Lögberg - 12.09.1935, Blaðsíða 1

Lögberg - 12.09.1935, Blaðsíða 1
PHONE 86 311 Seven Lines iot \&é? ^^***1 «£*«* föí'Sí-fiSff^^ For Service and Satisfaction 48. ARGANGUR WINNIPEG, MAN., FIMTUDAGINN 12. SEPTEMBEŒt 1935. NÚMER 37 Jónas Jóhannesson dáinn Með Jónasi Jóhannessyni er fallinn frá merkur og mætur maður. Hann andaðiet á heimili sínu í Wirinipeg eftir langa legu föstudaginn var, 6. sept., og var jarðsunginn frá Fyrstu lútersku kirkju á mánudaginn að viðstöddum miklum mannf jölda. Hann var fæddur [9. sept. 1863 á Árbakka í Mývatnssveit á fglandi. Foreldrar hans hétu Jóhannes Jóhannesson og Sigriður Jónsdóttir. Níu ára gamall misti Jónas móður sína. Eftir það ólst hann upp hjá föður sínum á Geiteyjarströnd við Mývatn, þar til hann varð fulltíða maður, en lærði jafnframt og stundaði snikk_ araiðn á Tlúsavík og Akureyri. 21. júní 1888 kvæntist hann eftir. lifandi eiginkonu sinni, Rósu Einarsdóttur. Fluttust þau sam- sumars til Vesturheims, bjuggu níu ára skeið í Argyle-bygð, flutt- ust ]>á til Winnipeg og hafa búið hér ávalt síðan. Þeim hjónum varð átta barna auðið og eru þau þessi: Allan, Georg (d. 23. júní K)[i)), Sigrún Emma (Mrs. Morrow), Konráð, I.aufey (Mrs. Hornfjörð), Aurora (Mrs. Thorðarson), Unnur (Mrs. Simmons) og Valtýr. Jónas sál. stundaði húsasmíði í stórum stíl hér í borginni um langt tímabil og þótti hinn trúverðugasti maður í hvívetna. Félagsmaður var Jónas Jóhannesson ágætur og er hinn mesti skaði að fráfalli hans. Ilann var stoð og stytta Fyrsta lúterska safnaðar og máttarstólpi í Kirkjufélaginu lúterska. ITann var í 20 ár í stjórnarráði elliheimilisins Betel, féhirðir stofnunarinnar og eftirlitsmaður þar um margt. Jónas Jóhannesson var heilsteyptur maður, einlægur og hreinn í orði og verki, ákveðinn í skoðunum og áhugamikill um yelferð- armál mannfél,agsins; mikill vinur vina sinna og bezti drengur. \ iíS útförina hafði presturinn að texta orðin úr dæmisögu Krists: "Þú góði og trúi þjónn .... Gakk inn til fagnaðar herra þíns." Munu allir, er Jónas Jóhannesson þektu, líta svo á, að þau orð hafi átt vel við, er Jónas Jóhannesson var sunginn til moldar. Skriftir og skýjarof flutt á Islendingadegi í Blaine, Wash, 1935. Vort hérað er skári við skjólríka höfn, Scm skeifa, er náttúran myndaði, jöfn, Þar brumið stóð bólgið og skeppan. Hér döfnuðu vonir við vaxandi arð, Þá víðlendið breyttist í aldina garð. Og ekkert er að—nema kreppan. Um sumar og haust, gegnum vetur og vor, Að velgengni miðar hvert framfara spor, Því ótíðin engann hér lamar. Úr taminni fegurð við uppskerum arð. Hvert einasta býli að skrauthýsi varð, Og fátt, nema óvissan, amar. Af feðrunum hraustu var höggvið og plægt, Unz harðbalinn yzti var kominn í rækt Og sáður var síðasti bollinn. Svo vel þótti farið, sem víðar, af stað, Að viðleitnin blessaðist öll, nema það, Að framtökin fóru á kollinn. í þúiundum kvígurnar komust á legg. í kaupstaðinn drögum við rjóma og egg Og flest, er að framfærslu styður. Og hvenær, sem reikningur ritast á blað, ViC reksturinn fullnægir alt, nema það, Að afkoman Öll vísar niður. Við eigum hér fornhelga frelsisskrá enn Og f riðboga háan og tollheimtumenn Og verði