Árbók Hins íslenzka fornleifafélags - 01.01.1954, Blaðsíða 60

64
þess námu við andlit hans. Sverðið hefur varðveitzt í allri sinni
lengd, 86 sm, þar af brandurinn 74 sm. Hjöltin eru því sem
næst bein séð frá hlið, fremra hjalt 10,8 sm að 1., eftra 8 sm.
Bæði eru þau sporöskjulöguð neðan frá séð, hið fremra jafnvel
bátlaga. Bæði þessi atriði og eins hitt, að fremra hjalt er örlítið
bogadregið, sýnir, að sverðið ber að telja til Q-gerðar Jan
Petersens, Vikingesverd, bls. 137, 111. mynd. Mun þó líklega
með þeim elztu þeirrar gerðar og mjög nærri M-gerð. Meðal-
kafli sverðsins er 8,2 sm að 1., breiðastur fremst. Á tanganum
eru kinnar úr tré, sem að framan eru þannig festar, að þeim er
stungið inn undir fremra hjalt, en við eftra hjalt eru þær vafðar
með þræði. Brandurinn er 6 sm breiður efst, en mjókkar fram
eftir. Hann er í slíðrum úr tré, sem klætt hefur verið utan með
fíngerðum dúk (úr líni?), en utan yfir því hefur verið fíngert
skinn. Á nokkrum stöðum hefur verið bundið utan um slíðrin,
og 12 sm neðan við op þeirra hefur verið spöng úr járni, lík-
lega til að festa sverðsfetilinn við. Döggskór hefur verið úr
skinni, mjög lítill. Á hjöltum, einkum hinu eftra, sjást vefnaðar-
leifar með greinilegri vaðmálsvend.
b. Öxi, fyrir aftan höfuð mannsins; eggin hafði snúið að honum,
en skaftið aftur eftir gröfinni. Af því hefur aðeins varðveitzt
það, sem er í auganu, en blaðið er fremur lítið, 16 sm að 1. og
6,8 sm fyrir munn. Fremri hyrna teygist ögn meira út en hin,
en oddar eins ofan og neðan við auga. Telst til G-K-gerðar Jan
Petersens. Á axarblaðinu eru leifar af grófum einskeftum ullar-
dúk.
c. Skjaldarbóla, lá rétt neðan við höfuðkúpuna, svo að skjöldur-
inn hefur verið lagður yfir efri hluta líkamans eins og í 1. kumli.
Bólan er í mörgum brotum, hefur verið þunn og efnislítil, með
mjög litlum þrengslum ofan við kragann eða brúnina, af gerð-
inni Rygh 563, eins og sú, sem fannst í kumlinu í Baldurs-
heimi, Þjms. 7.
d. Spjót, var miðja vegu milli manns og hests, ekki heilt, því að
fjöðrina vantar svo til alla; lengd nú 20,2 sm. Virðist tvímæla-
laust hafa verið af K-gerð Jan Petersens eins og spjótin í hin-
um kumlunum tveimur, en þó öllu formfastara en þau. Spjóts-
brot þetta stóð beint upp á endann, og vissi falopið niður. Ekki
er augljóst, hvernig á þessu stendur.
e. Hnífur, lá í beltisstað og snéri oddi fram eftir, 18,5 sm langur.
f. Tvö met úr blýi, annað ferkantað, vegur 2,310 gr, hitt kringlótt,