Norðurljósið - 01.01.1969, Blaðsíða 97
N ORÐURLJ OSIÐ
97
að gera það, sem Drottinn Jesús vildi, að hann gerði, Pétur postuli
boðaði Jesúm sem „foringja og frelsara“ (Post. 5. 31.) Ef vér viljum
eiga Jesúm sem frelsara, þá fylgir því sú skylda: að vér hlýðnumst
honum, og honum einum, sem foringja. Það verður lítil gleði, lítill
kraftur í lífi voru, ef vér gerum ekki þetta af öllu hjarta.
(a) Hlýðni við Jesúm Krist hefir í för með sér, að vér föllumst
hiklaust á allar kenningar ritningarinnar. Drottinn Jesús segir:
„Hví kallið þér mig herra, herra, og gerið ekki það, sem ég segi?“
(Lúk. 6.46.) Hann sagði um ritningar gamla testamentisins: „Þær
eru það, sem vitna um mig.“ (Jóh. 5.39.), og hann átti eflaust við
kenning heilags Anda í nýja testamentinu, er hann sagði: „Ég hefi
enn margt að segja yður, en þér getið ekki borið það að sinni; en
þegar hann, sannleiksandinn, kemur, mun hann leiða yður í allan
sannleikann.“ (Jóh. 16. 12,13.). Ef vér viljum þóknast Drottni Jesú
Kristi, eigum vér að lesa ritninguna kostgæfilega og breyta eftir
henni. í öllum greinum eigum vér að rannsaka oss og spyrja: „Er
þetta samkvæmt heilögu orði Guðs?“ Vér eigum oft að spyrja sjálf
oss: „Geri ég þetta, af því að aðrir gera það, eða vegna þess að
mér hefir verið kennt að gera það, eða geri ég það af vana?“ Vel
má vera, að það, sem aðrir gera, og það, sem þér hefir verið kennt
að gera, og það, sem þú gerir af vana, sé samkvæmt orði Guðs. —
En þér er skylt að fullvissa sálu þína um það, hvort svo sé eða ekki,
til þess að hlýðni þín sé sönn hlýðni, en ekki kaldur, dauður vani
eða eftirstæling annarra manna.
(b) Ef þú vilt hlýðnast Drottni Jesú, verður þú að „viðurkenna
hann með munni þínum“ (Róm. 10.9.). Ég veit, að margir segja
sem svo: „Trú mín er mér svo dýrmæt og trúmál svo heilög, að ég
vil ekki alltaf vera að tala um þau eins og hversdagsleg efni.“ Það
er rétt, að trúin er dýrmæt, og trúmál eru heilög, og þess vegna á
aldrei að tala um þau af léttúð eða eins og hversdagsleg efni. En
það er alls ekki rétt að geyma nokkuð hjá sjálfum sér, þegar það
getur orðið öðrum til gagns. Drotlinn Jesús vill vera frelsari kunn-
ingja þinna. Hann elskar þá, alveg eins og hann elskar þig. Það er
ótrúmennska, bæði gagnvart honum og mönnunum, að láta ekki í
ljós við þá, hve mikla blessun þú hefir fundið hjá honum, sem þeir
gætu líka fengið, ef þeir vildu aðeins leita hans. Ef allir hefðu
þagað um trúmál, þá hefðum vér allir hér í Norðurálfu verið heið-
ingjar og líklega villimenn allt til þessa dags. En Guði sé lof fyrir