Lögberg


Lögberg - 23.05.1935, Qupperneq 1

Lögberg - 23.05.1935, Qupperneq 1
48. ARGANGUR WINNIPEG, MAN., FIMTUDAGINN 23. MAÍ 1935 NÚMER 21 PRÓFESSOR SVEINBJÖRN JOHNSON Hinn mikilsvirti og ágæti íslendingur, Sveinbjörn Johnson, ' prófessor í lögum við rikisháskólann í Illinois, og fyrrum dómari í hæztarétti North Dakota ríkis, hefir orðið fyrir þeirri miklu sæmd, að vera til þess valinn af Roosevelt forseta, að takast á hendur yfirumsjón með úthlutan alls þess fjár, er Illinois-ríki fellur í skaut i hlutfalli við önnur ríki af þeirri $4,800,000,000 f jár_ hæð er þjóðþingið í Washington hefir afgreitt, samkvæmt kröf- um forseta, atvinnulífi þjóðarinnar til viðreisnar, sem Director of the National Emergency Council for the State of Illinois. Verð- ur prófessor Sveinbjörn milligöngumaður milli stjórnar Illinois- ríkis og sambandsstj órnarinnar í Washington. Líklegt þykir að fé það, er Washingtonstjórn leggur Illinois-ríki til með þessum hætti, nemi alt að þrjú hundruð miljónum dala. Allar uppástung- ur um fjárframlög úr þessum alþjóðar viðreisnarsjóði Illinois- ríki til handa, verða að öðlast fullkomin meðmæli prófessor Svein- björns, áður þau verða tekin til íhugunar og afgreiðslu af sam- bandsstjórn.— Ofanskráðar upplýsingar bárust Dr. Birni B. Jónssyni bréf- lega í hendur, og sýndi hann Lögbergi þann góðvilja að leyfa því að verða þeirra aðnjótandi. Nýkomin Bandarikjablöð flytja einn. ig þessa frétt. Prófessor Sveinbjörn Johnson er með allra ágætustu Vestur- íslendingum, og maklegur í hvívetna þeirrar stórsæmdar, er hon- um hefir með þessu í skaut fallið. Hann var, sem kunnugt er, einn þeirra, er fyrir hönd Bandaríkjastjórnar, heimsótti ísland í tilefni af Alþingishátíðinni 1930. Virðulegt samsæti I heiðursskyni við Jónas Krist- jánsson lækni frá Sauðárkrók, er hingað kom snöggva ferð fyrir síð- ustu helgi, stofnuðu þau Guðmund- ur leikhússtjóri Christie bróðir hans og frú Christie til veglegs kveðju- samsætis á Marlborough hótelinu síðastliðið þriðjudagskvöld og buðu þangað þrjátíu og tveim gestum. Var þetta stórveizla og hin ánægju- legasta í alla staði. Dr. Rögnvaldur Pétursson stjórn- aði samkvæminu og flutti allítar- lega ræðu. Þeir aðrir gestir, er til máls tóku, voru Gísli Johnson, Dr... Bi. J. Brandson, frú Guðrún John- son, Dr. M. B. Halldórsson, Dr. Sig. Júl. Jóhannesson, Friðrik Sveinsson, Einar P. Jónsson, Sof- fonías Thorkelsson, Árni Eggerts- son og frú Sigríður Sveinsson. Sungið var mikið af íslenzkum þjóðsöngvum undir stjórn frú Guð- rúnar Helgason. Heiðursgesturinn þakkaði samsætið með fögrum og hlýjum orðum, auk þess sem bróðir hans og tengdasystir þökkuðu gest- unum fyrir komuna og sagðist ágæt. lega. Jónas læknir Kristjánsson er einn af ágætustu og fjölhæfustu mönn- um hinnar islenzku þjóðar; eigi að- eins á sviði læknavísindanna, heldur og á öðrum sviðum mannlegra at- hafna. Hann lagði af stað heim á leið á miðvikudagsmorguninn, og fylgdi Guðmundur bróðir hans hon- um til Minneapolis. Þetta var i þriðja sinn, sem Jónas læknir kom til Winnipeg, og verður vonandi ekki í síðasta skiftið. SKIPAÐUR ÓPERUSTJÓRI Tenórsöngvarinn canadiski, Ed- ward Johnson, hefir verið skipaður framkvæmdarstjóri Metropolitan óperunnar í New York, sem eftir- maður Herberts Witherspoon, er lézt þann 10. þessa mánaðar. Ed- ward Johnson er fæddur í bænum Guelph í Ontario fylki, hefir lengi dvalið í Bandaríkjunum, og er tal- inn með beztu tenórsöngvum á meginlandi Norður-Ameríku. SÆMD