Heimskringla - 04.08.1898, Qupperneq 1

f
Heimskringla.
XII. ÁR
WINNIPEG, MANITOBA, 4. Í.GÚST 1898.
NR 43
Vtestur- Islendingar
Minni 2. Ágúst 1898.
Þið sem fluttuð utan af
Eyju Vetrarbrauta;
Þar sem geymir Hættuhaf
H u 1 d n r norðurskauta,
Þar sem E1 d ar eiga stór
Öfl, svo jöklar gjósa,
Þó að bæði Sól og Sjór
Sýnist stundum frjósa.
Þið sem framsýn fóluð því—
Frost er lukust þaug um—
Gyltu hári g e i s 1 a n n í
Gr^æðis-bláma’ í augum.
Þið með m á 1 sem mararhljóð,
Mjúkt og hvelt sem gleðin,
Tungu sem í öllum óð
Enn þi bezt er kveðin !
Hvar sem helzt menn hýrleg sjá
Húsin ykkar brosa:
Geti allir glöggvast á
Gestrisninni Flosa.
Hvar sem skip við storma-strönd
Steyta’, og næðir marga :
Alténd sæki íslenzk hönd
Eldinn til að bjarga.
Hér á auðnum, óbygðs lands
Og á Sögu-leiðum :
Geymist verk hvers göfugs mans
Grettistök á heiðum !
Svo að állir segji, þó
Sveipist mold um beinin’:
Hér kom íslenzkt afl og hóf
Uppúrjörðu steininn.
Hvar sem Vægð úr Voða ber
Varmenskuna blinda
Benjum særð sem auðséð er
Engar hefndir binda,
Allir segji—sé hans gætt
Sök er vanst að hamla :
Drengur fallinn er af æ 11
Ingimundar gamla.
—Málið sterkt sem mararhljóð,
Mjúkt og hvelt sem gleðin,
Tungan sem í öllum óð
Allra bezt er kveðin :
Inn um sveit og verinn við
V 1 s u m kveður alla,
Sjávarbakkans b á r u k 1 i ð
Bergmálsómnum fjalla!
Stephan G. Stephansson.
Því miður kom hið ofanritaða á-
gæta kvæði of seint til þess að hægt
væri að flytja það á íslendingadaginn.
En vér erum þvi ánægðari að geta
prentað það í Hkr. í þetta sinn, og vér
erum hinum heiðraða höfundiþess mjög
þakklátir fyrir að hafa sent oss það.
Og ekkert væri oss ánægjulegra en
geta flutt lesendum vorum sem mest af
ljóðum herra Stephans G. Stephans-
sonar.
Ritstj.
Atvinnu-tækifæri
fyrir
íslenzka málmsmiði.
Hver sem vill takast á hendur að smiða
eitt eða fleiri þúsund af hinum nýja
giuggalás mínum, geri svo vel að senda
mér skriflegt tilboð um það fyrir 20.
ágúst n. k.
Samningsform og nauðsynlegar upp-
lýsingar ókeypis til umsækjanda.
Borgun áreiðanleg eftir samningi.
S. B. JÓNSSON,
869 Notre Dame ave.,
Winnipeg, Man.
Góðir landar,
þið frá Dakota og þið frá Manitoba sem
sækið Islendingadags-hátíðina í ár,
munið eftir því, að það er landi ykkar
sem verzlar að 680 Main St., og að hann
selur góðar vörur með lægra verði en
flestir aðrir. Sérstaklega verður alt
ódýrt hjá mér um íslendinga-daginn.
Komið, sjáið og sannfærist.
630 Main Str.
STRIDID.
Ekkert markvert hefir borið við síð-
an blað vort kom út síðast. Alt stend-
ur við það sama í Cuba. Það er þegar
byrjað að flytja spánsku hermennina
heim til sin. A Philippine-eyjunum
geneur ekkert eða rekur, alt situr þar
við það sama. Á Porto Rico fer Gen-
eral Miles eina sigurförina fráeinni
borginni til annarar; íbúarnir mæta
honum með mestu viðhöfn og gleðilát-
um, og þakka honum fyrir að koma og
frelsa sig undan oki Spánverja. Búist
er við að friður sé í nánd, og vér skýr-
um frá friðarkostunum í næsta blaði.
Frjettir.
Markverðustu viðburðir
hvaðanæfa.
