Heimskringla - 27.01.1932, Page 1
XLVI. ÁRGANGUR.
WTNNIPEG MIÐVIKUDAGINN 27. JAN. 1932
NÚMER 18
DTERS & CLEANERS, LTD.
Ladies’ Dresses
Cloth, Wool Q 4 AA
or Jersey ....... $ I «UU
CALL 37 061
DYERS & CLEANERS, LTD.
Men’s Suits
Suits ........
Hats
$1.00
50c
CALL 37 061
GRÍMSSON DÓMARA
OG KONU HANS
HALDIÐ SAMSÆTI.
Mánudaginn 11. janúar var
Guðm. Grímssyni dómara í
Rugby, N. D., og konu hans,
haldið fjölment . fagnaðarsam-
sæti á Cramond hótelinu í Rug-
by, af bæjar og bygðarbúum.
Tilefnið var að Grímssons-
hjónin höfðu þá verið gift í
rúmlega 25 ár. Á giftingardag
jþeirra varð ekki komið við að
halda samsætið, vegna fjarveru
dómarans síðastliðna tvo til
þrjá mánuði.
Einnig stóð nú svo á, að
Grímssons hjónin höfðu ákveð-
ið að leggja af stað síðar í vik-
unni í ferð heim til íslands. Bú-
ast þau við að dvelja í tvo mán-
uði á Islandi.
Samfara silfurbrúðkaupinu
voru því fararheillakveðjur flutt
ar hjónunum.
Eftir að silfurbrúðhjónin
höfðu verið leidd til sætis, voru
ræður haldnar af leiðtogum
héraðsins, svo sem borgarstjóra
A. O. Christensen, Mrs. Eva B.
Fly og A. R. Jongerward. —
Hafði hinum síðastnefnda ver-
ið falið að afhenda silfurbrúð-
hjónunum minjagjöf, sem vel-
vildar og virðingarvott frá hér-
aðsbúum. — Voru ræðurnar
jirungnar af hlýhug og innileik
og virðingu til þeirra hjóna. —
Allskonar söng, ávörp og upp-
lestra skemti fólk sér einnig
við.
í lok samsætisins þökkuðu
hjónin fyrir sig. Mintist Mr.
Grímsson á fyrstu búskaparár
sín í smábænum Munich, þar
sem þau dvöldu nokkur ár, og
til þess tíma er þau settust að
í Rugby. Var frásögn hans hin
skemtilegasta og vöktu minn-
ingar þessara fyrri strits- og
stríðsára, oft bros hjá áheyr-
endunum.
Samsætinu stjórnaði Mr. J.
G. McKlintock og fórst það
prýðilega.
Biaðið “Pierce County Tri-
bune’’, sem frétt þessi er tekin
úr, lýkur frásögn sinni af sam-
sætinu með því, að hundruðir
manna í bygð þessari gleðjist
yfir því, að Grímssons hjónin
eigi heima á meðal þeirra.
SKRIFAR UM HOCKEYLEIKA
Frank Fredrickson íslenzki
hockey-leikarinn alkunni, hefir
verið ráðinn af blaðinu Mani-
toba Free Press til þess að
skrifa greinir um Hockey-leika.
Kom fyrsta grein hans í blað-
inu í gærmorgun. Er enginn efi
á því, að Mr. Frederickson get-
ur margan frætt í því efni. —
Hann hefir svo lengi verið þátt
takandi í Hockeyleikjum, að
fár eða enginn hér um slóðir
mun af meiri reynslu geta um
þá talað. Hann hefir leikið frá
blautu barnsbeini ef svo má að
orði komast, leik þenna, og
hann hélt því áfram og lét ekki
staðar numið fyr en hann hafði
þann orðstír unnið islending-
um, er seint mun fyrnast. Eins
og menn muna, var hann for-
ingi Fálkanna, er til Evrópu
fóru árið 1920 til þess að taka
þátt í Ólympsku leikjunum, og
sem ósigrandi reyndust þar og
komu heim aftur hockey-kappar
heimsins. Er vonandi að grein-
arnar í Free Press verði ti!
Þess, að hvetja unga íslenzka
hockey-leikara til þess að vinna
sér og íslendingum eins til
írægðar og frama, og Fálkarnir
Serðu undir forystu Franks
Krederickson.