DOKTORS- NAFNRÓT Miss E. Cora Hind, sú er um langt skeið hefir annast um búnað- armála ritstjórn blaðsins VVinnipeg Free Press, hefir verið sæmd doktorsnafnbót í lögum af háskóla Manitobafylkis. Hefir Miss Hind aflað sér frábærra vinsælda í stöðu sinni. ______________ FJÖLSÓTTUR LIBERAL FUNDUR Á föstudagskvöldið var, kom satnan margt manna, þeirra, er frjálslynda flokknum fylgja að málum á Royal Alexandra hótelinu, til þess að hlusta á f jóra þingmenn flokksins í Sambandsþinginu, er voru á leið til Ottawa. Voru það þeir Hon. Charles Stewart, fyrrum innanríkisráðgjafi; John Vallance, Onward, Eask.; G. W. McPhee, Yorkton, og Dr. J. P. Howden, St. Bbniface. All-hvasyrtir voru ræðu. menn í garð Bennett-stjórnarinnar; einkum þó og sérílagi í sambandi við tollmálin og úrræðaleysi hennar gagnvart atvinnuleysinu. Spáðu þeir því, að þunnskipaðar yrði fylkingar Mr. Bennetts að afstöðnum kosn- ingum. STJÓRNARLÁN HEIMA FYRIR Á viðvikudaginn þann 15. þ. m., lágu frammi listar til áskriftar fyrir $60,000,000 láni, er sambands- stjórn hafði ákveðið að taka til end- urgreiðslu á gömlum lánum, sem voru í þann veginn að falla í gjald- daga. Um kvöldið höfðu fjármála- ráðuneytinu borist fleiri umsóknir, en hægt var að fullnægja. Tuttugu miljónir láns þessa eru i átta ára ríkisskulda bréfum, en fjórutíu miljónir í tuttugu ára samskonar tryggingum. IIARLA SKIFTAR SKOÐANIR Fyrir skömmu fór Roosevelt for- seti fram á það við þjóðþingið í Washington, að starfstímabil hinnar svonefndu viðreisnar löggjafar, National Recovery Act, yrði fram- lengt til tveggja ára. Efri málstof- an var með öllu ófáanleg til þess að verða við þessari kröfu forseta, en ákvað í þess stað að framlengja líf téðrar löggjafar um tíu mánaða skeið. Nú hafa málsvarar stjórn- arinnar í neðri málstofunni lýst yfir því, að annaðhvort skuli forseti fá að öllu framgengt vilja sinum, eða þá að löggjafarbákn þetta fái að deyja “náttúrlegum dauða,” þann 16. júni næstkomandi, með því að fyrsta reynslustig þess er runnið út. SENATOR JOHN LEWIS %LATINN Siðastliðinn laugardagsmorgun lézt að heimili sínu í Toronto, Senator John Lewis, 77 ára að aldri. Stundaði hann um langt skeið blaðamensku og þótti einn hinna á- hrifamestu blaðamanna hinnar canadisku þjóðar, bæði sem ritstjóri við Toronto Globe og Toronto Star. Stóð hann framarla í fylkingu frjálslynda flokksins og var skip- aður Senator árið 1925. FJÓRIR NAZISTAR NAÐAÐIR Forsetinn í Lithaugalandi, An- tanas Smetona, hefir náðað fjóra Nazista, sem dæmdir höfðu verið til dáuða fyrir samsæri, er að þvi laut, að koma Ketnel landsvæðunum undir Þýzkaland á ný. ÞJÓÐVERJAR IIERVÆÐ- AST FYRIR BREZKA PENINGA Blaðið Financial Times, sem gefið er út í Lundúnum, kemst þannig að orði þann 20. þ. m.: “Sé yður ant um að fá vitneskju um það, hvernig því er háttað, að gjaldþrota þjóð, eins og Þýzkaland sé í óða önn að hervæðast, þá verð- ur sá gáta ekki leyst í Berlín, heldur hér á staðnum. Englands banki er nú að undirbúa lán handa Þjóðverj. um, sambærilegt við 750,000 sterl- ingspunda lánið, sem Montague Norman afhenti Dr. Schacht í síð- astliðnum desember. Fyrir þá upp- hæð keypti þýzka stjórnin nikkel, járn, aluminum, olíu og togleður. Sé Hitlerisminn háskalegur, þá er hinn brezki kapítalismi það ekki síður, eða brezkir peningar, er til þess er varið að hervæði Þjóð- verja.” HVAÐ ELSKAR SÉR LlKT Heimskingjar margir hópast saman, hefir þar hver af öðrum gaman. Eftir því sem þeir eru fleiri, eftir því verður