Fregn kemur frá Suður-Ameríku
umþað, aðþrjú lýðveldin þar ætli að
ganga í samband, sera eitt lýðveldi, og
kalla sig : “United States of South
America.” Ríki þau sem í sambandið
ganga eru: Salvador, Honduras og
Nicaragua. Það er efalaust að sam-
bandið yrði þeim öllum til blessunar,
svo framarlega sem þau gætu haft inn-
byrðis frið.
McKinley forseti hefir tilkynt Gen-
eral Merriam, sem er yfirmaðurinn yfir
hernum í vesturrikjunum.að hann megi
taKa i herþjónustu Bandaríkjanna þá
af Hawaieyjabúum sem vilji ganga í
herínn. Þeir eru sagðir hermenn all-
góðir, og eru þvi góður viðbætir við
her Bandaríkjanna.
Blöðin eru að þvætta með það að
kona prinsins af Waléssé á förum heim
til foreldra sinna i Kaupmannahöfn;
sagt að megnt sundurlyndi eigi sér stað
á millí hjóeanna. Hún hefir einusinni
áður farið burt á sama hátt, 18.93, og
var þá nokkra mánuði í hurtu, en fyrir
fortölur annara lagaðist alt saman.
Enn þá er verið að búa út eitt skip
í Halifax með matvörur og ýmislegt
annað, sem á að reyna að smjúga inn
til Cuba, án þess að láta Bandaríkja -
herskipin verða vör. Það er öll von til
að því takist það ekki; tvö skip frá
Halifax hafa áður reynt það og bæði
verið tekin af Bandamönnum, og eru
nú seld við uppboð með öllum farmin-
um. ^
Ákaflega stórt naglaverkstæði brann
i Montreal 3. Ágúst, Pick Benny & Co.
voru eigendur verkstæðisins. Skaðinn
er metinn á $100.000, með fullri elds-
ábyrgð.
Vilhjálmur Þýzkalandskeisari sór
þess eið við likbörur gamla Bismarcks,
að hann skyldi viðhalda og vernda það
veldi, sem hin dána hetja hefði myndað
þó það kostaði blóð og peninga þjóðar-
innar.
Norskt gufuskip fórst í is um 500
milur frá New Brunswick, um 20. Júlí
Ellefu menn voru á skipinu og komust
þeir allir i báta, og fundust eftir 12
daga hrakning. Þeir voru aðframkomn-
ir af hungri.
Fregn frá Barcelona á Spáni segir
að Karlungar hafi gert uppreist skamt
frá bænum Lorida í Cataloniu.
Hitar hafa verið ákafir i Philadelp-
hia og grenndinni, eins og hvar annar-
staðar, fyrirfarandi vikur, en á mið-
vidudaginn æddi yfir borgina og ná-
grennið sá voðalegasti þrumustormur
og steypirigning, sem þar hefir nokkurn
tfma sázt. Á tæpum tveim klst. féllu
þvi nær 6 þuml. af vatni. Mörg stræti
bæjarins voru alveg undir vatni, sum-
staðar 3—4 feta djúpu, og allir kjallar-
ar fyltust á fáum minútum. Einn mað-
ur misti h'fið í einum kjallara sem fylt-
ist fljótara en hann gat komist upp.
Páfinn hefir sent skeyti til McKin-
ley þess efnis að hann biður hann af
fremsta megni að hvetja Dewey og
aðra yfirmenn Bandaríkjahersins til
þess að vernda presta sína og byskupa
á Philippine-eyjunum, fyrir heiftaræði
uppreistarmanua, sem ala ódauðlegt
hatur til þessara hempuskrýddu þorp-
ara, sem hafa ^með ráð og dáð kvalið^
fólkið og kúgað í fleiri mannsaldra.
Það er ef til vill ekki réttlátt að drepa
menn undir neinum kringumstæðum,
The more
you go
The more
you know.
F
*I1 því meira sem
þú veizt uin búðina
okkar, þvf minna kær-
ir þú þig um að fara
víðar. Ef þú vilt fá
góðar vörur, þá er þetta
búðin þín. Ef þú vilt
fá regluleg kjörkaup,
þá er þetta búðin þín.
Það er engar sviknar
eða gamlar vörur í
Commonwealth
Við brúkum engar lyg-
ar eða fals til að selja
vörur okkai., Þessa
viku seljum við dren-
gjafót svo ódýrt að það
má fremur heita gjöf
en sala.