AGNAR R. MAGNÚSSON
kennari, sá er vann Halldórs-
sonsbikarinn fyrir flesta tafl-
vinninga innan taflfélagsins fs-
land á síðastliðnu ári.
TAFLFÉLAGIÐ “ÍSLAND”
Árið 1924 stofnuðu nokkrir
íslendingar í Winnipeg tafl-
lag, er þeir nefndu ísland. Hef-
ir félagið verið mjög yfirlætis-
laust, en æfingum hefir það
haldið uppi ár frá ári síðan.
Eru nú ýmsir ágætir taflmenn
í því. Má þar á meðal nefna
Guðjón Kristjánsson er fyrir
þremur árum síðan varð tafl-
kappi Canada í bréflegum töfl-
um. Má því segja að betur hafi
af stað verið farið með félag
þetta en ekki. Tafl er ekki
íremur íslenzk íþrótt en út-
lend. Það er alheims íþrótt.
Það gefur íslendingum óskoruð
völd til að etja kappi við hvern
sem er. Tafl er því eitt af því
sem óþarft er fyrir íslendinga
að leggja niður, þó hingað séu
komnir, og ætti að vera iðkað.
Það æfir hugsunina og er auk
þess góð skemtun.
En svo hefir tafl eflaust tals-
vert verið iðkað til forna. — I
íslendingasögunum er oft getið
um að menn hafi að tafli set-
ið; og kvenfólk tefldi. Og þá
máttu karlmennirnir gæta að
sér. Allir muna eftir óförum
Kjatans fyir Ingibjörgu. En svo
vissu menn nú að þar voru
önnur brögð í og með í tafli.
Síðastliðið föstudagskvöld hélt
taflfélagið samkomu. Voru þar
gerðir upp reikningar taflmanna
fyrir frammistöðuna á árinu
og verðlaunin afhent. Sá er til
fyrstu verðlauna hafði unnið,
hlaut Haldórssons bikarinn, sem
taflkappi félagsins. Varð Agn-
ar Magnússon kennari fyrir
þeim heiðri. Önnur verðlaun
hlaut Hannes Líndal og þriðju
verðlaun Jón Bergmann.
Kappspil var einnig skemt sér
við á samkomunni. En áður en
í þann bardaga lauzt, hélt A.
S. Bardal ræðu, en Ólafur Guð-
mundsson og Davíð Jensson
skemtu með söng.
Happdrætti um tonn af kolum
fór einnig fram. Varð Carl Thor
láksson þar hlutskarpastur. —
Gaf hann tonnið aftur, en þeg-
ar dregið var um það í annað
sinn, fór á sömu leið. Var lukk-
an auðsjáanlega með honum
þetta kvöld, og þótti ekki hæfa
að halda lengur áfram þessum
leik. Lauk með því þessari góðu
skemtun félagsins.
UNGMENNAFÉLAGIÐ
f WYNYARD.
Ungmennafélagið í Wynyard
hélt ársfund sinn 10. jan. Var
fjöldi manns viðstatt, því auk
þess sem þetta var starfsfundur
félagsins, fór þar fram ágæt
skemtun. Fyrv. forseti félags-
ins, Fred Bjarnason, lýsti hag
félagsins, og bað séra Ragnar
E. Kvaran, er var gestur á
fundinum, að segja fáein orð.
Mintist hann á störf þau, er
sér fyndist viðeigandi að félag-
ið hefði helzt með höndum. —
Benti hann á að það ætti að
gangast fyrir að sýna leiki.
Kvað hann það starf myndi
þakksamlega þegið af almenn-
ingi. Einnig benti hann á, að
félagið ætti að stofna söng-
flokk. Var þessum málum vel
tekið og þegar kosnar nefndir
til þess að gangast fyrir fram-
kvæmdum. Voru í leiknefndina
kosnir: Olive Axdal, Rúna
Bjarnason, Chris Axdal, Ellis
Gíslason og Evelyn Jónasson.
f málið um stofnun söngflokks
voru þessir kosnir: Mildred
Bjarnason, John Axdal, Lou
Peterson og Kári Sigurjónsson.
