Árbók Hins íslenzka fornleifafélags - 01.01.1994, Blaðsíða 207
ÁRSSKÝRSLA 1994
211
vinnubrögð í safninu. Talsvert verk var unnið við nýjar uppsetningar sýninga, svo sem fram-
bæjarins frá Tungunesi, og mikið var lagfært í geymslum, sem eru þó mjög takmarkaðar, og
unnið var að lagfæringum utanhúss. Safnstjóri er Jón Haukdal.
Hcimilisiðnaðarsafnið, Blönduósi. Á árinu komu 611 innlendir gestir í safnið og 112 erlendir
auk 120 skólanema, en einhverjir gestir munu ótaldir. I safninu eru nú 2151 skráðir gripir og
meðal þess, sem við bættist á árinu, má nefna skautbúning, sem safninu barst frá Kanada. I
safnið komu 10 ára börn úr öllum grunnskólum héraðsins og fengu þeir leiðsögn. Starfsemin
var annars óbreytt, safnvörður er Elísabet Sigurgeirsdóttir.
Byggðasafn Skagfirðinga. Á tímabilinu 1. júní til 31. ágúst komu um 17500 manns, þar af um
200 skólanemar, í safnið í Glaumbæ og um 3700 manns í pakkhúsið á Hofsósi.
Sigríður Sigurðardóttir safnstjóri fékk 10 mánaða starfsleyfi frá 1. ágúst og vann þann
tíma við Þjóðháttdeild Þjóðminjasafnsins. Gegndi Edda Jónsdóttir stöðu hennar á meðan.
Haldið var áfram viðgerðum við gamla íbúðarhúsið frá Ási, sem flutt var að safninu 1991
og var það orðið fullviðgert þegar eldur varð laus í því að morgni 30. júní. Skemmdir urðu
talsverðar en viðgerð hófst þó von bráðar aftur, en ekki var hægt að taka húsið í notkun um
sumarið eins og áformað hafði verið en mun verða gert vorið 1995. Hafa margir sjálfboðaliðar
lagt fram vinnu við endurgerð og viðgerð og ýmsir gefið efnivið.
Gert var við vegg í gamla bænum í Glaumbæ milli eldhúss og framhúsa og endurhlaðin
gaflhlöð norðurstofu og eldiviðarskemmu og grind húsanna lagfærð. Þá voru stafnar, glugg-
ar og hurðir máluð.
Á þjóðminjadaginn, 10. júlí, var heyjað í Glaumbæ með gamla laginu. Tóku um 30 manns
þátt í heyskapnum og einnig var sýnd ullar- og hrosshársvinna í baðstofunni. Urðu gestir
um 400 af þessu tilefni.
9. júní var afhjúpuð í Glaumbæ stytta Ásmundar Sveinssonar sem tákna skal Guðríði Þor-
bjarnardóttur, fyrstu hvítu móðurina í Ameríku, gjöf til safnsins frá Islendingum vestanhafs
og fleirum. Var hún sett á túnið að húsabaki milli bæjarins og þjóðvegar. Guðríður bjó í
Glaumbæ síðustu ár sín.
Safnið skortir nú mjög geymslur, en senn verður að rýma geymsluna á Sauðárkróki. Ýms-
ar búvélar safnsins hafa verið sendar til geymslu að Hólum í Hjaltadal.
í pakkhúsinu á Hofsósi er sýning á vegum safnsins með munum frá því. Þar var settur
inn lítill bátur ásamt veiðarfærum. Safnstjóri hefur umsjón með sýningunum og hefur jafn-
framt eftirlit með gömlum byggingum Þjóðminjasafnsins í héraðinu.
Síldarminjasafiiið á Siglufirði. Gestir urðu þar alls um 4250, þar af 250 erlendir. Forstöðu-
maður safnsins er Örlygur Kristfinnsson og er hann í hálfu starfi.
9. júlí var opnuð neðsta hæð Roaldsbrakka, en að mestu var þá lokið viðgerð hússins að
utan og neðsta hæðin fullgerð að innan. Sýningarrými er þar um 180 ferm. og eru sýndir þar
munir tengdir síldarsöltun. 1 gömlum vélasal þar nærri eru sýndar vélar og verkfæri frá síld-
arbræðslum. Til safnsins var keypt stór skemma frá síldarárunum, sem stendur hið næsta
Roaldsbrakka, og verður þar geymsla.
Færðar voru 36 færslur í aðfangabók og keypt var nokkuð af ljósmyndum til safnsins. Þá
eignaðist safnið hluti úr rannsóknarstofu SR-verksmiðjanna þar á Siglufirði og vélar og verk-
færi til síldarfrystingar. Lögð voru drög að því, að safnið eignaðist 12 smál. vélbát, Kristínu
VE, smíðaðan 1912, sem útbúa á til sýningar sem reknetabát. Skólanemar heimsóttu safnið
og fengu ýmsa fræðslu, m.a. með skyggnusýningum.
Minjasafnið á Akurcyri. Gestir í safninu urðu alls 4500, þar af 3450 yfir sumartímann, rúm-
lega helmingur þeirra útlendingar en innlendum gestum safnsins fjölgar þó hlutfallslega. 590
skólanemar komu í skipulögðum heimsóknum.