með korða og kylf ur. Svo eigum við kviðdóm og kosninga- rétt Og kaupmenn og banka og atvinnu- stétt Og f lest, nema seðla og silf ur. Að rækja sinn þátt var hinn rýrasti fús. Við reistum hér kirkjur og mann- félags-hús, Sem örfuðu gagnsemd og gaman. Ef vantaði krafta, þeir viðuðust að. I ni vinskapinn hjálpaðist alt, nema það, Að körlunum kom ekki saman. Samt er Eitt mál Inst hér, Ein sál, Ein dygð, Eitt band: Vor bygð, Vort land. Með innri sjón eg eygi í austri heilladís. Og blik af dýrum degi Úr djúpi tímans rís. Á himinn loks er hafið, í húmi blekkingar, Það ljós, er lengi tafið Af lögum íhalds var. Þótt gróður, vit og vilji Og vonir auður sé; Þótt mannúð meinin skilji Og muni dýrust vé; Á meðan einn við annan Um óðul keppa skal, Hvert orð um sigur sannan, Og sæld, er aðeins hjal. Því meðan aflið ótta Hjá öðrum vakið fær, Og eignir auka þótta, Sem yfirtökum nær, Hin bezta bygð á jörðu, Er búi nokkur sá, Mun skattland hinna hörðu, Er heiminn sligað fá. .En njóla neyðartrúar Sem næst er liðin hjá. Það alt, sem andann kúgar, Sín örlög greina má. í skyni skýrri daga, Er Skuld í brjósti fól, Er óskráð auðnusaga Og almenn nægta jól. Því allar hömlur hrökkva Þá hræðslan stingur af; En eymd og illúð sökkva t Urðar Kyrrahaf; Og eignum-ær og snauður f eining búa þá, Er öllum leyfist auður, Sem innigirtur lá. —Þá sýn, með hjarta hreyfu, Til hálfs mig dreymdi fyrst Er landsins "Lukku-skeifu" Eg loksins hafði gist. Ef nægð og nýja siði Við* nautnir tengja má, Mun sveitin sækja' að miði Er sýnip fyrir brá. —P. B. Á FERjÐ AUSTANLANDS Mr. James Gardiner, forsætisráð- gjafi í Saskatchewan, hefir verið á ferð um Ontario og Strandfylkin undanfarandi og haldið ræður fyrir hönd frjálslynda flokksins; hefir mannfjöldi mikill hlustað á Mr. Gardiner hvar sem leið hans hefir legið. Á laugardagskvöldið var flutti Mr. Gardiner eina af ræðum sínum í bænum Schomberg skamt norður af Toronto. í ræðu þessari fullyrti Mr. Gardiner að Mr. Bennett hefði öldungis tapað tangarhaldi á hinum verulega íhaldsflokki, eða þeim flokki, er, komið hefði honum til valda i<)30. Sá flokkur hefði nú snúið við bonum baki; ætti hann einhvers stuðnings að vænta, þá yrði hann að koma frá hinum svonefnda Bennett flokki, þó ekki hefði frézt fram að þessu að hann teldi aðra meðlimi en forsætisráðgjafann sjálfan, Mr. Gardiner staðhæfði að frá því er Bennett-stjórnín tók við völdum, hefði þjóðskuldin cana- diska aukist um $670,000,000. Skifti þetta nokkuð í tvö horn. er tekið væri tilliti til þess, að á þeim níu árum, er Mackenzie King hélt um stjórnartauma, hefði grynt verið á þjóðskuldinni sem nam $220,- 000,000. I'ÍNGMENSKU FRAMBOÐ íhaldsmenn í Brandon kjördæmi hafa endurútnefnt Mr. D. W. Beaubier, sem þingmannsefni flokks síns við næstu sambandskosningar. HSefir hann átt sæti á þingi síðan I930. LEITAR ÁSJAR BENNETTS Hinn nýi forsætisráðgjafi í Al- berta, William Aberhart, hefir farið fram á það við Mr. Bennett, að bann hlutist til um að fylkið fái átján miljón dala lán úr féhirzlu hinnar canadisku þjóðar. Er þetta allmiklu hærri upphæð, en í fyrstu var gert ráð fyrir að Mr. Aberhart myndi krefjast fylki sínu til