Norðurljósið - 01.01.1969, Blaðsíða 52
52
NORÐURLJÓSIÐ
,um synd og um réttlæti og dóm.‘ (Jóh. 16. 8.). Það var ekki svo
að skilja, að ég hefði framið nokkra sérstaka synd .. . Það, sem
ég hafði hugsað, að væri bezt og öruggast í sjálfri mér, brast nú í
sundur. .. Það var eins og elding hefði sundrað eðli mínu til
innstu róta. Eg hugsaði ekki um glötun, hugsaði ekki um neitt,
vissi það eitt, að innsta eðli mitt var synd, — synd, sem ég gat
ekki losnað við, synd, sem aldrei varð bætt og samgróin var eðli
mínu. Hvernig ætti ég að flýja sjálfa mig? Hvert, sem ég færi,
fengi ég aldrei umflúið sjálfa mig.“
í eða við upphaf „Heilsuffæði“ eftir Steingrím Matthíasson,
fyrrum héraðslækni á Akureyri, standa þessi orð: „Þekktu sjálfan
þig. Thales frá Milet.“ Ofar á sömu síðu stendur orðið: Manns-
líkaminn. Gott er það og nauðsynlegt, að þekkja líkama sinn. Gott
er það líka og nytsamlegt, að þekkja sál sína, sinn innri mann. En
nauðsynlegast er þó að þekkja, eins og Ólafía Jóhannsdóttir fékk
að þekkja, hvernig við lítum út í augum Guðs. Þegar frúin fer á
fund eða herrann á mannamót, líta þau í spegilinn til að sjá, hvort
útlit þeirra sé að öllu eins og það á að vera. Þau snyrta sig ekki af
flausturslegu handahófi, sé þeim annt um útlit sitt. Guð hefir gefið
okkur spegil til að skoða okkur í. Sá spegill er biblían, Guðs orð.
Sá kafli þess, sem ég vil vísa þér á, er Rómverjabréfið. Lestu fjóra
eða fimm fyrstu kafla þess. Lestu þá aftur og aftur. Þá sér þú þig
eins og Guð sér þig. Mörg góð lyf eru beisk á bragð, að minnsta
'kosti ekki bragðgóð. Þetta lyf: að lesa fyrstu kafla Rómverjabréfs-
ins, er góðu fólki dálítið bragðvont, en mjög hollt. Ég hefi tekið
það inn sjálfur og haft mjög gott af því. Ég ráðlagði það eitt sinn
ungri stúlku, sem var og er mjög góð. Hún er í hópi hins allra
bezta og vandaðasta fólks, sem ég hefi kynnzt. Hún hlýddi ráðinu,
hún las þessa fyrstu kafla Rómverjabréfsins aftur og aftur. Þá sá
hún sjálfa sig og frelsarann líka. Þau mættust, og þau hafa aldrei
skilið síðan, svo að ég viti til. Það er hollt og gott að þekkja sjálf-
an sig. En það er dásamlegt að þekkja og elska Drottin Jesúm
Krist.
Ein af hinu góða og göfuga fólki í Hollandi, sem bjarga vildi
Gyðingum úr helgreipum Nazista, var Corrie Ten Boom. Fjöl-
skylda hennar var staðin að því verki, og Corrie ásamt hinum var
yfirheyrð af dómara, sem hét Hans Rahms. Fjölskyldan öll var
innilega trúuð á Guð og son hans Jesúm Krist og vitnaði oft fyrir