Norðurljósið - 01.01.1969, Blaðsíða 43
NORÐURLJÓSIÐ
43
gott að koma heim til húss föðurins á himnum, þegar lýkur útistöð-
um jarðneska lífsins. En þangað kemst ég ekki vegna eigin verð-
leika, heldur aðeins fyrir miskunn Guðs og fyrirgefningu hans á
brotum mínum og misgerðum, bæði við hann og við mennina. Þótt
þú, kæri lesari minn, hafir ekki misgert eins mikið og ég, svikið
hana eða hann, sem treysti þér, þurfa smærri misgerðir einnig að
vera fyrirgefnar af Guði. Hann fyrirgefur vegna friðþægingar son-
ar síns, þegar við biðjum hann að gera það og veitum Jesú viðtöku
sem frelsara okkar.---------
Ég hefi gert upp sakir mínar við þessa stúlku, sem ég brást, og af
göfuglyndi sínu hefir hún fyrirgefið mér. Ég bið henni, manni
hennar og börnum þeirra blessunar Guðs.
Guð blessi þig líka, kæri lesandi minn, og hann gefi þér, að þú
látir yfirsjónir mínar verða þér til varnaðar og breytir ekki á rnóti
betri vitund. Enginn veit, hvar hann hafnar, ef hann víkur inn á þá
braut. S. G. J.
Áskrifendur, athugið þetta
Þegar Norðurlj. hóf göngu sína, var fátækt og peningaleysi á háu
stigi. Dagkaup karlmanns í vorvinnu til sveita gat verið ein króna
eða 1.50 og fæði. Verð Nlj. var þá 50 au. árg. eða Vi—Vr, af dag-
kaupi, ef fæðið var reiknað á krónu. Miðað við þetta ætti verð þess
nú að vera 100—150 kr. Ýmsir, sem þegar hafa greitt þennan 50.
árg. Nlj., hafa greitt hann með 100 kr.
Verðið hefir samt verið ákveðið lægra, 90 krónur. Verðhækkun
þessi hefði samt verið algerlega óþörf, ef allir kaupendur ritsins
hefðu gætt skyldu sinnar og greitt árgjöld sín í fyrra, svo að ekki
séu nú nefndar eldri skuldir. Hver árgangur þarf að skila svo miklu
fé, að það nægi til að greiða fyrir næsta ár. Núverandi árgangur
fæðist með skuldabagga á herðum sér.
Það eru innileg tilmæli mín, að áskrifendur allir, sem ekki hafa
þegar greitt þennan árgang, geri það hið allra fyrsta, og að þeir, sem
skulda fyrir síðastliðið ár eða fleiri ár, geri skil hið bráðasta, sem
þeir geta. Ritningin segir: „Skuldið ekki neinum neitt nema það
eitt: að elska hver annan.“ Róm. 13. 8.
Guð blessi þig, kæri áskrifandi og lesandi. — Ritstj.