við- reisnar. SENATOR HUEY P. LONG MYRTUR 1 BATON ROUGE Síðastliðinn sunnudag gerðust ]>au tiðindi, að Senator Huey P. Uong, var særður 'til ólífis í stjórn- arráðsbyggingunni að Baton Rouge i Louisiana ríki. Sá, er vaklur var að verknaði þessum. var ungur augnalæknir, C. A. Weiss að nafni, pólitískur andstæðingur hins látna Senators; var hann samstundis skotinn til bana af lífverði bins "ókrýnda konungs" Louisianaríkis- ins. Lézt Huey Long á sjúkrahúsi tæpum sólarhring frá því er á hann var skotið. Huey Long var dular- fult fyrirbrigði í stjórnmálum hinn_ ar amerísku þjóðar; náði hann á gkömmum tima svo miklu haldi á ibúum ríkis síns, að hann réð»þar I með öllu lofum og lögum, og mikill I meirihluti sat og stóð. eins og hann vildi. Á stefnuskrá sinni hafði hann skiftingu auðs meðal almennings, en varð sjálfur forhertur miljónamær. ingur. Hann þótti afburðamælskur, og það mjög með öðrum hætti en viðgengst ura' mælskumenn yfir- leitt; þótti ýmsum sem hann væri ekki einhamur með köflum. Hann komst til hárra valda, án þess að það enn hafi verið skilgreint, hvað í rauninni til grundvallar lá. Heima Minni íslands á miðsumarsmóti íslcndinga í Blaine 28. júlí, 1935. Nú skal taka hörpu' í hönd, Hef ja söng og kveða lengi, Hljóminn senda' um höf og lönd Heim að kærri ættlands strönd; Láta móður hlýja hönd Hnýta alla brostna strengi, Taka síðan hörpu' í hönd, Illjóma dátt og kveða lengi. Landið, sem mig ungan ól Upp við brattra f jalla rætur, Norðurljósa breiða ból Með bárufald um jökulstól, Klettasnös og kvíaból, Kólgiiél og sólskins nætur. Landið, sem mig ungan ól Tnst við sínar hjartarætur. Gamla landið — landið mitt— Landið minna æskuvona! "Heima" kjósa hver má sitt, 1 Ijá þér verður ávalt mitt. llevrast bezt við brjóstið þitt Bænir þinna dætra og sona. Ljúfa ísland—landið mitt— Landið minna hæztu vona. Megi eilíft Alvalds ráð Öllu þér til gæfu snúa; Breyta hverjum draum í dáð. Drottinn blessi vog og láð ; Veiti heill og hjálparráð ITverjum, sem að hjá þér búa. Megni eilíft Alvalds ráð ÖIlu þér til vegs að snúa. XXX Þegar æfi sígur sól Seinast rökkvar daginn heima, Þar á ellin æskuból, Æðarver og Tindastól, Svanatjörn og Sjónarhól, Sem er ljúft að muna og dreyma. Þegar æfi sígur sól Síðsti geislinn roðar heima. Bjarni Lyngholt. RÆÐUR BENNETTS Rt. Hon. R. B. Bennett hefir haldið tvær ræður yfir útvarpið; að hann flytji ræður sínar skipulega og vel, verður ekki um deilt; hann er mælskumaður mikill. Þessar tvær ræður voru aðeins inngangur að nýrri loforðasyrpu. Nú segist hann vera að berjast fyrir nýjum gagn- skiftasamningum við Bandaríkin, auk þess sem hann tjáist því hlynt- ur að allir, er náð haf i sextugs aldri verði settir á eftirlaun. Hann ítrek- aði það, að hann hef ði lof ast til þess 1930, að binda enda á atvinnuleysið í landinu, og þetta kvaðst hann end- urtaka nú með sömu einlægninni og þá. •¦DRENGURINN LITIJ SEM DÓ" í St. Vital bygðinni í grend við Winnipeg, hvarf nýlega fimm ára drengur, eða viltist að heiman, Jack Pike að nafni. Leit var samstund- is hafin, og tóku þátt í henni þrjár þúsundir manna. Á fimta sólar- hring eftir hvarfið, fanst blessað barnið þjakað mjög og aðfram