Árbók Hins íslenzka fornleifafélags - 01.01.1968, Page 117

SKÝRSLA UM ÞJÓÐMJNJASAFNIÐ 1967
121
einnig- heimsótti hann margt fólk og skráði eftir því mikilsverðar
heimildir. Sumt af því efni var tekið á segulband.
Þess verður greinilega vart, að góðum heimildarmönnum fer fækk-
andi, og þótt reynt sé að fylla í skörðin, virðist erfitt að afla samstarfs-
fólks, sem býr yfir miklum fróðleik.
f júní tók ég þátt í móti norrænna fornfræðinga, sem haldið var
í Helsingfors í Finnlandi dagana 4. til 9. júní. Þar voru haldin all-
mörg erindi, sem öll fjölluðu um húsagerð á Norðurlöndum á for-
sögulegum tíma, og flutti ég þar erindi um rannsóknirnar í Hvítár-
holti og sýndi skuggamyndir með. — Mestur hluti sumarsins fór síð-
an í framhaldsrannsóknir í Hvítárholti, og varð rannsóknunum lok-
ið í október um haustið. Var þarna grafinn upp þriðji skálinn á sta'ðn-
um og líklega sá yngsti. Hann var um 17 m langur og hefur haft út-
byggingu á bakhlið, en undir henni að nokkru leyti var jarðhús,
eldra en það. Er þetta fimmta jarðhúsið, sem kemur í ljós á þess-
um stað, og varpa þau nýju ljósi á húsagerð hér á landi á landnáms-
öld.“
Örnefnasöfnun.
Handritastofnun fslands leyfði enn sem á síðastliðnu ári, að styrk-
þegi hennar, Svavar Sigmundsson cand. mag., starfaði á vegum Þjóð-
minjasafnsins við að endurskoða fyrri örnefnaskrár, en það starf hófst
snemma árs 1966, eins og allítarlega er frá skýrt í ársskýrslu þess árs.
Vann Svavar allt árið að þessu verkefni, en fór þó utan einu sinni
til þess að sitja fund örnefnafræðinga í Gautaborg, og styi’kti safnið
hann lítillega til þeirrar ferðar. Svavar hafði samband við marga
menn víðs vegar um landið, og var endurskoðaður mikill fjöldi ör-
nefnaskráa, en fyrir þessa starfsemi alla komst allmikil hreyfing á
örnefnasöfnun yfirleitt, svo að nú var safnað allvíða þar sem ósafn-
að var áður, þótt ekki verði þa'ð allt talið upp hér. Ekki er heldur
unnt að skýra í smáatriðum frá árangri af starfi Svavars, en sjálfur
hefur hann gert eftirfarandi grein fyrir því veigamesta:
„Á árinu hefur verið unnið að endurskoðun örnefnalýsinga í Kjós-
arsýslu, Mýra- og Borgarfjarðarsýslu og á Rauðasandi.
Þórður Tómasson hefur haldið áfram endurskoðun í V-Skafta-
fellssýslu, og er henni nú senn lokið.
Ingólfur Einarsson hefur unni'ð að endurskoðun á skrám úr Lands-
sveit og staðsetningu á kort.