Norðurljósið - 01.01.1969, Blaðsíða 87

NORÐURLJÓSIÐ
87
sagði þeim, að hann hefði þó nokkrum sinnum sloppið sem með
kraftaverki frá því að deyja. Annar maðurinn spurði þá: „Fóruð
þér ekki að biðja?“ „Jú, herra,“ svaraði hann, „það gerði ég, og ég
held, að Guð hafi svarað bænum mínum og varðveitt líf mitt.“ „f’ér
voruð sannfærður um, að þér væruð i hættu, og þér sneruð yður
til Guðs,“ sagði sannkristni maðurinn, „en hafið þér nokkru sinni
sannfærzt um synd yðar?“ „Það er einkennilegt," svaraði hann,
„að þér minnizt á þetta. Mig hefir einmitt nú um tíma langað til að
gera upp við Guð. Getið þér sagt mér, hvernig ég á að fara að því?“
Honum voru þá gefnir nokkrir kaflar úr ritningunni til að lesa. Síð-
an, þar í bifreiðinni, bað hann Guð að fyrirgefa sér syndirnar, og
hann veitti Drottni Jesú Kristi viðtöku sem frelsara sínum.
Vera má, að þú trúir, að til sé einhver æðsta vera, sem þú hefir
beöið til og falið að varðveita ástvini þína. En þetta veitir þér ekki
hjálpræðið. Þú verður að koma til Guðs fyrir milligöngu Jesú
Krists til að öölast það. Drottinn Jesús Kristur er meðalgangarinn
eini á milli Guðs og manns. (1. Tím. 2. 5.) Hann er vegurinn eini,
sannleikurinn eini, lífið eina (Jóh. 14. 6.). Enginn kemur til Föður-
ins nema fyrir hann. Hann er því eini frelsarinn og eina fórnin fyrir
syndirnar.
Orð Guðs sýnir okkur greinilega, að ekkert, sem við getum gert,
megnar að láta það verða rétt, sem við höfum gert rangt. í augum
Guðs, sem er heilagur og réttlátur, verða allar dyggðir okkar eins
og óhrein föt. (Jes. 64. 6.) Fyrirgefning fæst eigi án úthellingar
blóðs. (Hebr. 9. 22.) Samband mannsins við Skapara hans hefir
syndin rofið, og kröfum guðlegs réttlætis verður að fullnægja.
Ef þú ert að leita Guðs, þá koma hér dásamlegar fréttir handa
þér: „Guð er að leita þín. Af undursamlegri elsku sinni gaf hann
okkur frelsarann. Guð er í Jesú að leita að þér, því að hann kom
til að leita að hinu týnda og frelsa það. (Lúk. 19. 10.) Drottinn
Jesús var krossfestur á Golgata. Þar fram bar hann sjálfan sig lýta-
lausan sem fórn Guði til handa fyrir syndir okkar. Þar bar hann
hegninguna, sem synd okkar átti skilið, og greiddi sekt okkar fyrir
okkur. Hann sagði: „Það er fullkomnað." (Jóh. 19, 30.) Hann
greiddi lausnargjaldið til fulls, fullkomnaði friðþægingarverkið
mikla. Hann var grafinn, en Guð reisti hann frá dauðum, og hann
lifir nú á himnum sem maður dýrlegur gerður. Syndamál okkar
hefir verið útkljáð, svo að Guð er fullkomlega ánægður með lausn