f stjórnarnefnd hlutu þessir
kosningu:
Forseti, Ellis Gíslason
Varaforseti, Bogi Johnson
Ritari, Emily Halldórsson
Féhirðir, Kári Sigurjónsson
Að fundarstörfum loknum
fór fram kappræða milli ung-
mennanna. Efnið var, að nú-
tíðar kvenþjóðin stæði betur í
húsfreyjustöðunni heldur en
konur fyrir 50 árum. Ellis
Gíslason og Pete Jónasson
mæltu með játandi hliðinni, en
Chris Axdal og Arthur Hjálm-
arsson andmæltu þeim. Játandi
hliðin vann, ungu kvenþjóðinni
auðvitað til mikillar gleði. Dóm-
arar voru^Séra R. E. Kvaran,
Árni Sigiirðsson og Fred Bjarna
son. Áheyrendur höfðu mikla
skemtun af kappræðunni. Þótti
mönnum vel hafa borgað sig
að sækja þessa skemtun, þó
veður væri fremur kalt þetta
kvöld.
SAMSÖNGUR KARLAKÓRSINS
Ágætri söngskemtun mega
íslendingar i Wpeg. búast við
miðvikudaginn 3. febrúar n. k.
í Fyrstu lút. fcirkjunni á Victor
stræti, er karlakór íslendinga í
Winnipeg efnir til samsöngs und
ir stjórn hr. Brynjólfs Þorláks-
sonar.
Söngskráin, sem auglýst er
á öðrum stað hér í blaðinu, er
löng og valin af smekkvísi, eins
og vænta mátti af söngstjóran-
um, sem hefir mikla æfingu
við að stjórna karlakór, og hef-
ir jafnan farist hún prýðilega
úr hendi að dómi allra, sem til
þekkja. Auk þess verður fiðlu-
sóló til uppfyllingar og tilbreyt-
ingar, og er það helzt ljóður á
ráði söngflokksins, að fá ekki
þar tii íslenzka menn, sem til
eru mjög efnilegir. En hverjar
orsakir, sem kunna að liggja
til þess í þetta sinn, að út
þeirri reglu var brugðið, þá
mun þó hér vera mjög góður
fiðluleikari á ferðinni, Mr. Al-
lan Murray, sem vafalaust verð
ur ánægjulegt að hlusta á. Leik-
ur hann tvö viðfangsefni eftir
Mendelssohn og eitt eftir Mus-
in: Mazurka de Concert.
Karlakór íslendinga er ungur
ennþá og stendur vafalaust til
bóta enda segja kunnugir menn
að hann sé nú í hraðri framför
Mun hann telja um 35 meðlimi
og eru þar í flestir hinir beztu
söngkraftar meðal íslendinga
í borginni. Er félagslífi íslend-
inga yfirleitt hin mesta sæmd
að starfsemi flokksins, og muu
hann ásamt öðru geta orðið
til að kynna hið íslenzka þjóð-
arbrot og afla því álits.
Má þess vegna vænta þess,
að menn kunni vel að meta
viðleitni þessa félagsskapar að
halda uppi fögrum listum með-
al Vestur-íslendinga, og fylli
kirkjuna n. k. miðvikudag —
og veiti sjálfum sér með því um
leið betri skemtun, en líklegt
er að þeir eigi kost á að jafn-
aði.
UPPREISN f DARTMOOR
FANGELSI.
Um 300 fangar í Dartmoor-
fangelsinu á Englandi, gerðu
uppreisn s.l. laugardag. Þeir
ruddu mönnunum, sem fanga-
gæzluna annast, úr vegi og
brutust út. Lenti lögreglan f
eltingaleik við þá, er stóð yfir
í heilan dag. Var föngunum
aftur náð, en um 80 af þeim
voru meira eða minna særðir,
en ekki hættulega þó, nema
einn eða tveir. Hefir víst aldrei
neitt þessu líkt komið fyrir áð-
ur á Englandi.
í fréttunum af þessu er sagt
að fangarnir hafi gert þessa
uppreisn vegna þess ,að þeir
fengu ekki sykur með grautn-
um einn morguninn. Hvort sem
það er nú satt eða ekki, getur
skeð að lélegt fæði hafi verið
orsökin.
Síðar bárust fréttir um að
bílar, sem kommúnistar áttu
hefðu verið æði margir úti fyr-
ir fangelsinu, er uppþotið varð,
og að þeir hafi átt að skjóta
föngunum undan. Er þá einnig
af því dregin sú ályktun, að
kommúnistar hafi átt þátt í
uppþotinu. Um það verður þó
ekki með vissu sagt.
DÆMDIR TIL 5 OG 6 ÁRA
FANGAVISTAR.