kom- ið; var það flutt á St. Boniface sjúkrahúsið og lézt þar. Sorgir mannkynsins eru með mörgum og mismunandi hætti. Rík samúðartil- finning streymir til ástmenna drengsins litla,—sem dó. Fréttir frá Gimli Nú er sú tíð hér, að fækkað er um fólk á götum bæjar og í um- hverfi. SumarbústaÖafólk að mestu farið. Var með flesta móti, að manni virtist. I lúsaleiga er nú mun Lægri i sumarhúsunum, en áður var. Mun það hafa aukið aðsóknina ekki svo lítið. Margir láta frábærlega vel yfir þeim tíma, er þeir máttu vera að eyða í það, að dvelja í sum- arbústöðunum hér á þessu útlíðanda sumri. Hreyfimyndasýning hafði Mrs. (l)r.) Atkinson frá Selkirk hér í Ur borg og bygð Mrs. Halldór Thorolfson er' ný- kominn heim vestan f rá Moose Jaw, Sask., þar sem hún dvaldi um hríð í gistivináttu systur sinnar. Mrs. Ingi Brynjólfsson frá Chi- cago, ¦ lagði af stað heimleiðis á föstudaginn var ásamt tveim sonum sínum, eftir tveggja vikna dvöl hér nyrðra bæði í Argýle og víðar. Dr. Richard Beck frá Grand Forks, N. Dak., kom til borgarinn- ar á fimtudaginn í vikunni sem leið ásamt fjölskyldu sinni. Dvaldi fólk þetta hér fram á láugardag. Dr. Beck kom til þess að* sitja fund í framkvæmdarnefnd Þjóðræknisfé. lagsins. Dr. G. R. Barrett, læknir við Pioneer Gold Mines að Big River, B.C., hefir dvalið í borginni um hríð. Kom hann í heimsókn til móður sinnar, Mrs. W. G. Barrett, að 1183 Sherburn Street. Dr. Bar- rett hélt heimleiðis á sunnudaginn. Móðir hans er systir Dr. J. P. Páls- sonar og þeirra systkina. Séra K. K. Ólafson fermdi þessi ungmenni í Kandahar sunnudaginn 8. september: John Arthur Sölvason, Kristján Richard Sölvason, Sveinn Sigurjón Vopni, Helga Eiríka Dalman. Séra Philip M. Pétursson var settur inn í embætti á sunnudags- kvöldið var, sem prestur Sambands. safnaðar hér í borginni. Þessi ungmenni voru fermd af séra K. K. Ólafssyni í Wynyard, sunnudaginn 1. september: Bertel Lincoln Gillis, Óscar Július Jóhannesson. Ingvar Sigurður Jó- hannesson, Páll Haraldur Aðal- steinn Njáll Westdal, Foster Val- garth Leeson, Guðrún Irene Thor- lacíus, Anna Hjördís Josephson, Ása Sigurbjörg Gillis, Hadie Mir- iam Gíslaon, Guðrún Jóhanna Björg W!íum, Clarabella Gillis, Kristrún Valgerður Gauti, Edna Gauti, Sig- ríður Jónina Margrét Westdal, Rosella Adelaide Patrick, Hannah Katrine Jóhannesson, Anna Chris- tine Josephson, Kristín Ingibjörg Davidson. Frú Aurora Johnson, ekkja Hon. Thomas H. Johnson fyrrum dóms- málaráðgjafa Manitobafylkis, legg- ur af stað næstkomandi föstudag til óákveðinnar dvalar suður í Hart- ford, Connecticut, ásamt Cecil syni sínum, er ákveðið hefir að hefja nám i lyfjafræði þar syðra í haust. Dr. 1!. J. Brandson er nýkominn heim, ásamt frá sinni, úr tíu daga ferðalagi suður til Minrieapolis, Minneota og ýmsra annara staða í Minnesota-ríki. Miss María Jónsson. dóttir dr. Björns B. Jónssonar og frú Jónsson, fór í skemtiferð suður til Chicago, 111., á mánudaginn var og ráðgerði að vera að heiman um hálfsmánað- ar tíma. Mr. Hoseas Johnson, endurskoð- andi frá Toronto, Ont., dvelur í borginni um þessar mundir hjá móð- ur sinni, Mrs. J. K. Johnson, 512 Toronto Street. Mun hann dvelja hér nálægt