Árbók Hins íslenzka fornleifafélags - 01.01.1965, Page 30
34
ÁRBÓK FORNLEIFAFÉLAGSINS
11. mynd. Útsýn frá Arnarholti, ]>ar sem kumlateigurinn í Ytra-Garöshorni var; séö
niður eftir Svarfaöardal; malargryfjubarmur fremst á myndinni, sbr. uppdrátt
á 10. mynd.
rannsakaði ég þau 1956, en árið 1958 rannsakaði ég- 4.—10. kuml,
og lauk þar með rannsóknum á þessum stað, enda var þá talið, að
ekki væri þar fleira að finna.
Hér á eftir verður kumlum þessum lýst í sömu röð og þau
voru rannsökuð og eins og þau eru sett niður á afstöðukortið, sem
fylgir þessari grein. Skal það þegar tekið fram, að árangur af
þessum rannsóknum varð engan veginn sá sem skyldi, vegna þess
að kumlabrjótar höfðu rofið öll kumlin og rótað meira og minna
í þeim einhvern tíma fyrr á tíð. Af þessum sökum var ekki gerður
nákvæmur uppdráttur af þeim öllum, þannig að mældur væri hver
steinn og hvert bein, en uppdrátturinn af 3. kumli, sem gerður er
af fyllstu nákvæmni, gefur í rauninni ágæta mynd af þeim graf-
sið, sem þarna hefur ríkt, því að öll kumlin voru lík því í aðalatrið-