Norðurljósið - 01.01.1969, Blaðsíða 94
94
N ORÐURLJ ÓSIÐ
að Jesús sé með. Þú ert ekki óhultur, nema þú hafir leitað hans og
fundið hann.
Einhver kann nú að segja: „Ég er ekki viss um, að ég hafi leitað
Jesú eða fundið hann á þann hátt, sem átt er við í Guðs orði.“ Þá
vildi ég af öllu hjarta ráðleggja þér, kæri vinur, að koma til hans
að nýju, alveg eins og þú hefðir aldrei komið áður, svo að þú getir
orðið viss um, að hann hafi veitt þér viðtöku. Kom til hans sem
syndari, hver sem þú ert; treystu því, að hann dó á krossinum fyrir
syndir þínar og að hann tekur á móti þeim, sem til hans kemur,
eins og hann lofaði. (Jóh. 6. 37.) Reiddu þig því næst á það, að
hann hafi veitt þér viðtöku sakir loforðs síns og trúfesti. Jafnvel
þótt þú kunnir að hafa komið til hans áður, þá veiztu nú, að þú
hefir gert það, og þá getur þú líka vitaS, að þú hefir eilíft líf.
Jóhannes postuli sagði: „Sá, sem hefir soninn, hefir lífið, sá, sem
ekki hefir Guðs son, hefir ekki lifið. Þetta hefi ég skrifað yður, til
þess að þér vitið, að þér hafið eilíft líf, yður, sem trúið á nafn
Guðs sonar.“ (1. Jóh. 5. 13.). Eftir þessu geta þeir, sem meðtekið
hafa Krist sem frelsara sinn, hver og einn vitað, að þeir hafa eilíft
líf.
Drottinn Jesús sagði: „Sá, sem heyrir mitt orð og trúir þeim, sem
sendi mig, hefir eilíft líf og kemur ekki til dóms, heldur hefir hann
stigið yfir frá dauðanum til lífsins.“ (Jóh. 5. 24.) Af þessu veiztu,
ef þú hefir heyrt (móttekið) Krists eigin orð og trúað vitnisburði
Föðurins um hann, (1) að þú hefir eilíft líf; (2) að þú kemur ekki
til dóms; og (3) að þú ert stiginn yfir frá dauðanum til lífsins (ert
endurfæddur).
Pétur postuli segir í fyrra bréfi sínu (1. 22.—23.): „Elskið hver
annan innilega af hjarta, þér, sem eruð endurfœddir, ekki af for-
gengilegu sæði, heldur óforgengilegu, fyrir orð Guðs.“ Það er ein-
mitt, þegar vér trúum vitnisburði Guðs orðs um Jesúm, að andi
vor verður endurnýjaður af Guðs Anda, með öðrum orðum: að
vér endurfæðumst.
Ef þú veizt, að Kristur hefir tekið á móti þér, aumum syndara,
þá er það fyrsta sporið til þess að lifa hinu sigursæla lífi.
2.
Gerðu þér glögga grein fyrir því, að Jesús Kristur er upprisinn
og talar máli þínu hjá Guði, Þú átt ekki þann frelsara, sem dó á