þriggja vikna tíma. Miss Guðrún Jóhannsson hjúkr- unarkona, dóttir Gunnlaugs kaup- manns Jóhannssonar, er nýlega far. in heim til Saskatoon, eftir tveggja mánaða dvöl hjá föður sínum hér í borg. Mr. Jón Einarsson frá Lundar, er staddur í borginni þessa dagana. Mr. Kári Byron, sveitaroddviti í Coldwell héraði kom til borgarinnar á mánudaginn var í viðskiftaerind- um. Dr. Sveinn E. Björnsson frá Ár- borg, er staddur i borginni um þess- ar mundir, á framhaldsnámskeiði fyrir lækna, sem hér er háð þessa dagana. Síðustu íslandsblöð láta þess get- ið, að látinn sé á elliheimilinu Grund i Reykjavík, þjóðsagnaþulurinn Sigfús Sigfússon, sem kendur var jafnan við Eyvindará. Var hann maður hniginn mjög að aldri. Séra Carl J. Olson er nú alfluttur til borgarinnar og er heimili hans að 246 Arlington Street. Sími 27 329. T. Eaton verzlunarfélagið hefir ákveðið að halda sýningu á málverk- um Mr. Emile Walters i búð sinni hér í borg dagana frá 1. til 16. nóvember næstkomandi. Er undir- búningur þegar hafinn í þessu sam. bandi. Verða þar til sýnis málverk af ýmsum sögufrægustu stöðum Is. lands, er listamaðurinn gerði í hinni síðustu för sinni til ættjarðarinnar. Skýrt verður nánar frá tilhögun allri, viðvíkjandi málverkasýningu þessari, hér í blaðinu á næstunni. Mrs. Oli Anderson frá Baldur, kom til borgarinnar á þriðjudaginn, til þess að gera innkaup til hausts- ins og vetrarins fyrir kvenfata- og hattabúð sina í Baldur. kirkju Gimlisafnaðar, þ. 30. ágúst s.l. Hafði maður hennar, Dr. W. L. Atkinson, safnað myndum þess- um þegar hann fyrir nokkru, fór langferð um Austurlönd og víðar um hnöttinn. ¦ Myndirnar hinar beztu og sýndi frúin mesta fjölda af þeim. Er hún orðin æfð í að stjórna vélinni og fórst henni ágæt- lega öll meðhöndlun. Kom hún að tilmælum safnaðarnefndar. Er þetta í annað sinn sem Mrs. Atkinson sýnir myndir hér til inntekta fyrir Gimlisöfnuð. Hið fyrra sinn fvrir ári sííSan, og voru þau þá bæði við sýninguna, Dr. Atkinson og hún. Er frúin uppeldisdóttir Benedikts heit. ins Frímannssonar og Ingibjargar konu hans, er lengi áttu heima hér í bæ og tóku jafnan mikinn og góð- an þátt í málum bæjar og safnaðar. Eru safnaðarfulltrúar Gimlisafnað- ar mjög þakklátir þeim Dr. og Mrs. Atkinson fyrir alla alúð og fyrir- höfn er þau sýndu og tóku á sig við myndasýningarnar báðar, er voru hreint ágætar. Er Lögberg beðið, mcð linum þessum, að flytja þeim ágætu hjónum þetta þakklæti.— Nýlega f lutt héðan úr bæ eru þau Mr. og Mrs. Hallur O. Hallsson. Munu þau nú vera í Eriksdale, þar sem Ólafur sonur þeirra og kona hans eiga heima, en hafa i huga að flytja til Californíu, þar sem þau bjuggu i allmörg ár, áður en þau settust að í annað sinn hér á Gimli. Fluttu þá héðan í hið fagra og hlýja heimkynni þar í suð-vestri. Sæmd- arhjón mestu. Munu margir sakna þeirra hér í bæ, en óska þeim láns og blessunar hvar sem þau verða. Xý pósthúsbygging er nú sögð i vændum hér í bæ. Er ]>að tímabær umbót og þarfleg að segja má. (Fréttaritari Lögb.).

x

Lögberg

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lögberg
https://timarit.is/publication/132

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.