Norðurljósið - 01.01.1969, Blaðsíða 180
180
NORÐURLJÓSIÐ
fjarlægir alla þá menn, sem ekki hlýða honumi, og lætur þá koma til
dóms vegna óhlýðni sinnar. Þetta er aðvörun frá Guði, sem ber að
gefa gaum. Sakir kærleika síns vill Guð komast hjá að refsa, hann
boðar þess vegna iðrun. En sakir réttlætis síns Oig réttvísi, sem er
„grundvöllur hásætis“ hans eins og biblían segir, getur hann ekki
komizt hjá að hegna þeim, sem óhlýðnast boði hans um iðrun.
„Vér biðjum í Krists stað: ,Látið sættast við Guð.‘“ (2. Kor.
5. 20.) Eg geri þessa bæn postulans að minni bæn. Ég bið jng, sem
lest þetta eða heyrir, að gera iðrun, leggja líf þitt í hönd Drottins
Jesú, biðja hann að frelsa þig, vera með þér og stjórna ævi þjhni
upp frá þessu. Gerðu þetta NU. S.íðasta tækifærið getur verið nú.
„Ver viðbúinn að mœta Guði þínum,“ segir í heilagri ritninpu.
Hlýð þú boði Guðs, gerðu iðrun nú. Sœm. G. Jóhannesson.
HVER FULLNÆGIR ÞESSUM KRÖFUM?
Eg verð að festa traust mitt á einhverjum þeim, sem getur frels-
að mig. Ég finn hann ekki á jörðu, svo að ég verð að leita hans
á himnum. Hann verður að vera „greindur frá syndurum.“ Almátt-
ugur verður hann að vera, svo að stjórnað geti hann örlögum
mínum. Alvizka hans verður að gerþekkja mig, og nálægð hans
að vera hjá mér alla tíma. Hann verður að vera sá, sem fullnægt
getur hverri þrá sálar minnar og heitum löngunum hjarta míns.
Hann verður að geta bugað sérhvern efa og ótta, sem þvingað
gætu mig um dagana. Ég verð að geta borið til hans fullkomið
traust. Hann verður að geta elskað mig fullkomlega, og að ég geti
algerlega reitt mig á sannleika hans. Ekki má vera unnt að mæla
hann á mannlegan mælikvarða, og mannlegir gallar geti aldrei
skyggt á dýrð hans. Hann verður að vera sá, sem heimurinn fælr
ekki rúmað, en þó sé hann alls staðar. Hann verður að vera mátt-
ugum máttugri, heilögum heilagri, yndislegum yndislegri, æðri en
hinir æðstu. Ég þarfnast einmitt hans, sem er óendanlega mikill
í öllu og hefir þau dýrlegu sérréttindi, að frelsa og blessa. Ég
þarfnast þess, að hann komi, verði hjá mér og blessi mig með
alnægri náð sinni og gæzku, ef mér á að verða blessunar auðið.
Er nokkur slíkur til? Hann er sonur Guðs. Hann hefir verið hér
á jörðu sem „Immanúel — Guð með oss.“ Hann er nú á himnum,
fulltrúi okkar frammi fyrir hásæti Guðs.
Heyman Wreford. (Þýtt).