Lögberg


Lögberg - 20.06.1935, Qupperneq 1

Lögberg - 20.06.1935, Qupperneq 1
PHONE 86 311 Seven Lines m a a |V»' ^ >vc'rV''^"V Dry Cleíning 3nd Laundrj Por 48. \RG\NGUR WINNIPEG, MAN., FIMTUDAGINN 20. JÚNÍ 1935 NÚiMER 25 Erindrekar hins nýafstacfna Ungmennaþings í Winnipeg, ásamt nefnd þeirri úr Kirkju- fclaginu, er að stofnun Ung- mennasambandsins vann. Dagskrá Júbilíþings Kirkjufélagsins FIMTÍU ÁRA AFMÆLI 19.—25. JÚNÍ, 1935 FÖSTUDAGINN 21. júní, kl. 8 e. h.—Stutt guðsþjónusta, Séra N. S. Thorláksson prédikar. A eftir flytur Dr. B. B. Jónsson fyrirlestur. LAUGARDAGINN 22. júní, kl. 9 - 12 f. h., starfsfundur; kl. 2-6 e. h. starfsfundur; kl. 8 e. h., enskt hátíðarmót, kveðjur. SUNNUDAGINN 23. júní, kl. n f. h.—Ensk afmælishátíðar- guðsþjónusta, séra K. K. Ólafson prédikar. Kl. 3 e. h.—Mót Sameinuðu kvenfélaganna. Kl. 7 e. h.—íslenzk afmælishátíðar-guðsþjónusta, séra R.\in- ólfur Marteinsson prédikar. MÁNUDAGINN 24. júní, kl. 9-12 f. h., starfsfundur. Kl. 2-6 e. h., starfsfundur. % KI. 8 e. h.—Söngskrá helguð hátíðarhaldinu; söngflokkur Fyrsta lúterska safnaðar, undir stjórn hr. Páls Bardal. ÞRIÐJUDAGINN 25. júní, kl. 9- 12 f. h., starfsfundur. Kl. 2-6 e. h., starfsfundur. Kl. 8 e. h., íslenzkt mót. Hátíðarlok. " K. K. ÓLAFSON, forseti. Ur borg og bygð Mr. James Johnson frá Ama- ranth, Man., var staddur í borginni seinni part fyrri viku, ásamt frú sinni og syni. Mrs. John David Eaton (Signý Stephenson), er dvalið hefir undan- farinn hálfsmánaðar tíma hér í borg- inni í heimsókn til foreldra sinna, Mr. og Mrs. F. Stephenson, 694 Victor Street, fór austur til heimilis síns í Toronto á laugardaginn. Með henni fór austur til nokkurra vikna dvalar systir hennar, frú Anna McKay. Mr. Árni Ólafsson frá Brovvn P.O., Man., l<om til borgarinnar á föstudaginn var, ásamt frú sinni og syni. Fólk þetta dvaldi hér fram yfir helgina og hélt heimleiðis á mánudaginn. Dr. Jón A. Bildféll, er dvalið heL ir við háskóla á Skotlandi síðan í haust, kom til borgarinnar í vikunni sem leið. Hafði hann nokkra við- stöðu í Detroit, og kom með hon- um hingað Hrefna systir hans, á- samt syni sínum, í heimsókn til for- eldra sinna, Mr. og Mrs. J. J. Bíld- fell. Dr. Bíldfell er í þann veginn að leggja af stað vestur til Borden, Sask., til þess að gegna læknisem- bætti í þvi héraði. Dr. J. P. Páls- son hefir stundað; þar (lækningar undanfarin ár, en er nú á förum til íslands. Dr. Richard Beck frá Grand Forks, N. Dak., liélt af stað heim- leiðis ásamt fjölskyldu sinni á laug- ardaginn var, eftir tveggja daga dvöl hér í“borginni. Mr. J. T. Johnson frá Blaine, Wash., kom hingað til borgarinnar á fimtudaginn í fyrri viku, ásamt frú sinni, og Mrs. D. Davidson, einnig frá Blaine. Komu þau norð- an úr Nýja íslandi, og voru þau Mr. og Mrs. Einar Einarsson frá Gimli í förinni. Ferðafólk þetta lagði af stað samdægurs vestur til Vatnabygðanna í Saskatchewan í heimsókn til ættingja og vina. Mr. Johnson er fæddur á Gimli, en frú hans í grend við Hallson í North Dakota. Mr. Dan. Líndal frá Lundar, Man., var staddur í borginni á föstu- daginn var. Mr. Jakob Hinriksson frá Ed- nionton, er nýlega koniinn til borg- arinnar, ásamt fjölskyldu sinni, og ráðgerir að dvelja hér alt að mánað- artíma. Mr. Hinriksscxn brá sér norður til Gimli um helgina, í heim- sókn til móður sinnar, frú Ásdísar Hinriksson. Hr. Friðrik Guðmundsson rit- höfundur frá