Árbók Hins íslenzka fornleifafélags - 01.01.1994, Blaðsíða 210
214
ÁRBÓK FORNLEIFAFÉLAGSINS
landi. Einnig aðstoðaði Safnastofnun við lýðveldissýningu í Egilsstaðaskóla og Nesskóla í
Neskaupstað.
Hér má nefna, að safnvísar eru á nokkrum stöðum austanlands og í óbeinum tengslum
við Safnastofnun. Má nefna Samgöngutækjasafn lslands, sem borið er uppi af áhugamönnum
og var sýning í íþróttahúsinu á Egilsstöðum annað sumarið á samgöngutaekjum í einkaeigu.
I tilefni lýðveldisafmælisins var minjasýning á Breiðdalsvík, sem vakti mikla athygli. Hún
var opin um helgar og sóttu um 1000 manns sýninguna. Hreyfing er uppi um að koma þar
upp varanlegu safni.
Sjóminjasafn Austurlands, Eskifirði. A árinu komu 1552 gestir í safnið, flestir innlendir, og
að auki 35 skólanemar. I aðfangabók voru 163 innfærslur nýrra safngripa, en samtals eru nú í
safninu 2663 skráðir gripir. Meðal þess sem safnið eignaðist var líkan af færeyskri skútu.
Safnvörður er að gera líkan af Eskifjarðarkaupstað eins og hann var árið 1923.
A árinu gaf móteigandi Randúlfssjóhúss Sjóminjasafninu hlut sinn í húsinu en hefur þó
afnot af því um sinn. Á safnið nú eignina alla, hús og bryggju á Strandgötu 96. Randúlfssjó-
hús er enn óviðgert hið innra, en hafizt verður senn handa um viðgerð.
Haldið var áfram viðgerð vélbátsins Nakks og er áformað að hann fái það útlit, sem hann
hafði um 1950. Einnig var gert að þaki Gömlu-búðar. Þá annast safnið viðhald Dalatanga-
vitans gamla.
Á árinu var haldin sýning vegna 50 ára lýðveldisafmælisins í grunnskólanum á Eskifirði,
myndir og munir, sem tengjast lýðveldisstofnuninni 1944. Sýningin var opnuð 17. júní og
stóð fram í miðjan júlímánuð. Sýningargestir urðu um 700.
Kennsluverkefni voru útbúin um sjóminjar og aðstoðuðu safnstjóri og kennarar nemend-
ur við úrvinnslu.
Forstöðumaður Sjóminjasafnsins er Geir Hólm.
Undirbúningur stendur yfir að stríðsárasafni á Reyðarfirði á vegum hreppsins. Voru fjórir
þjóðfræðinemar frá Háskóla Islands fengnir til að vinna að heimildasöfnun. Safninu er ætlað
að varðveita stríðsminjar alls konar og hluti frá stríðsárunum og standa fyrir rannsóknum á
þessu tímabili íslandssögunnar.
Safn Ríkarðs Jónssonar myndskera var ánafnað Djúpavogshreppi og er ákveðið að það
verði í Löngubúð, en viðgerð hússins er enn ekki lokið.
Á bænum í Berufirði er minjasafn Nönnu Guðmundsdóttur sýnt almenningi eftir samkomu-
lagi, en það er eign heimamanna.
Byggðasafn Austur-Skaftafellssýslu. Byggðasafnið er hluti Sýslusafns Austur-Skaftafellsýslu
og er Gísli Sverrir Ámason forstöðumaður þess en Þorsteinn Þorsteinsson er safnvörður byggða-
safnsins.
Alls sóttu 1987 gestir safnið á árinu, 1218 innlendir og 296 erlendir auk 473 skólanema.
Unnið var að viðgerð á Pakkhúsinu við höfnina, sem safnið hefur sem sýningar- og
geymsluhúsnæði. Var komið hita í húsið í lok ársins, en enn er ýmsum framkvæmdum ólokið.
Hinn 17. júní var opnuð sýning í Gömlu-búð í tilefni lýðveldisafmælisins. Sýndir voru
munir, myndir og skjöl, sem tengjast merkisatburðum í sjálfstæðisbaráttu þjóðarinnar.
í Pakkhúsinu voru ýmsar sýningar, m.a. listsýning og sölusýning Handraðans, félags
áhugafólks um heimilisiðnað.
Á árinu annaðist safnið sýningu á ljósmyndum Helga Arasonar frá Fagurhólsmýri, sem
sett var upp í samvinnu við Þjóðminjasafn Islands og sýnd í öllum hreppum sýslunnar í
marz og apríl.