Norðurljósið - 01.12.1913, Blaðsíða 5

Norðurljósið
93
Tennurnar.
Tannfaka.
(Franihald.)
Þess ber vel að gæta, að baðið sje ekki of heitt, og
er ekki hægt að vita hvort svo sje eða ekki með því
að stinga hendinni ofan í vatnið. Þó að fullorðinni
konu finnist vatnið mátulega heitt á hendinni, er það
þó ekki víst að barnið þoli það. Það á altaf að stinga
berum olboga ofan í vatnið, en ekki hendinni, til þess
að dæma um, hvort það verði of heitt handa barninu.
Ef hitamælir er við hendina, er auðvitað miklu betra
að nota liann, og liafa vatnið tæplega 38°; en það vill
oft til að menn hafa hann ekki við, þegar bráðliggur
á. Qóður hitamælir á samt að vera til á hverju heimili.
Ef barn skyldi oftar en einu sinni fá krampa upp úr
tanntöku, væri best að hafa sennep í vatninu, þegar
barnið er baðað í annað sinn, eina teskeið af sennepi
á móti hverjum potti af vatni. Skal hræra sennepið í
deig í bolla og bæta þvi í vatnið smámsaman.
Það er stundum nauðsynlegt fyrir lækninn að skera
í góminn til þess að tönnin geti komist í gegn, en
góður læknir mun aldrei gera það nema tönnin sje
mjög langt komin.
Sárindunum, sem barnið finnur til þegar það er að
taka tönn, er oft hægt að eyða með einföldum meðöl-
um. Móðirin á að dýfa fingurgómi sínum í ediksblöndu
og núa tanngarðinn þar sem tönnin er að koma. Ed-
iksblandan má ekki vera sterkari en svo, að móðirin
finni aðeins til, þegar hún nýr varir sínar með því.
Það þarf auðvitað að gera þetta aftur og aftur, en það
sefar mjög vel ónotin, sem barnið hefir í tanngarðinum.
Þegar óregla er á hægðunum við tanntöku er gott
að láta barnið sjúga blávatn úr flösku, jafnheitt og
blóðið er, (36,9°), sikur- og mjólkurlaust. Hálfur kaffi-
bolli af vatni er nóg í senn. Börn eru fegin að drekka
það og það hefir mjög góð áhrif á magann.
Gildi barnatanna.
Margir álíta að það hafi litla þýðingu að hirða vel
barnatennurnar, vegna þess að þeir vita, að börnin fá
nýjar tennur aftur. En þetta er algerlega rangt. Að
varðveita barnatennur sínar óskemdar er besta trygg-
ingin fyrir því, að barnið hafi altaf hrausta meltingu
og góða heilsu yfirieitt. Það er þess vegna skylda for-
eldra að sjá um að tennurnar í börnum sínum sjeu í
góðu lagi. Auk þess að það er siðferðisleg skylda
þeirra gagnvart börnunu’m, margborgar það sig að
kosta dálitlu til þess að börnin hafi góðar tennur.
Allir skylduræknir foreldrar eiga að athuga þetta mál.
Það er ennþá nauðsynlegfa að kenna börnum að
bursta tennur sínar, heldur en að kenna þeim t. d. að
þvo andlitið. Þau eiga að bursta tennur síuar að minsta
kosti á hverju kvöldi. Það er óþarfi að nota tannduft
eða tannsápu, ef tennurnar eru burstaðar með reglu.
Hjá sumum börnunum er ekki rúm handa öllum
barnatönnunum og þær verða þessvegna aít of þjettar
saman. Þá eru og meiri líkindi til að matur sitji fastur
á milli tanna og svo er þá enn fremur eríiðara að
hreinsa þær.
Það á að láta tannlækni skoða tennurnar, ef þess er
kostur, því hann getur þá tekið nokkrar tennur út, ef
hann álítur það nauðsynlegt, eða hann getur stækkað
tanngarðinn með einföldu móti. Það er sjaldan gott
að draga tennurnar út úr börnum, jafnvel þó þær sjeu
skemdar, því þá verður tanngarðurinn þeim mun minni
og verða þá jafnmiklir erfiðleikar, þegar nýju tennurn-
ar koma, því það verður ekki heldur nóg rúm fyrir
þær. (Framhald.)
sem leita til mín um Iækningar, eru sjerstak-
lega beðnir að gæta þess, að mjer er ekki hægt,
vegna annara starfa, að sinna neinum lækningum nema
á miðvikudögum og laugardögum einum, frá kl. n
árdegis til kl. 5 síðdegis.
Menn eru vinsamlega beðnir að koma ekki til mín
á öðrum dögum en þessum; það bakar mjer þá hrygð
að vera neyddur til að senda þá á burt og kostar þá
ómaksferð. Jeg Vildi með gleði sinna mönnum á öllum
tímum, ef jeg gæti, dag eða nótt; en hin önnur störf
mín banna mjer það algerlega. Einasta undanteking
er, ef að báðir hinir settu læknar hjer skyldu vera
fjarverandi og sjúklingurinn biði skaða af að bíða.
Arthur Gook.