Mozart, Sask., kom til borgarinnar fyrir helgina og mun dveljast hér 9iokkurn tíma. Mr. Guðmundsson fór suður til Moun- tain á þriðjudaginn, ásamt séra Jó- hanni syni sínum, presti að Lundar, til þess að vera við hátíðahöld kirkjufélagsins. Séra Jóhann Fredriksson frá Lundar, kom til borgarinnar síðast- liðinn fimtudag, með son sinn til lækninga. Var drengurinn skorinn upp samdægurs á Almenna sjúkra- húsinu. Dr. Númi Hjálmarsson var í för með séra Jóhanni. Mrs. Sigurður Björnsson að 679 Beverléy St., fór í bíl vestur til Moose Jaw, Sask., siðastliðinn laug- ardag, ásamt börnum sínum tveim- ur, þeiin Ingimar og Ednu, og tengdamóður sinni, Mrs. Magnús- son, í heimsókn til sonar síns, Björns A. Björnsson og frúar hahs, er þar eiga heima. Ferðafólk þetta ráð- gerði að verða um hálfan mánuð að heiman. Mr. Sveinn Thofvaldson kaup- maður í Riverton dvaldi í borginni um helgina, ásamt frú sinni. Frí- múrarar í Selkirk héldu þeim hjón- um veglegt samsæti í tilefni af því, er hans hátign George Bretakon- ungur kvaddi Mr. Thorvaldson til félaga í Regluj hins brezka veldis. Við hátíðár-guðsþjónustuna í Fyrstu lútersku kirkju á sunnudags- inorguninn kemur, kl. 11, syngur ungfrú Christene Gunnlaugson, sú er góðan orðstýr gat sér á ítalíu undir nafninu Leonita Lanzoni. Síðastliðið ár hefir Miss Gunnlaug- son verið yfirkennari í söngfræða- deild Baldwin College í Virginia, skamt frá Washington. Mrs. Helga Tighe frá Winnipeg. osis, dóttir þeirra Jónasar .píatió- kennara PáEsonar og Emilíu Páls- son, kom til borgarinnar á mánu- dagskvöldið, ásamt Óskari tengda- bróður sínum. Fóru þau norður til Selkirk á miðvikudaginn, en lögðu af stað heimleiðis um kvöldið. Mrs. Halldór Bjarnason, 704 Victor Street og Anna dóttir henn- ar, hjúkrunarkona, fóru vestur til Davidson, Sask., J vikunni sem leið, í heimsókn til dóttur og systur, Mrs. John Vopni. Þær komu heim síð- astliðinn mánudag. Miss Bjarna- son fer til New York á laugardag- inn kemur, þar sem hún hefir un,d- anfarandi stundað hjúkrunarstörf. Fyrirlestur um efnið Var og er og verða mun, flytur séra Björn B. Jónsson á fyrstu samkomu kirkju- þingsins í Winnipeg, nú á föstu- dagskvöldið kemur. öllu fólki er boðið á samkomu þessa. Að heimili þeirra Mr. og Mrs. Hjálmar A. Bergmans, 221 Ethel- bert St., stóð brúðkaupsveizla einkar rausnarleg, síðari hluta laug- ardagsins 15. þ. m. Giftu þau hjón þar dóttur sína, Ethel Ingibjörgu, Joseph Trelawney Vyvian May, ungum fésýslumanni hér í bor^, Dr. Björn B. Jónsson framkvæmdi hjónavígsluna. Miss Claudia Berg- man frá Minneapolis lék brúðarlag á slaghörpu við innkomu brúðar- innar, og söng í lok athafnar mjög fagurt lag. Margt var gesta í boð- inu og var stundin öllum gleðileg. Brúðhjjóinin eru nú á skemtiferð suður um Bandaríki. Mannfagnaður Á laugardagskvöldið þann 15. yfirstandandi mánaðar, var þeim Páli S. Pálssyni skrifstofustjóra og frú Ólínu Pálsson, haldið veglegt silfurbrúðkaupssamsæti í fundarsal Sambandssafnaðar, er mikill mann. fjöldi tók þátt í. Var þar farið eftir prentaðri skemtiskrá, og er slíkt til stórra bóm frá því sem oft viðgengst, er svo að segja hver og einn veizlugesta er óundirbúinn kvaddur til máls. Dr. Rögnvaldur Pétursson stýrði samsætinu. Hófst þessi eftirminnilegi mannfagnaður með því að syngja nokkur vers úr brúðkaupssálminum “Hve gott og fagurt og indælt er. Ræðurnar, sem allar voru stuttar, og þeim