Árbók Hins íslenzka fornleifafélags - 06.01.1986, Blaðsíða 23
SKÝRSLA UM ÞJÓÐMINJASAFNIÐ 1986
181
Að öðru leyti var fé Húsafriðunarsjóðs varið til eftirlits og forsagnar
við viðgerðir gömlu bygginganna, og fengu þannig í reynd margar
þessara bygginga meira fé í sinn hlut en hér kemur fram.
Um flestar þessara bygginga er það að segja, að viðgerðir nema marg-
falt meiri upphæð en sem svarar styrkjum, og er enda oft um stórfelldar
viðgerðir að ræða. - Margra þessara húsa hefur áður verið getið í
skýrslu og er því ekki ástæða til að taka nema fáein atriði fram.
Hofstaðakirkja var flutt á nýjan grunn með kjallara, endurnýjuð
vatnsklæðning og gert mikið við turn.
Helgafellskirkja hlaut viðgerð á turni.
Dalatangavitinn gamli var hlaðinn upp að verulegu leyti og unnið að
tréverki.
Amtmannshúsið á Stapa var fullgert á ytra borði og einangrað. Var
jafnframt gerður sananingur una húsið, að það skyldi tekið á fornleifa-
skrá og Þjóðminjasafnið eignaðist hluta þess svo sem nemur opinberu
framlagi til viðgerðarinnar.
Viðgerð hófst við Árneskirkju og var endurnýjuð norðurhlið, gert
við grind þar og gólf og kirkjan rétt á grunni.
Á Þingeyrakirkju var endurnýjað turnþakið, sem fauk veturinn áður.
Á Hafnarstræti 86 á Akureyri stendur til að endurnýja skrautverkið á
suðurgafli.
í Meðalholtum í Flóa var byggð upp garnla baðstofan og endurnýjað
mikið af viðum.
Þjóðhátíðarsjóður
Safnið fékk í hlut sinn úr Þjóðhátíðarsjóði 1.125 þúsund krónur,
fjórðung úthlutunarfjár. — Var fé því ráðstafað þannig, að til fornleifa-
rannsókna á Stóru-Borg fóru 700 þús. kr., ljósmyndadeild fékk 100
þús. kr., mest til framköllunar ljósmynda, textíldeild 50 þús. kr. til
kaupa á tölvu, húsverndardeild 100 þús.kr. til viðgerðar Krýsuvíkur-
kirkju, fornleifadeild 75 þús. kr. til kaupa á ljósmyndaturnum og for-
vörzludeild 50 þús.kr. til tækjakaupa. Vegna slæmrar Qárhagsstöðu
safnsins mörg undanfarin ár hefur þetta fé sjóðsins nánast verið hið
eina, sem deildirnar hafa haft til stofnkostnaðar.
Utanferðir safnmanna
Þjóðminjavörður sótti ásamt Runólfi Þórarinssyni deildarstjóra
árlegan fund um minjavernd í Strasbourg 4.-7. marz, og einnig sótti
hann fund þjóðminjavarða í Björgvin svo og fund ICOMOS þar 20.-
25. maí.