THE
Cor. Main St. &
City Hall Square.
Hoover & Co.
en ef nokkrir menn eiga það skilið, þá
eru það þessir presta-fantar, þéir hafa
fleiri giæpi og svivirðingar á baki sér.
heldur en hinn argasti glæpamaður, er
leiddur er i gaigann til að hengjast.
Borgarstjóri Van Vyck frá New
York, sem dvelur í sumarhúsi sínu á
Long Island, bjargaði 3 stúlkum sem
voru að baða sig í sjónum skamt frá
landi. Ein þeirra var synd, en komst
þó ekki að landi. Hann bjargaði þeim
öllum einsamall, og voru þær meðvit-
undarlausar þegar þær voru færðar í
land, en röknuðu þá bráðlega við aftur.
Þetta var sannarlega djarfmannlega
gert af einum manni.
Margir beztu menn Bandarikjanna
og þar á meðal flestir þingmennirnir,
vilja að Bandaríkin haldi Philippine-
eyjunum framvegis, og sleppi ekki
neinu af þeim til Spánverja aftur, jafn-
vel þó þeir lofi því sem næst sjálfstjórn
fyrir eyiarnar. Þeir eru orðnir svo al-
þektir að því að svíkja loforð sin, að
það er ekki búist við að uppreistar-
mennirnir þar verði ánægðir með nokk-
uð annað en algerða lausn frá Spán-
verjum, og þá sérstakt lýðveldi, eða
eða inngöngu i Bandaríkja-sambandiö.
Hálf-ófriðlega litur út á milli Ítalíu
og Colombia-ríkisins i Suður-Ameríku.
Stjórnin í Colombia undirgegst fyrir
nokkrum árum síðan að hlíta dómi
Grover Clevelands, sem þá var forseti
Bandaríkjanna, í máli sem kom upp á
milli Itahu og Colombiu út af skaða
bótum, sem ítalskir þegnar heimtuðu
fyrir eignamissi i innbyrðis uppreisn
í Columbiu. Cleveland dæmdi ítölum
skaðabæturnar, um $300,000, og nú
áttu þær að greiðast. En Colombia er
lieldur sein til með peningana, svo ítalir
hafa sent flota sinn þangað, og á hann
að skjóta á helztu borgir þar. ef pen-
ingarnir verða ekki borgaðir innan 20
daga.
Það er ósköp þægilegt fyrir ítali
að eiga við Colombiamenn, því þeir
eiga engin herskip og engin þeirra borg
er víggirt. En það er ekki mjög djarf-
mannlegt að leggjast á varnarlausa
þjóð; getur verið líka að þeir hafi eitt-
hvað til sins málstaðar, svo þeir þurfl
ekki að bi.rga þessa skuld. Það er
vonandi að Bandaríkin líti eftir því að
réttindum þeirra sé ekki misboðið.
Kínverskur morðingi i California,
sem var að strjúka undan lögum og
dómi, var eltur af lögregluþjónum þar
til hann komst inn I púðurgerðarhús.
Nam hann þar staðar og hótaði að
sprengja alt í loft upp, ef þeir kæmu
nær. Lögregluþjónarnir vöktuðu hatin
nokkuð lengi í húsinu og reyndu að fá
hann til að ganga á þeirra vald, en það
var árangurslaust. Fór þeim þá að
leiðast þófið og ætluðu að’ganga inn í
húsið til hans, en áður nokkur vissi,
heyrðist voða-hvellur, og húsið með
öllu sern í því var þeyttist í smáögnum
út í loftið. Fjórir af lögregluþjónun-
um tættust sundur, en tveir köstuðust
langar leiðir, meira og minna limlestir,
en inuhu þó Iífi halda. Ein kona misti
einnig lffið; partur af húsi féll ofan á
hana. Omögulegt er að segja hvað orð
ið hefir af hinum jarðnesku leifum
Kínverjans, því ekki er hægt að finna
eina einustu tætju eftir af honum. —
Skaðinn á húsinu og eignum manna er
stórkostlégur. Hús hrundu til grunna
langt í burtú og mörg skekktust meira
ogminua.
Guluveikin gengur eins og grenj-
andi. ljón í herbúðnm Shafters. Yfir
3000 hafa veikina nú sem stendur, en
yfir 4000 alls eru veikir í herbúðunum.
