml. Um 2,5 m sunnar var annað kuml, sem að mestu
Ieyti var óhreyft, en þó hafði ýtan skemmt fótahlutann nokkuð, og
lágu þar ofan á annar fótleggurinn og falbrotinn spjótsoddur, sem ég
hygg vera úr þessu kumli. Beinagrindin var úr miðaldra karlmanni
(Jón Steffensen), yfirleitt vel varðveitt, en sumir hlutar hennar voru
þó gjörfúnir. Sást hér eins og í hinum gröfunum, að jarðvegur er hér
mjög misgeyminn, svo að sumir hlutar beinagrindarinnar voru vel
varðveittir, þar sem aðrir voru með öllu horfnir. Á þessa vantaði auk
þess annan fótlegg og annan lærlegg, og mun það vera ýtunnar sök.
Lega líksins hafði verið lík og í 1. kumli (3. mynd). Líkið hefur verið
lagt á hægri hlið með vinstri handlegg krepptan, og líklega hefur
höndin haldið um spjótsskaft, en hægri handleggur hefur verið beinn
niður með síðunni. Fætur hafa verið krepptir, og höfuðið hvílt á hægri