mun betri, fluttu Dr. Rögnvaldur Péturs- son, Capt. Joseph B. Skaptason, frú Hólmfriður Péturssorl, hr. Jiakob Kristjánsson, Dr. M. P>. Halldórs- son, frú Jóhanna G. Skaptason, J. J. Bíldfell, hr. Sveinn Thorvaldson, M.B.E. og Dr. Sveinn E. Björns- son. Að lokinni hinni reglubundnu skemtiskrá, ávörpuðu silfurbrúð- hjónin þeir hr. Gísli Johnson, séra Philip Pétursson og hr. Ingi Borg- fjörð, guðfræðanemi. Á milli ræð- anna var sungið margt íslenzkra þjóðsöngva. Veizlukostur allur var hinn ríkmannlegasti. Forkunnar fagrar minjagjafir voru þeim Pálson hjónum afhentar frá viðstöddum vinum og fjarverandi velunnurum, auk þess sem þeim barst hinn mesti aragrúi samfagnaðarskeyta víðsveg- ar að. Samsæti þetta bar ótvíræðan vott um vinsældir þær og virðingu, er silfurbrúðhjónin hvarvetna njóta. Páll S. Pálsson er fjölhæfur og liðtækur íslendingur hvar sem leið hans liggur; hann er gott skáld og listrænn mjög. Frú Ólína er glæsi- leg ágætiskona, er tekið hefir, ásamt manni sínum, all veigamikinn þátt í félagsmálum Vestur-Islendinga. Þau hjón eru enn tiltölulega ung, og er þess að vænta að þeim megi auðnast um Iangt skeið, að vaka og vinna í þjóðfélagi voru. Systurdóttir frú Ólínu, Geraldine Florence Einarsson, afhenti henni yndisfagran blómvönd í tilefni af silfurbrúðkaupsfagnaðinum. VEKUR ATHYGLI A SVIÐI DRAMATISKRAR LISTAR I höfuðborg British Columbia- fylkis, Victoria, býr islenzk kona, Mrs. Rósa Semple (Rósa Egilsson), er vakið hefir á sér allmikla athygli eigi aðeins í Victoria, heldur og um alt fylkið, fyrir afrek sín og áhuga á sviði dramatískrar listar. Það er ekki einasta að kona þessi hafi sam- ið leikrit, heldur hefir hún stjórnað sýningu þeirra líka. Á nýafstaðinni leiksamkepni, er háð var í Victoria, og 35 leikflokk- ar tóku þátt í, sýndi Mrs. Semple þann af leikjum sínum, er “Ghost” nefnist; er þetta skopleikur, er hlaut hið mesta lof af hálfu dómenda og áhorfenda, og lék Mrs. Semple sjálf aðalhlutverkið. Lady Margaret Tupper skipaði forsæti í dómnefnd- inni. Mrs. Rósa Semple átti um eitt skeiðl heima hér í Wjnnipeg, og minnast hennar vafalaust margir frá þeim tímum. Það er gott til þess að vita, er íslendingar vekja á sér athygli í einhverju þvi, er til verulegs menn- ingarauka miðar, eins og Mrs. Rósa Egilsson Semple nú hefir gert á sviði hinnar dfamatísku listar. í Fyrstu lútersku kirkju voru síðastliðinn laugardag gefin saman í hjónaband John A. Spurway og Una Sigríður Johnson. Dr. Björn B. Jónsson framkvæmdi athöfnina. Mr. S. K. Hall lék á orgelið og Mrs Hall söng viðeigandi lög á undan og eftir athöfninni. Á eftir athöfninni í kirkjunni var margt gesta i veizlu- boði að heimili Dr. Ólafs Björnsson- ar, 7Ó4 Victor St. Ungu hjónin héldu af stað samdægurs til fram- tíðarheimilis sins, sem verður á bú- garði skamt frá Dauphin, Manitoba. Dr. Sveinn E. Björnsson frá Ár- borg, var staddur í borginni um síð- ustu helgi, ásamt frú sinni. Fáein orð um skóla málið Eg hefi alt af staðið í þeirri mein- ingu að Jóns Bjarnasonar skóli hafi verið bygður sem minnisvarði þess manns, hvers nafn hann ber, og að þessum minnisvarða ætluðu íslend- ingar hér að hlynna og ekki láta undir lok líða, svo lengi sem íslenzk kirkja væri við lýði, eða nokkurt íslenzkt félagslíf gæti hér þróast. Nú kemur mér þetta alt öðru vísi fyrir sjónir en eg hafði hugmynd um áður, þar sem nú er verið að rífa niður Jóns IJjarnasonar