Nærri 600 af þeim sem hafa haft gulu-
veikina, eru orðnir fullhraustir aftur,
og búnir að taka stöðu sína í hernum,
og að eiiweinir 3 hafa dáið af þessari
vondu veikil
Blaðið National Gazette í Berlin á
Þýzkalandi segir í grein, sem það færir
um Bandaríkio og Spán, að þó Banda-
menn hafi hraðað sér að ná fótfestu á
Porto, R'co. einkum síðan farið var að
tala um frið-á milli ríkjanna þá sé það
ekki láandi, þar sem allir viti að Spán
geti ekki borgað skaðabætur í pening-
um, og það er nauðsynlegt fyrir Banda-
meria að ná haldi á löndum Spánverja.
sem geta að einbverju leyti bætt þeim
allan bann kostnað. — Það er nýtt að
heyra þetta hljóð í strokknum.
Síðustu fréttir segja að Camera sé
kominn heim til Cadiz á Spáni aftur.
Ef hanij'helst þar lengi við verður ekki
óþægilegt fyrir'Watsoirað*finna hann,
Miss áchley, frændstúlka Commo-
dore Schleys, fór til Spánar fyrir
nokkru síðan og ætlaði að .hafa tal af
Sagasta ráðaneytisformanni, og reyna
að fá hann til þess að gera friðarsamn-
inga. Ferðin mislukkaðíst alveg; hún
fekk ekki tal af neinum málsmetandi
manni og sneri svo heimleiðis aftur.
Megn óánægja á sér stað i St. Thom-
as herbúðunum, skamt frá Chattanoo-
ga, þar sem 5. Illinois herdeildin er.
Herdeildinni hafði verið skipað að vera
tilbúin að fara til Porto Rico, og voru
allir hermennirnir mjög ánægðir yfir
að fá að hreyfa sig,- En þegar tíminn
kom, sem þeir höfðu búist við að fara,
þá kom skipun um að þeirra þyrfti
ekki með. Mennirnir kenna yfirmanni
sínum. herforingja Oliver, um þetta alt
saman, segjaaðhann sakir hugleysis
hafi fengið þessu hagað þannig. Hóta
mennirnir nú öllu illu, ef þeir fái ekki
að fara með hinum herdeildunurn og
berjast við Spánverja.
Hinn ungi konungur Spánverja
hefir verið veikur fyrirfarandi af misl-
ingum, en er nú á góðum afturbata.
Svo fijótt sem hann verður albata er
búist við að hin konunglega fjölskylda
færi sig frá Madrid og upp til fjalla hjá
La Grania, nokkra tugi mílna frá Mad-
ríd.
Spánarstjórn heflr skipað General
Rico, sem hefir verið landstjóri á Viz-
ceya-eyjunni, sem yfirmann yfir öllum
Philippine eyjunum. Þetta var gert til
þess að Spánn að nafninu til hefði yfir-
ráð yfir eyjunum, þó General Augusti
hafi gefið Manila upp fyrir Bandaríkja-
mönnum.
ítalir ætla sér að apa eftir stórveld-
um heimsins og auka stórkostlega sjó-
flota sinn framvegis. Peningar hafa
þegar verið veittir til þess.
Ákaflega margir deyja af hinum
miklu hitum sem hafa gengið unRanfar-
andi í stórborgunum í austur-Canada.
F.inna mest hefir borið á því i Ottawa,
þar sem svo tugum skiftir hafa stund-
um dáið á einum degi.
Gamli Bismarck sálaðist á laugar-
dagskvöldið var. Karlinn hafði verið
veikur síðan 20. Júní en engum kom til
hugar að hann væri kominn svona
nærri því að deyja. Dauðastríðið var
hart og þungbært, því hann tók út
mestu kvalir síðasta klukkutímann sem
hann lifði. —Bismarcks verður getið ná-
kvæmar síðar í Heimskringlu.
Erkibiskup John Walsh dó í Toronto
á sunnudagskvöldið, var. Hann var
einn af hinum merkustu leiðtogum
kaþólsku kyrkjunnar í Canada, og hafði
starfað mjög mikið fyrir kyrkju sína.
30 ára blaðamenska
Jóns ólafssonar.
