Árbók Hins íslenzka fornleifafélags - 01.01.1961, Blaðsíða 150
154
ÁRBÓK FORNLEIFAFÉLAGSINS
búnar til með sama hætti, en ekki festar á skaft, voru ekki nefndar
sílar.
Blódsíllinn var ekki notaður til að sía blóð á. Hann var til að hræra
í blóði með. Skaft og blað var svipað og á klápasílnum, nema blaðið
kom ekki í beinni línu fram af skaftinu og götin á því voru nokkru
stærri. Það, sem á blaðið var fest, var búið til úr dregnu taglhári og
fléttað laust, síðan var fléttan undin upp í hring og saumuð laust
saman á röðunum. Þetta var saumað neðan á blaðið á sílnum, sem
var kringlótt. Þegar hrært var í blóði með þessu, sneri hrosshárið
niður að botni blóðbakkans og féll þá nokkuð lárétt að honum vegna
bugðunnar, sem var á milli skafts og blaðs.
Stundum voru botnar í mjólkursigti brugðnir úr óspunnu tagl-
hári, en þeir nefndust aldrei sílar“.
5. Mæling á geislavirku kolefni í brunaleifum á Bergþórshvoli.
Rétt er að geta þess hér í Árbók, að gerð hefur verið kolefnis-
greining á brunaleifum úr fjósrústinni, sem fannst á Bergþórshvoli
1951. Það gerði náttúruvísindadeild danska þjóðsafnsins árið 1959
fyrir vinsamlega meðalgöngu forstjóra hennar, dr. J. Troels-Smith.
Við greiningu á kolefni—14 í sýnishorni því, sem sent var, kom í
ljós, að vaxtartími birkitrésins, sem um var að ræða, hefur verið
árið 940 í 100 ár. Rannsóknarstofnunin telur með öðrum orðum ör-
uggt, að tréð hafi vaxið innan árabilsins 840—1040. Þetta rennir,
ef nokkuð er, stoðum undir það, að brunalagið kunni að vera frá
Njálsbrennu.
Henrik Tauber, sem kolefnismælinguna gerði, hefur birt niður-
stöðuna í American Journal of Science Radiocarbon Supplement,
Vol. 2, bls. 22. Enn fremur í Aarböger for nordisk Oldkyndighed og
Historie 1959, bls. 255—256.
6. Fídes og Karítas.
í Langholtskirkju í Meðallandi, Vestur-Skaftafellssýslu, er mynd-
arleg leiðisfjöl, sem vakti athygli mína er ég kom í kirkjuna sumarið
1957. Fjölin er nú fest upp yfir kirkjudyrum innanhúss, en hefur
upphaflega verið á leiði í kirkjugarðinum eins og aðrar slíkar fjalir.
Hún er 173 sm að lengd, 35 sm að breidd og um 3 sm að þykkt.
Kringt er fyrir hornin og skora grafin með brúnum allt umhverfis
á framhliðinni, en bakhliðin er alveg auð. Á framhlið eru 9 letur-