Innbrotsþjófarnir tveir, Fi*ank
Snowden og John Proctor, sem
getið var um í síðasta blaði að
lögreglan hafi handsamað, hafa
meðgengið að hafa brotist inn
í 68 hús. Hafa þeir nú verið
dæmdir til fangelsisvistar, ann-
ar, Snowden til 6 ára, en Proc-
tor til 5 ára. Þeir höfðu báðir
verið áður í fangelsi. Þýfið, er
þeir hafa meðgengið að hafa
tekið, nemur $5000.
UPPREISN f SALVADOR
í Salvador lýðveldinu í Mið-
Ameríku hófst uppreisn s. 1.
viku. Eru kommúnistar sagðir
valdir að henni. Hafa menn
jafnvel svo þúsundum skiftir
verið sviftir lífi. Og eignatjónið
er mikið. Hafa bæði Canada
og Bandaríkin sent þangað her-
skip til að vernda líf Canada-
og Bandaríkjamanna. Stjórnin
hefir að einhverju leyti með
hervaldi getað bælt uppreisn-
ina niður, en ekki verður þó
sagt enn sem komið er, að
henni sé lokið eða hvernig
henni lýkur.
NÝR FJÁRMÁLARÁÐHERRA.
Þegar sambandsþingið kem-
ur næst saman, er búist við að
forsætisráðherra R. B. Benn-
ett leggi niður fjármálaráðherra
embættið. Sá er við því tekur,
er talinn vera Hon. E. N. Rho-
des, núverandi ráðherra fiski-
veiða. En hver við hans fyrri
stöðu tekur er enn ekki kunn-
ugt um. Ef til vill hefir hann
út næsta þing, einnig eftirlit
fiskimáladeildarinnar.
NÝR SKATTUR LAGÐUR
Á ÁFENGI.
Fylkisstjórnin í Quebec hefir
lagt nýjan skatt á áfengis-
neyzlu. Sá er kaupir 13 únzur
af sterku víni, greiðir 5 cents
í skatt, frá 13 til 26 únzur, 10
cents, og 15 cents á kaupum
er meira nema. Skattinum á
að verja til framfærslu at-
yinnulausum mönnum.
HALDÓR HALDÓRSSON
fasteignasali, nú í Los Angel-
es, Cal., er bikarinn gaf tafl-
félaginu ísland.
FRÁ FÁLKUM.
Þann 22. jan. léku Fálkar á
móti Baracks og unnu þá með
4 á móti 0. Drengir okkar léku
allir vel það kvöld og höfðu
hinir aldrei neitt tækifæri frá
byrjun til enda. Og hefði það
ekki verið fyrir markvörð
þeirra, þá hefði farið mikið ver
t'yrir þeim, en hann varðist af
snild, þó hann gæti ekki stöðv-
að Fálkana frá að vinna.
Þeir sem skutu í mark fyrir
Fálka voru þessir:
Albert Johnson, 1
W. Bjarnason, 1
Ad Jóhannesson, 1
Ingi Jóhannesson, 1
C. Munroe skaut einu sinni
í mark, en það var talið ógilt.
Albert okkar Johnson var
þrisvar sinnum settur í skannn
arkrókinn fyrir einhver smá-
ræðis afglöp. Þeir sem léku
fyrir Fálkana, voru þeissir:
Albert Dalloway markvörður
Albert Johnson
W. Bjarnason
Árni Jóhannesson
Ingi Jóhannesson
Matt Jóhannesson
Ad Jóhannesson
P. Palmateer
C. Munroe
Þann 20. jan. lékum við okk-
ar á milli á Wesley skauta-
hringnum, og léku þar aðeins
tveir af okkar flokkum, þeir
Natives og Rangers, og unnu
Natives með 7 á móti 3. Þeir
H. Chase og S. Paterson léku
af mestu snild. Þeir voru báðir
sem einn maður, og stóðst ekk-
ert við. Og Árni Jóhannesson
dró ekkert af sér, og var hann
alstaðar fyrir Rangers, þvi
hann er eldfljótur á skautum
og fimur vel. Skúli Anderson
lék og vel. Hann er fullur af
ákafa og liggur aldrei á liði
sínu og líkar ekki að tapa. —
Enda fengu Rangers að kenna
á því þegar þeir ruddust allir
fram. Þeir W. Sigmundsson
og H. Stohn voru innverðir, og
var hart fyrir Rangers að kom-
ast framhjá þeim, því þeir stóðu
sem bjarg og drógu þó Ran-
gers hvergi af sér. En þess má
líka geta, að Rangers voru án
aðstoðar eins síns bezta manns
því P. Palmateer var ekki úti
það kvöld, svo það veikti þá
mikið.