heimskan meiri. K. N. Frá Islandi Stórgjöf til björgunarskútu við Faxaflóa. I dag afhenti hr. borgar- ritari Tómas Jónsson Slysavarna- félagi Islands kr. 500.00 — fimm hundruð krónur — að gjöf til björg- unarskútunnar við Faxaflóa. Gjöf- in er gefin af borgarritaranum og systur hans Ragnheiði, í minningu um foreldrar þeirra Jón Tómasson og Kristínu Magnúsdóttur, er bjuggu hér í svokölluðu Jónshúsi á Grímsstaðaholti síðan nokkru fyrir aldamót. Gjöfin er afhent á 78. afmælisdegi föður systkinanna. — Jón Tómasson var hinn mesti öðl- ingsmaður vel þektur af öllum Reykvíkingum allan þann tíma er hann bjó hér í bænum, hann stund- aði sjóróðra og var formaður í tugi ára. en það eru þessir menn, sem bezt hafa skilið aðbúnað sjómanna yfir höfuð. Þeir menn, er hafa stundað sjó við Faxaflóa árum sam. an á opnum bátum hafa margir komist í hann krappan, sem kallað er.—Það er vel, þegar maður eins og Tómas borgarritari, ungur mentamaður, sem aldrei hefir stundað sjó, setur sig svo inn í kjör sjómanna, að hann og þau systkin- in heiðra minningu foreldra sinna á þann hátt, sem miðar að því að bæta aðbúnað, og draga úr hættum sjó- manna. — Um leið og eg kvitta hér með fyrir þessa göfugu og eft- irbreytnisverðu gjöf, færi eg gef- endunum hjartans þakkir félags vors. F. h. Slysavarnarfélags Islands, « Þorst. Þorsteinsson. Jón Bjarnason Academy—Gjafir: Kristján Einarsson, Gimli . .$10.00 Mrs. Helga Sumarliðason, Seattle, Wash............. 5.00 Kvenfél. Herðubreiðarsafn., (pr. Mrs. L- Thorleifson) Langruth, Man............. 5.00 John Gíslason, Gimli ........ 2.00 Mrs. Gu$rún Helgason, Langruth, Man............. 1.00 í umboði skólaráðsins votta eg hér með vinsamlegt þakklæti fyrir þessar gjafir. Á. W. M’elsted, 673 Bannatyne Ave. Winnipeg, Man. FRÚ JAKOBINA JOHNSON SKALDKONA Eins og Vestur-íslendingum er kunnugt, hefir íslenzká þjóðin boð- ið frú Jakobínu heim til sumardval- ar. Er hún þessarar viðurkenningar fyrir löngu makleg, sakir nytsams og fjölþætts bókmentastarfs. Fagna hinir mörgu vinir hennar yfir heim- boðinu og árna henni fararheilla; er frú Jakobínu von hingað á sunnu- dagskvöldið kemur. Frú Jakobína er fædd þann 24. dag nóvembermán. 1883, að Hólma- vaði í Aðalreykjadal í Suður-Þing- eyjarsýslu. Voru foreldrar hennar þau Sigurbjörn Jóhannsson skáld frá Fótaskinni og María Jónsdóttir. Fluttist Jakobína hingað til lands árið 1889 með foreldrum sínum og ólst upp i Argylebygð Hún giftist um haustið 1903 ísaki Jónssyni húsagerðarmeistara frá Háreksstöð- um í Jökuldalshreppi og eiga þau sjö börn. Eftir Jakobínu liggur mikið bókmentastarf, sem hún von- andi á þó eftir að auka allmikið við. Eru frumsamin kvæði hennar mörg hver ágæt og þýðingar hennar af íslenzkum ljóðum á enska tungu þær langvönduðustu, er þjóð vor enn hefir eignast. MISS JANE ADDAMS LÁTIN Á þriðjudaginn var, lézt i Chi- cagoborg, Miss Jane Addams, fræg um víða veröld fyrir starfsemi sína í þágu friðar- og mannúðarmálamþi. Hafði hún verið sæmd friðarverð- launum Nóbels. Miss Addams var því nær hálf-áttræð að aldri. Or borg og bygð Frá Gimli, 20. maí 1935 Herra ritstjóri: I gærkveldi vorum við um tólf manns samankomið á indælu heim- ili ágætra hjóna hér í bænum, til að hlusta á útvarpið frá Fyrstu ís- lenzku lútersku kirkjunni í Winni- peg. Ræðan fanst oss meistaralega samin og söngurinn ljómandi. Sér- staklega varð sá er þessar línur skrifar hrifinn af sönglagi Mr. Hall; þar er manni gefið tækifæri að heyra hina fögru millirödd (contralto), sem oftast verður út undan i kórsöng. Svo eftir að hafa nært sálu og líkama, þá fór hver heim til sin, ánægðari eftir en áður. Með auknum bróðurkærleika og þakklæti fyrir útvarpið, með góðri von um að heyra annað í nálægri framtíð, G. B. Ingimundsson. Mr. Ármann Björnsson skáld frá Winnipegosis, Man., dvaldi í borg- inni nokkra daga i vikunni sem leið. Hann hélt heim á föstudaginn. Mr. H. C. J. Brand, sonur Mr. og Mrs. Thor Brand, Ste. 5 Camelot Apts., hér í borginni og Mr. J. A. Blöndal, sonur Mr. og Mrs. Ásgeir Blöndal, lögðu af stað áleiðis til Is- lands á mánudaginn í vikunni sem leið. Gerðu þeir ráð fyrir að fara til London og dvelja þar nokkra daga áður en þeir sigldu frá Leith. Ekki mun það ákveðið hvað lengi þeir dveljast heima. Halli Gunnsteinn Björnsson frá Riverton og Anna Eluke frá Árborg voru gefin saman í hjónaband hér í borginni af dr. Birni B. Jónssyni, þann 16. þ. m. Ritarar hinna ýmsu safnaða hins Ev. lút. kirkjufélags eru alvarlega ámintir um að tilkynna herra J. J. Vopni, 597 Bannatyne Ave., Win- nipeg, hvað marga erindreka hver söfnuður býst við að senda á kirkju- þing, sem haldið verður í Wjnnipeg í júní næstkomandi Áríðandi er að þessar upplýsingar komi sem fyrst því margra gesta er von í tilefni af jubilee hátíð kirkjufélagsins. The Young People’s Convention of the Evangelical Lutheran Synod will be held in the First Lutheran Church, Victor St., on May 24, 25, and 26. Special Young People’s Service at 11 a.m. Sunday, May 26. ist Session, 2 o’clock Friday— Registration of delegates and reports. 2nd Session, 8 p.m. Friday— Guest speaker Rec. Jakob Jónsson —Miscellaneous program. 3rd Session, 2 p.m. Saturday— Current business. Dinner at 6.30 Saturday, First Lutheran Church— Guest Speaker Rev. Peter Pilkie. Dance, 8.30, at Picardy Salon — Tickets for dinner and dance 50C per person. Everybody welcome to attend any or all sessions. • Ragnar H. Hagnar heldur Piano Recital í Music and Arts Bldg., þann 7. júni næstkomandi. Victor B. Anderson bæjarfulltrúi kom úr för sinni vestan frá Van- couver á þriðjudagskvöldið ásamt föruneyti sínu. Hafði ferðafólk þetta notið hinnar yndislegustu ferðar bæði hvað veður og viðtökur áhrærði. Ingólfur Guðmundsson (Dáinn 19. janúar 1935) Hin hógværa gleði þér hugþekkust var, en livumleiðast ofmælgis-raus. Og gott hugðu snauSir til gistingar þar sem greiSinn var formálalaus, og viSmótiS einlægt og handtakiS hlýtt, og hispurs- og uppgerSarlaust. Þú unnir því foma, varst næmur á nvtt, ef nytsamt þaS virtist og traust. Og ferS þín var hiklaus á framfara braut, en falslaust var stigiS hvert spor, 0g magngjafi þar þér í mótlæti og þraut það mannvit og rólega þor, sem brosir að ó'bænum ofstæpis-glóps, sem ærzlast með skrum-mæli ný, sem skeytir ei eggjunum ofdirfsku-hróps, né æðrast við huglausra gný. Og almennings vinsæld og hylli þá hlaust, og hamingjan studdi þitt bú. Svo farnast þeim öllum, sem festa sitt traust við feðranna drengskap og trú, en hafna þeim glitrandi hjáguða sæg, sem hégóminn reisti á stall, —og þeim verður kvöldvakan hugljúf og hæg, og lieimboð: ið síðasta kall. Kristján S. Pálsson. ATHS.—Ingólfur heitinn kom hingaÖ vestur 1920, og dvaldi hér vetrarlangt. Eignaðist hann hér marga vini sakir góðvildar og ljúfmannlegrar framgöngu. • —Ritstj.

x

Lögberg

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Lögberg
https://timarit.is/publication/132

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.