Norðurljósið - 01.10.1913, Blaðsíða 8
8o
Norðurljósið
Stingur í fætinum.
Fyrir mörgum árum reið sveiiamaður nokkur inn í
kaupstað, og þurfti hann að afgreiða þar mörg erindi,
og var það löng ferð. F*að var þegar orðið framorðið,
er hann lagði af stað heimteiðis.
íErtu ekki hræddur við að ríða svona langa leið í
myrkrinu með svo mikla peninga í vasanum?* spurði
vinur hans. »Það er svo fjarska dimt; jeg vildi ráða
þjer að gista hjer í nótt.c
»Nei, jeg þakka fyrir,« svaraði bóndinn, »fólkið bíð-
ur eftir mjer heima og það verður hrætt um mig, ef
jeg kem ekki. Drottinn er verndari minn, og undir
vernd hans er jeg eins óhultur á degi eins og á nóttu,
eða er ekki svo?«
Það var í sannleika mjög dimt; en hann hafði góðan
hest og reið fljótt af stað og var alls óhræddur á leið-
inn. Hann náði og slysalaust heim.
Árin liðu hjá; bóndi þessi var orðinn gamall og grá-
hærður. Einn dag kom til hans ókunnugur maður og
beiddi hann viðtals í einrúmi.
»Munið þjer enn þá eftir því, að þjer fóruð heim úr
kaupstaðnum eina nótt fyrir mörgum árum með mikla
peninga í vasanum?«
»Ja-a-á, jeg held jeg muni eftir því,« svaraði bóndinn.
»Tókuð þjer ekki eftir neinu sjerstöku á Ieiðinni?*
»Ekki neinu. Hvers vegna spyrjið þjer?«
Nú sagði hinn ókunnugi, að hann liefði einu sinni
verið stigamaður, og hefði hann verið staddur í kaup-
staðnum þegar hann fjekk að vita það, ásamt öðrum
stigamönnum, að bóndi þessi ætlaði að halda heim þá
sömu nótt einn í myrkrinu og að hann mundi hafa
meðferðis allmikið af peningum. Þeir fóru út á undan
bóndanum og settu upp digran stálþráð þvert yfir veg-
inn á milli tveggja trjáa, þar sem leið hans lá, mátu-
lega hátt til þess að þráðurinn tæki undir hökuna á
honum og kipti honuni svo af hestbaki. Vegurinn var
góður á þeim bletti, og þeir áttu þess vegna von á
því, að bóndinn kæmi þangað á hraðri ferð. Hefði alt
gengið að óskum þeirra, hefði orðið hægðarleikur að
ræna hann þar peníngum hans.
Maðurinn lýsti því, hvernig þeir fjelagar biðu með
óþreyju bak við trjen þangað til þeir heyrðu til hests-
ins og hlökkuðu til að stökkva á bráð sína. Nú kom
hesturinn nær, og nú hlaut maðurinn að falla. En
bíðum við! — rjett í sömu svifum óg hann kemur þar
sem þráðurinn er, hneigir maðurinn sig lágt, fer undir
þráðinn og heldur svo rólegur áfram leiðar sinnar án
þess að stansa.
Bóndinn varð steinhissa, er hann heyrði þessa sögu.
Hann varð hugsi um stund, og sagði síðan: »Já, jeg
man eftir því nú, — það er rjett, — já, nú skil jeg það
alt saman! Jeg held að jeg hafi ekki hneigt mig nema
einu sinni alla leiðina, en þá var það vegna þess, að
jeg fjekk alt í einu sting í annan fótinn. Hann var svo
sár að jeg hneigði mig ósjálfrátt og tók í fótinn með
hendinni. Nú sje jeg að Drottinn sendi þenna sára
sting, — sem hvarf þó undir eins aftur, — til þess að
frelsa mig frá stigamönnunum. Þetta sýnir oss, að hann
efnir fyrirheit sín og yfirgefur ekki þá, sem setja traust
sitt á hann.«
/\thugasemdir ritstjórans.
Jeg hefi áður beint eftirtekt lesendanna á ritið: „Hjálp-
rœði Guðs“, sem hefir útbreiðst svo mikið og orðið
svo mörgum til hjálpar og blessunar í útlöndum. Síðan
hefi jeg sjeð mörg merki þess, að ritið hefir orðið einn-
ig til gagns í íslenskri þýðingu. Skal hjer sagt frá einu
dæmi. Ungur maður, sem ekki vill láta nafns síns get-
ið, hefir öðlast svo mikla blessun af að lesa ritið, að
hann hefir gefið eilt hundrað krónur til þess að útbreiða
það ókeypis alstaðar í sinni sýslu, svo að sem flestir
mættu verða hluttakendur hinnar sömu blessunar.
Upplagið er ekki svo stórt, að jeg geti sent honum
nógu mörg eintök, og er jeg þess vegna að láta prenta
aðra útgáfu ritsins, sem gerir alls 7000 á íslensku, auk
þeirra 3,000,000 sem prentuð eru á öðrum tungumálum.
Menn geta dæmt eftir þessu, hvort ritið er þess vert,
að það sje lesið. Jeg leyfi mjer að hvetja alla lesendur
mína til að fá sjer það og athuga það vel, — þá mun
ekki iðra þess. Ritið er 32 blaðsíður og er seit fyrir
5 au. eintakið. Lesendum »Norðurljóssins« verða send
2 eintök með pósti fyrir 10 au. í frímerkjum.
* *
*
Nýlega hefi jeg fengið 5 kr. frá einum vini »Norður-
Ijóssins* (J. J.) til þess að styðja blaðið. Vottajeghon-
um hjer með mitt besta þakklæti fyrir gjöfina. Þrátt
fyrir hina háu áskrifendatölu, sem hefir ekki minkað
síðan í fyrra, er verð blaðsins svo lítið og kostnaður-
inn svo mikill, að það svarar ekki kostnaðinum að öllu
leyti enn þá.
^loRÐURLJÓSIÐ kemur út einusinni á mánuði, og verð-
ur 96 blaðsíður á ári. Árgangurinn kostar 50 aura og
borgist fyrir fram. Menn mega senda útgefandanum verð-
ið í ónotuðum frímerkjum. Verð í Vesturheimi, 30 cents.
Ritstjóri og útgefandi: ýtrthur Gook, Akureyri.
(Afgreiðslumaður biaðsins áísafirði er hr.James L.Nisbet.)
Prentsmiðja Odds Björnssonar-