Árbók Hins íslenzka fornleifafélags - 06.01.1986, Blaðsíða 14
172
ÁRI3ÓK FORNLEIFAFÉLAGSINS
grímur Hermannsson, Hofsósi, Kristján Sigurðsson, Hálsi, Skógarströnd, Kristín ogjón-
ína Björg Gísladætur, R., Kristinc Reykdal, Hf., Kristján Jónsson, Snorrastöðum, Signý
Bcnediktsdóttir, Balaskarði, Kjartan Ólafsson, R., Arngrímur Sigurðsson, R., Arnþrúður
Arnórsdóttir, Kópav., Björn Magnússon, R., dr. Hallgrímur Hclgason, Ölfusi, Nanna
Guðmundsdóttir, Bcrufirði.
Varð safnaukinn óvcnjumikill, cða 1451 númcr í almenna safnið svo og fjöldi mynda
í myndasöfnin.
Starfsemi einstakra deilda safnsins
Myndadeild. Hún stóð fyrir ljósmyndasýningu í Bogasal og annarri
minni sýningu í hliðarsal, sem áður er frá skýrt. — Safnauki myndasafn-
anna er alltaf mikill, og voru á árinu færðar um 65 færslur mynda í
aðfangabók, cn myndafjöldinn sem barst er langtum fleiri.
Halldóra Ásgeirsdóttir forvörður framkallaði talsvert magn ljós-
mynda eftir plötum, einkum úr fllmusafni Helga Arasonar á Fagurhóls-
mýri.
Myndadeildin fékk til ráðstöfunar 100 þús. kr. af framlagi Þjóðhátíð-
arsjóðs til Þjóðminjasafnsins, og var það fé mest notað til framköllunar-
vinnu. — Þá var tekin upp sú nýbreytni með heimild menntamálaráðu-
neytisins á miðju árinu að taka sérstakt afgreiðslugjald, 100 kr., fyrir
hverja mynd sem lánuð er til birtingar, en vinna og umstang við slík lán
tekur mjög mikinn tíma hins eina starfsmanns deildarinnar.
Textíldeild. Deildarstjóri textíldeildar, Elsa E. Guðjónsson, vann á
árinu að ýmsum rannsóknum, svo sem á stafaklútum úr Byggðasafninu
í Skógum, handlínu í Þjóðminjasafni, er Hólmfríður Pálsdóttir Vídalín
saumaði og að úrvinnslu efniviðar um refla í íslenzkum miðaldaheim-
ildum, er hún flutti erindi um í Vísindafélagi íslendinga. - Þá athugaði
hún postulamynd á íslenzku korpóralshúsi í Þjóðminjasafninu í Kaup-
mannahöfn og rannsakaði myndir á altarisklæðinu úr Grenjaðarstaðar-
kirkju í Cluny-safninu í París, og flutti erindi um hið síðastnefnda á
ráðstefnu í Vadstena í Svíþjóð, sem haldin var um helgimyndarann-
sóknir.
Þá var Elsa fulltrúi Þjóðminjasafnsins í Samstarfsnefnd um íslenzka
þjóðbúninga og var formaður hennar, en nefndin vann á árinu að gerð
myndbands um íslenzka þjóðbúninga, sem kom til dreifingar. Var jafn-
framt haldin kynningar- og fræðslusýning á íslenzkum þjóðbúningum í
verzlun Heimilisiðnaðarfélags íslands og var Elsa þar til viðtals og veitti
leiðbeiningar.
Keypt var tölva á árinu fyrir deildina, sem einkum er notuð til rit-
vinnslu.