Árbók Hins íslenzka fornleifafélags - 01.01.1994, Blaðsíða 212

216
ÁRBÓK FORNLEIFAFÉLAGSINS
Safngestir urðu alls 2714, nær allir innlendir, og 566 skólanemar. 62 munir bættust byggða-
safninu á árinu og má þar sérstaklega nefna skatthol úr eigu Guðmundar Thorgrímsens fakt-
ors. Samið var við erfingja Guðlaugs Pálssonar kaupmanns á Eyrarbakka um afnot af verzl-
unarmunum hans, sem gert er ráð fyrir að verði hluti af verzlunarsýningu safnsins.
18. júní var opnuð sýningin „Fyrstu árin eftir lýðveldisstofnunina" í húsnæði listasafnsins
og var opin fram eftir hausti. Var sýningin einkum helguð iðnaðarmönnum á Selfossi og þar
voru sýndar gamlar kvikmyndir Gísla Bjarnasonar af myndbandi. Sóttu sýninguna 1022
gestir, en hún kom í stað fastasýningar safnsins. Höfð var safnkennsla fyrir leikskólabörn og
yngstu bekki grunnskóla og frætt um mjólkurmat. Þá var jólasýning safnsins fyrir fjóra
fyrstu bekki grunnskólans í húsakynnum dýrasafnsins.
Safnið tók þátt í opnunarathöfn „Islenskra daga" á Selfossi 31. október með sýningu á lista-
verkum og safnmunum.
Safnstjóri greiðir jafnaðarlega allt árið fyrir nemendum og öðrum, sem fræðast vilja um
hluti tengda alþýðumenningu, handiðnum og listiðnaði.
Sjóminjasafnið á Eyrarbakka. Skráðir gestir safnsins urðu alls 1083, þar af 244 skólanemar.
Haldið var áfram að skrá safngripi og ljósmyndir sem hafið var 1993 með tilstyrk Atvinnu-
leysistryggingasjóðs og unnu fjórar konur í hálfu starfi í upphafi ársins og einnig undir
árslokin.
48 færslur safngripa voru í aðfangabók og má helzt nefna muni frá tveimur gömlum verzl-
unum á Eyrarbakka, Guðlaugs Pálssonar og Bræðranna Kristjáns.
Safnhúsið var málað að utan og geymsluhúsnæði endurbætt en því ekki lokið. Þá var
beitningaskúr er safnið á niðri við sjávarkambinn lagfærður að innan fyrir fé úr Húsafriðun-
arsjóði.
Umsjónarmaður safnsins, Inga Lára Baldvinsdóttir, og Ragnhildur Vigfúsdóttir sömdu
greinargerð um endurskipulag sýninga safnsins í tengslum við fyrirhugaðan flutning
Byggðasafns Árnesinga í Húsið og Assistentahúsið á Eyrarbakka.
Byggöasafn Suðurnesja, Vatnsnesi, Keflavík. í safnið komu um 1000 gestir á árinu. Ekki eru
upplýsingar um viðbót safngripa. I safnið komu 10 ára nemendur barnaskólans í föstum
heimsóknum og fengu fræðslu um gamla atvinnuhætti. Þá setti safnið upp þrjár sýningar í
húsakynnum Bókasafns Keflavíkur, vegna 90 ára afmælis barnastúkunnar Nýársstjömunnar,
um 17. júní hátíðahöldin í Keflavík í 49 ár og um sögu Kvenfélags Keflavíkur í 50 ár. Komu
talsvert á annað þúsund gestir á sýningarnar. - Forstöðumaður er Guðleifur Sigurjónsson.