Jón Ólafsson ininnist þess í “Nýju
Öldinni” (hinu nýstofnaða blaði sínu),
að 7. Janúar síðastl. hafi veriö liðin 30
ár siðan hann fór að skrifa i blóð að
staðaldri og orðið hinn ábyrgðarlausi
ritstjóri Baldurs. Siðan hefir Jón
lengst af stýrt einhverju blaði, annað-
hvort hér á landi eða fyrir vestan haf.
Hafa blöð hans ávalt þótt með fróðleg-
ustu, skemtilegustu og tilþrifamestu
blöðum landsins og oftast fylgt þeim
stefnum, sem hin yngri kynslóð þjóðar-
innar hefir aðhylst. Nýja Öldin er að
verða bezta fréttablað landsins og hefir
þann kost fram yfir mörg hin fyrri
blöð Jóns, að nú er minna af stórhnútu
kasti til annara blaða og einstakra
manna, en menn stundum áður hafa
átt að venjast úr þeirri átt. og er það
sómi fyrir Jón, sem nú er farinn að
eldast, að gæta meira hófs í þessu efni,
Og þó Stefnir sé ekki að öllu leyti al-
gerlega saradóma Jóni í stjórnarskrár-
málinu, vill hann mæla hið bezta fram
mnð hinn nýja blaðihans, sem segja má
að gefið sé út af hinum reyndasta og
færasta blaðamanni landsics.
(Eftir Stefni).
Tambs Lyche
ritstjóri Kringsjár.
(Eftir “Nýja Öldin”)
I öndveginú einn þú sast
og ait á móti sól,
og horfðir yfir loft og lög
og lönd, sem myrkrið fól.
Þú leitaðir eftir ljósi’ og yl,
sem leiftur dagsins ól,
frá árdags-bjarma.upptökum
að aftanroða stól.
Það métti kalla’. að Hliðsfrjhlf heimg
þú hreppir — Óðins naut;
því yztu höf þitt auga nam
og allra landa skaut.
Af stjörnum dróst þú huliðs-hjúp
i himinblámans unn
og mararbúa mergðir leist
við meginsævar grunn.
Þú laukst upp Dofra leynisal
með lykli anda þíns;
þar logaðí sjálfur ljósvakinn
á lampa Aladíns;
og bergið varð að hárri hðll.
hver hurð úr grópi veik,
en fossins andi og íjallsins sál
þar fóru’ í risaleik.
Þótt væri sjónin byrgð og blind,
i burtu hulan vék,
en andinn fór úr hofi’ í höll
—’ann hoppaði’ upp og lék
frá dags og nætur deildum verð
til dularkrafta ranns,
við x-geislanna undra-lind
og útsæ ljósvakans.
Þú lýstir gegn um holt og hæð
í huldra krafta grunn *
og þýddir dauðra manna mál,
sem Mími voru’ei kunn.
Og margri sálu bjóst þú borð
af birgðum anda þíns;
þar logaði’ — ekki lengi’, en vel
á lampa Aladins.
Úr “horninu” þinu hljómaði dátt
þitt hjartans mál um storð.
Það var ei Heimdalls hvella raust,
en hugljúft mannvits orð.
Úr gliti sólar gull þú ófst
og geisla barst á leið
— á þeirra leið, sem krepti’ og kól
og kararvistin beið.
Með \>ósti hverjum Ijós og líf
um löndin sendir þú,
og sýndir kreddu : kærleikann,
en klerki: von og trú.
í glöðum huga gekst þú kring
með góðra þinga val
— með lýsigull í karlsins kot
og kóngsins hallar-sal.
í anda sástu’ um alla jörð,
og alt af móti sól,
frá árdagsbj*rma upptökum
og aft^nroða sól.
Og eflaust flutti andi þinn
til allra-krafta-lands
við x-geislanna undra-straum
— í ægi ljósvakans.
Goðmunður Friðjónsson.
Dr. N. J. Crowford
PHYCICIAN AND
SURGE0N ....
462 Main St., Winnipeg, Man.
Office Hours from 2 to 6 p.m.
íslands-fréttir.
Seyðisflrði, 18. Júní 1898.
(Eftir Bjarka)
Mannalát; Þann 11. þ, m. andað*
ist að Þverhamri í Breiðdal merkisken-
an Þórdís Árnadóttir eftir langa og
stranga sjúkdómslegu. Þórdís sál var
gift merkisbóndanum Guðmundi Péturs
syni á Þverhamri, þau höfðu lifað sam-
an í hjónabandi í 13 ár, átt 4 börn og
lifa 3 þeirra. Þórdís sál. var mesta
ágætis kona, elskuð og virt af öllum
sem þektu hann.
