Árbók Hins íslenzka fornleifafélags - 01.01.1994, Side 206

210
ÁRBÓK FORNLEIFAFÉLAGSINS
veldistökuna 1944 og helztu viðburði á Akranesi það ár, svo og úrval úr mynt- og merkja-
safni Jósefs H. Þorgeirssonar.
Húsið Geirsstaðir var flutt á grunn hjá safninu, hafinn undirbúningur að smíði inngangs-
skúrs við Sýrupart og lokið málningu kútters Sigurfara.
Allir skráðir gripir safnsins, um 4000 talsins, voru tölvuskráðir á árinu og hafin nýmerk-
ing þeirra.
Fastráðir starfsmenn eru Gunnlaugur Haraldsson safnstjóri og Guttormur Jónsson safn-
vörður, sem var í leyfi frá 1. nóv., en lausráðnir starfsmenn voru við safngæzlu og í tíma-
bundnum verkefnum.
Byggðasafn Borgarfjarðar. I safnið komu 2937 gestir á árinu. Því bættust 79 munir, einkum
búsáhöld og fatnaður. Meðal aðfanga má nefna rafstöð frá árinu 1928. Haldin var sýning í til-
efni 50 ára afmælis lýðveldisins og komu á hana 289 gestir.
Byggðasafnið er í sameiginlegu húsi safnanna, Safnahúsi Borgarfjarðar. Þar eru einnig
Héraðsskjalasafn, Héraðsbókasafn, Náttúrugripasafn og Listasafn Borgarfjarðar, sem öll bera
hlutfallslega sinn þátt í sameiginlegum rekstri. Talsverð viðgerð fór fram á safnahúsinu hið
ytra og var það klætt utan. Forstöðumaður Safnahússins er Guðmundur Guðmarsson.
Byggðasnfn Snæfellinga og Hnappdæla. - Gestir voru rúmlega 2000 á árinu. Færslur nýrra
gripa voru 65, en hluti þess voru gripir, sem verið hafa í geymslu og ekki afhentir safninu
fyrr en nú. Einnig bárust safninu um 50 myndir. Meðal gripa var ýmislegt, sem tengist fyrstu
eigendum Norska hússins, þar sem safnið er til húsa. Haldnar voru tvær málverkasýningar
og ein ljósmyndasýning í safninu
Grunnskólanemar gera verkefni um Norska húsið og Árna Thorlacius og sögu Stykkis-
hólms. Safnstjóri, sem er Þóra Magnúsdóttir, fór í alla skóla í sýslunni fyrir jólin og kynnti jóla-
hald fyrri tíma og sýndi gömul jólatré. Jafnframt var farið með safnkassa frá Þjóðminjasafni.
Fram var haldið viðgerð gamla pakkhússins í Ólafsvík undir stjórn safnstjóra, settur stigi
milli hæða og skilinn að geymslu- og sýningarhluti. Settir voru upp munir tengdir sjó-
mennsku, aðallega úr eigu Byggðasafns Ólafsvíkur og Byggðasafns Snæfellinga og Hnapp-
dæla, sem síðar er áformað að setja upp í Sjómannagarðinum á Hellissandi. I pakkhúsinu er
rekin upplýsingamiðstöð fyrir ferðamenn og minjagripasala, en gestafjöldi þar er óviss. I Sjó-
mannagarðinn komu um 3000 manns á árinu.
Byggðasafn Dalamanna, Laugum. í safnið komu um 500 gestir á árinu. Safnstjóri er Magnús
Gestsson.
Minjasafn Egils Ólafssonar á Hnjóti. Skýrsla hefur engin borizt.
Byggðasafn Vestfjarða. Safngestir á árinu urðu rúmlega 7000. Safnið er opið daglega síðdeg-
is yfir sumarmánuðina en auk þess eftir samkomulagi. Skólar hafa nýtt sér safnið nokkuð, en
eiginleg safnkennsla er enn ekki komin á.
Jón Sigurpálsson safnstjóri var í leyfi frá störfum hálft árið og leysti Jóna Símonía Bjarna-
dóttir sagnfræðingur hann af þann tíma. Hreinsaði hún kvenbúninga safnsins og gekk frá
þeim í geymslu svo og öðrum textílhlutum. Hið gamla sýningarhúsnæði safnsins yfir sund-
höllinni er nú ekki nothæft lengur og hefur því verið lokað.
Hjörleifur Stefánsson arkitekt gerði frumdrög að sýningar- og geymsluhúsnæði fyrir safn-
ið, en ísafjarðarkaupstaður úthlutaði því viðbótarlóð í Neðstakaupstað og er hún nú komin
inn í nýtt deiliskipulag af hafnarsvæðinu.
Byggðasafn Húnvetninga og Strandamanna. 1411 skráðir gestir komu í safnið á árinu en að
auki komu um 220 nemendur skólabúðanna á Reykjum, en þeim er sýnd tóvinna og gömul