Þeir sem léku fyrir Natives,
voru þessir: Albert Dalloway,
markvörður, W. Sigmundsson,
Thor Stohn, H. Chase, S. Pat-
erson, Árni Jóhannesson. S.
Anderson.
En fyrir Rangers voru þessir:
H. Pálsson markvörður, H.
Bjarnason, P. Frederickson, M.
Jóhannesson, H. Loftsson, R.
Jóhannesson, S. Vigfússon.
Gjafir til Fálka:
Þjóðræknisfélagið ..... $50.00
Árni Eggertson ........ 10.00
Ónefnd kona............ 10.00
Jack Snydal ............. 5.00
Samtals ................$75.00
Við erum þeim innilega þakk-
látir, sem hafa sýnt okkur
þenna velvildarhug, með því að
styrkja okkur, og munum við
reyna að sýna það, að við er-
um þess verðugir; og væri von-
andi, að fleiri, sem eiga hægt
með, vildu reyna til að styðja
okkur, því það er kostnaðar-
samt að halda svona félagsskap
við lýði. Við höfum 4 hockey
flokka, sem við erum að æfa
á Wesley skautahringnum, og
það kostar okkur $100 yfir vet-
urinn. Svo höfum við einn
flokk, sem leikur í St. James
Intermediate League, og það
kostar okkur $30. Svo höfum
við æfingar í G. T. húsinu fyr-
ir unglinga og fullorðna á
hverju mánudagskvöldi, og á
fimtudagskvöldin höfum við
æfingar fyrir stúlkur. Svo það
sést að við erum að reyna til
að gera okkar bezta með að
halda saman unga fólkinu, og
meirihlutinn af öllum eru Is-
lendingar. Svo það væri vel
gert af þeim, sem geta, ef þeir
vildu styðja okkur.
Happadráttar úrslit fyrir
hockeydeild Fálkanna, er var
dregið um í Goodtemplarahús-
inu fimtudagskvöldið 21. jan.:
1. P. Gunn, 20 Lindsay St.
2. Ross Forest, 534 Banning
Street.
3. G. Jóhannesson, 920 Sher-
burn St.
Fálkar hafa Whist Drive og
dans á hverju laugardagskvöldi
í neðri sal G. T. hússins. Kom-
ið og styðjið þar með félags-
skap okkar.
Pete Sigurðsson.
FRÁ fSLANDI
Rvík. 19. des.
Sýning á nokkurum málverk-
um eftir Jóhannes Kjarval var
opnuð í Charlottenborg á þriðju
dag s. 1., að viðstöddum Sveini
Björnssyni sendiherra og frú
hans, frú Tove Kjarval o. fl.
Áður en sýningin hófst hafði
eitt af stærstu málverkunum
selst. Er það af Esjunni. —
* * *
Dánarfregn
Rvík. 22. des.
Frú Kristín Jónsdóttir frá
Holtastöðum í Langadal andað-
ist 20. þ. m. Hún var orðin há-
öldruð og dvaldist með dætrum
sínum hér syðra mörg síðustu
árin. Mann sinn, Jósafat Jónat
ansson, hreppstjóra og alþm.,
misti hún 1905, og höfðu þau
þá lengi búið rausnarbúi á
Holtastöðum. Frú Kristín var
fríðleikskona og höfðingi í sjón
og reynd.
HVAÐANÆFA.
Sextíu bækur á dag.
Bókaútgáfa var engu minni í
haust en undanfarin haust,
þrátt fyrir kreppuna. Frá árinu
1920 hefir fjöldi nýrra útgáfu-
bóka aukist ár frá ári. Árið
1930 voru gefnar út í Bretlandi
22,657 nýjar bækur, eða að
meðaltali um sextíu bækur á
dag. Tölur þær, sem fyrir hendi
eru um bókaútgáfu í ár, benda
til þess, að enn fleiri bækur
verði gefnar út í ár en í fyrra.
Auk þess verður að telja vafa-
samt, hvort bókaútgáfa hefir
nokkuru sinni komist á hærra
stig en nú, að því er frágang
snertir, pappír, prentun og band.
Frh. á 8 bls.