Jónas Jónsson verzlnnarstjóri rá
Hofsós er nýdáinn á Sauðárkrók. Jón-
as var sonur Jóns bónda Hinrikssonar
á Helluyaði, en bróðir Jóns alþingis-
manns í Múla.
i
26. Júní.
Zeuthen læknir á Eskifirði hefir'
fengið lausn frá embætti frá 81. Júlí.
2. Júlí.
- Veður er hér nú ágætt og syo hefir
verið alla þessa viku, sólskin og hiti
hvern dag 17—19 stig í skugga og mild-
ar gróðrarskúrir þegar menn óskuðu, í
einu orðí sagt: veðrið hefir verið öl'dung
is eins og sumar á að vera. Kaldara í
dag.
Fiskur er tregur, þó er sagt að
nokkrir bátar hafi hlaðið á miðvikudag
inn; þeir beittu nýrri síld.
Síldar.vart varð á Brimnesi í net, á
þá síld fiskaðist vel.
Reykjavík, 2. Júlí 1898.
(Nýja Öldin).
Af ísafirði segir “Þ. u.” heldur
góða veðráttu fram að 24. f. m. Afla-
brögð þilskipa úr kaupstaðnum mjög
léleg, lítur út fyrir stórtjón af þeim út-
veg. I verstöðunum fyrir innan Arn-
arnes góður jifli á opin skip, en-Utið uih
hann á Út-Djúpinu.
Úr Skagafirði er oss skrifað að tíð
sé köld og grasspretta þvi treg.
Reykjavík 15. 1898.
(Eftir Þjóðólfi).
Eldingu laust niður 29. f. m. í
skemmu á Brjámstöðum í Grímsnesi,
er var áföst við baðstofuna og að eins
timburveggur á railli. Eldingunni sló
niður í það horn skemmunnar, er að
baðstofunni vissi, mölvaði í smámola
fjórða hlut skemmunnar og klauf hana
að endilöngu, svo að sperrur hlupu út
af sillum. 12 rúður brotnnðu als i
skemmunni, baðstofunni og stofuhúsi
og var furða að eigi hlauzt manntjón af
þessum þrumueldi,
Grasvöxtur er nú i betra lagi á
túnum hér sunnanlands. Sláttur
byrjaður viðast hvar i sveitum en nýt-
ing engin enn sem komið er sakir sí-
feldra óþurka.
Forstöðumannnsembættið við holds
veikraspítalann i Laugarnesi er nú
veitt Guðmundi Böðvarssyni fyrrum
kaupmanni í Hafnarfirði. Auk hans
sóttu margir, þar á meðal séra Jóhann
Þorsteinsson í Stafholti og Þorleifur
Jónsson alþm. á Sólheimum—Gjaldkera
—og ráðskonustarfið við spítalann er
enn ekki veitt.
Sjálfsmorð. Seint i f. m. varpaði
einn háseti sér útbyrðis af fiskiskútu is-
firzkri, er lá i Höfn á Hornströndum.
Hann hét Alfur Magnússon, ættaður
héðan að sunnan (úr Garð). Hafði
gengið i latinuskólann 1885 og var kom-
inn i 4, bekk, þá er hann varð að fara
úr skóla sakir drykkjskaparóreglu, og
bafðist eftir það við vestra við barna-
kennslu á vetrum og sjómennsku á
sumrum. Hann var vel gáfaður og
skáldmæltur en auðnulítill. ’ Var að
eins 27 ára gamall (f. 26. febr. 1871).
Um fréttaþráðinn til íslands hffir
þeð heyrzt, að enska stjórnin hafi nú
algerlega neitað að leggja nokkurt fé
til hans. Haiði fyrirspurn um þetta
verið borin upp í parlamentinu, og
stjórnin þá skýrt frá þvi, að hún stuðl-
aði ekki að fréttaþráðarlagningu til
annara landa, nema hún sæisórein-
hvern hagnað við það, ef ófrið bæri að
höndum, og auk þess styrki hún alls
ekki erlend fréttaþráðarfélög til slíkra
fyrirtækja. Samkvæmt þessum fregn-
um, séu þær áreiðanlegar, þurfum vér
líklega ekki að vænta þess að frétta-
þráður verði lagður hingað að sinni.