skóla eða afmá sem stofnun íslendinga hér, og það með þeirri frekju og ákafa að undrum gegnir; einmitt eins og skólinn stæði í vegi allra framkvæmda og góðs fyrirkomulags heildarinnar andlega og líkamlega eða svo er að heyra á greinum þeim, sem blöðin okkar nú hafa flutt frá mótstöðumönnum skólans.. (Eg segi mótstöðumönnum, en það er ef til vill ekki rétt, þó í sumum atrið- um greinanna komi svo fyrir sjón- ir að sé um fleiri en einn að ræða). Þessi þráláta ásókn kemur nú úr þeirri átt, sem fáír mundu hafa búist við, og er afar-skrítið og næst- um óskiljanlegt, þar sem það er maður, sem lítið hefir til fram- kvæmdamála lagt áður, og þar að auki ætti að koma fram til uppbygg- ingar en ekki niðurdreps málefnum meirihluta þjóðarbrotsins hér. Nú stendur yfir fimtíu ára afmæli kirkjufélagsins, sem hlýtur að vera helgað og haldið í minningu manns- ins, sem það stofnsetti, séra Jóns Bjarnasonar, og sem lagði alla sína krafta í að auðga og efla það félag til hinstu stundar, og það ber hans menjar og merki til enda. Nú lítur þannig út sem einn af prestum kirkjufélagsins sé eins og að hælast yfir því að ‘þetta kirkjuþing, sem nú stendur yfir mun afmá með öllu þann litlu minnisvarða, sem séra Jóni Bjarnasyni var reistur. Alt þetta móthald, sem Jóns Bjapiasonar skóli hefir haft að mæta, er ekkert annað en óþarfa mælgi, því skólinn hefir verið ís- lendingum til heiðurs og þaðan hafa komið fjölda margir landar vel mentir og margir komist í góðar stöður, enda hefir hann haft af- bragðs kennara frá byrjun. Eg, sem skrifa þessar línur bið hr. ritstjóra Lögbergs um að veita þeim rúm í sínu góða blaði. G. f. Papfjörð. . . --------------------------------—---------------------.* Til Páls og Olínu Pálsson á tuttugu og fimm áfa giftingarafmæli þeirra 15. júní 1935. Eg vil stilla minn róm, við hinn indæla óm Frá alheimsins töfrandi firð. Þegar loftið er þrungið með hátíða hljóm, I hjartanu er friður og kyrð. Sjálf jörðin þá íklæðist ilmandi skart. Mér andvarinn leikur um kinn. Við sumarsins töfra, við sólskinið bjart Æ, sæluna dýpstu eg finn! Inn á draumanna lönd eg með deginum svíf Þar sem dásemdir allar eg skil. Því að líf mitt er æska, og æska mitt Ííf, Hún er eilíf með hörpunnar spil. Sem döggvaðar rósir við röðulsins skin Hún rís upp við straumanna yl. Hún vekur hvert smáblóm, hvern hávaxinn hlyn, Sem heyrir þó jörðunni til. Og því vil eg flétta úr laufunum Ijóð Til að leggja í vinanna skaut; Eg vil láta hvert tár, allar sorgir í sjóð Til að sigra í hættum og þraut Og gott er þá einnig að hlúa’ að þeim hlyn Sem hærra upp úr moldinni rís Þegar stormarnir næða um hið norræna kyn Og nálin á stofninum frýs. Það sakar ei hót þó að hættan sé stór Og þó hvarvetna sýnist oss tál, Því áranna straumur í úthafið fór Til arðs fyrir Línu og Pál. Sem bergmál frá íslenzkum Álfheima kór í æskunnar lundglöðu sál. Þau erft höfðu sagnir um Óðinn og Þór, Og Egil og Gretti og Njál. Og það mun ei farast sem blómgaðist bezt A bernskunnar fornhelgu tíð, Því röm er sú taug sem við fjöllin er fest, Við fossa og læki og hlíð. Og þið hafið elskað þær minningar mest Þá meistarans fegurstu smið. Og hvenær sem íslenzku ljóðin þú lest Þá ljúkast upp gróðurlönd fríð. S. E. Björnsson.

x

Lögberg

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Lögberg
https://timarit.is/publication/132

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.